[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=ex char="" num="0,black"]
على ميعادها في كل ليله=تجيني حملها يالله تشيله
بلا استيذان تقلط في محلي=زيارة فرض واخبرها نفيله
ولالي غير قولة مرحبا بك= على العاده ولو كنتي ثقيله
هلابك ياكريمه في حضورك=هلا ياللي بغيباتك ثقيله
هلا يازايرتني غصب عني=ولا لي في التخلص منك حيله
انا عندي سؤال لو سمحتي=رجائي جاوبي بيّة وسيله
سوالي ليه ليليّة زياره=ولاعمرك حضرتي وقت قيله
وقالت لي سوالك في محله=جوابه مايبي حطه وشيله
ولكن وش يبي ينفع جوابي=وشوفك كل ليله مايبي له
فقلت اسألك بالله جاوبيني=تري صدري تزايد به غليله
وبعد اخذ وعطا والا ولا لا =عطتني سرها مثل الذليله
وقالت في النهار يقل حيلي=ونور الشمس يجعلني عليله
ولاجا الليل شفت بقدرة الله=وانا ماعندي عيون كحيله
بدون عيون واشوف العجايب=واشوف ابليس لاما هز ذيله
عرفت اسباب توقيت الزياره= وليه اصبحت للظلما عميله
غريبه مثل اجابتها غريبه=وزادتني على الحما مليله
الا ياليتني كاتم سوالي=او اني شفت لي واحد بديله
بغيت المعرفه واصبحت تايه=معك ياعاقله مدري هبيله
بدون عيون وتشوفين بالله؟=وفي المسرى تقدين الدليله!
ونور الشمس ياضيفه عدوك=اقول انتي صفاتك مستحيله
مدام انك كذا بك عرق جني= وروح السحر صرتي له عديله
فقالت انتبه زلة لسانك=وحكمك عدّله جا فيه ميله
ولاتظلم بريٍ ماجاب زله=حرام تهمتك لي بالرذيله
انا ضيفتك لاترخص مقامي=نبيله جيت وابغى ارجع نبيله
تراك انت المسمى في زمانك=ولاغيرك كبير وسط جيله
لحالك بس في درب المعالي=شجاع وصرت ناموس القبيله
وتاخذ كلما في شف بالك=ولو غيرك رضى باخذ القليله
وكل يمتنيك من العذارى=يعلّى قدرها جت لك حليله
ولاياتي نصيبك غير في اللي=تغط البدر في برقع وشيله
وخصر تلتقي حوله كفوفك=تلف الليل كله في الجديله
وعنق شبر ينقص مطرح اصبع=عروقه مثل براق تخيله
وفمها كلما لدت تبسم=يتوه كل ماشي من سبيله
وباقي الجسم حدث يامحدث = على ماقيل مثل اعرض نحيله
لها رمش لياما سلهمت به = غدى لعيونها ظلال ظليله
وثقل وعقل واخلاق ومزايا=اقل وصوفها قولة جميله
وتصبح مغتني من كل جانب=جليل وعيشتك مثلك جليله
وتقنى في حياتك كل فاره=وتركب موتر يسبق مديله
وللمحتاج تعطي ماتبالي=ولو شح الزمن توفيه كيله
على ذا الحال وعّد يامواعد=ولاادري ياعرب ويش الحصيله
على مابي ضياع توهتني=ولكن بان لي كذب المخيله
وقلت اشفيك كثرتي وعودك=عسى منتي على العالم وكيله
انا راضي بمايقسمه ربي=نصيبي لي جزيله مع هزيله
فمان الله روحي عن طريقي=مدام الليل يعلن عن رحيله
وضحتي كلما عندك تماني=وهرج الليل ندري وش يزيله
انا اعرف رابعه ماهي تصدّق=ضحوكة وجه والقتله بغيله
بروق في صحا كل المناوي=ويبطي برقها ماسال سيله
تماني رابعه شي خيالي=والا ياويل من تغريه ويله
تماني رابعه عله وبلوى= انا جربتها سنين طويله
تمانيها كما العود الموّرق=والى جيته ليا اوراقه هليله
عرفتو ضيفتي مافيه شكه=تروها عذبتني كل ليله
[/poet]
على ميعادها في كل ليله=تجيني حملها يالله تشيله
بلا استيذان تقلط في محلي=زيارة فرض واخبرها نفيله
ولالي غير قولة مرحبا بك= على العاده ولو كنتي ثقيله
هلابك ياكريمه في حضورك=هلا ياللي بغيباتك ثقيله
هلا يازايرتني غصب عني=ولا لي في التخلص منك حيله
انا عندي سؤال لو سمحتي=رجائي جاوبي بيّة وسيله
سوالي ليه ليليّة زياره=ولاعمرك حضرتي وقت قيله
وقالت لي سوالك في محله=جوابه مايبي حطه وشيله
ولكن وش يبي ينفع جوابي=وشوفك كل ليله مايبي له
فقلت اسألك بالله جاوبيني=تري صدري تزايد به غليله
وبعد اخذ وعطا والا ولا لا =عطتني سرها مثل الذليله
وقالت في النهار يقل حيلي=ونور الشمس يجعلني عليله
ولاجا الليل شفت بقدرة الله=وانا ماعندي عيون كحيله
بدون عيون واشوف العجايب=واشوف ابليس لاما هز ذيله
عرفت اسباب توقيت الزياره= وليه اصبحت للظلما عميله
غريبه مثل اجابتها غريبه=وزادتني على الحما مليله
الا ياليتني كاتم سوالي=او اني شفت لي واحد بديله
بغيت المعرفه واصبحت تايه=معك ياعاقله مدري هبيله
بدون عيون وتشوفين بالله؟=وفي المسرى تقدين الدليله!
ونور الشمس ياضيفه عدوك=اقول انتي صفاتك مستحيله
مدام انك كذا بك عرق جني= وروح السحر صرتي له عديله
فقالت انتبه زلة لسانك=وحكمك عدّله جا فيه ميله
ولاتظلم بريٍ ماجاب زله=حرام تهمتك لي بالرذيله
انا ضيفتك لاترخص مقامي=نبيله جيت وابغى ارجع نبيله
تراك انت المسمى في زمانك=ولاغيرك كبير وسط جيله
لحالك بس في درب المعالي=شجاع وصرت ناموس القبيله
وتاخذ كلما في شف بالك=ولو غيرك رضى باخذ القليله
وكل يمتنيك من العذارى=يعلّى قدرها جت لك حليله
ولاياتي نصيبك غير في اللي=تغط البدر في برقع وشيله
وخصر تلتقي حوله كفوفك=تلف الليل كله في الجديله
وعنق شبر ينقص مطرح اصبع=عروقه مثل براق تخيله
وفمها كلما لدت تبسم=يتوه كل ماشي من سبيله
وباقي الجسم حدث يامحدث = على ماقيل مثل اعرض نحيله
لها رمش لياما سلهمت به = غدى لعيونها ظلال ظليله
وثقل وعقل واخلاق ومزايا=اقل وصوفها قولة جميله
وتصبح مغتني من كل جانب=جليل وعيشتك مثلك جليله
وتقنى في حياتك كل فاره=وتركب موتر يسبق مديله
وللمحتاج تعطي ماتبالي=ولو شح الزمن توفيه كيله
على ذا الحال وعّد يامواعد=ولاادري ياعرب ويش الحصيله
على مابي ضياع توهتني=ولكن بان لي كذب المخيله
وقلت اشفيك كثرتي وعودك=عسى منتي على العالم وكيله
انا راضي بمايقسمه ربي=نصيبي لي جزيله مع هزيله
فمان الله روحي عن طريقي=مدام الليل يعلن عن رحيله
وضحتي كلما عندك تماني=وهرج الليل ندري وش يزيله
انا اعرف رابعه ماهي تصدّق=ضحوكة وجه والقتله بغيله
بروق في صحا كل المناوي=ويبطي برقها ماسال سيله
تماني رابعه شي خيالي=والا ياويل من تغريه ويله
تماني رابعه عله وبلوى= انا جربتها سنين طويله
تمانيها كما العود الموّرق=والى جيته ليا اوراقه هليله
عرفتو ضيفتي مافيه شكه=تروها عذبتني كل ليله
[/poet]
[/align]
تعليق