صوت وصدى ..انا والدعرمي

[c]مساكم الله بالخير...هذي القصيدة اسندتها على الشاعر الكبير / عبدالرحمن الدعرمي
صلو على النبي [/c]

[poet font="Simplified Arabic,14,darkblue,bold ,normal" bkcolor="" bkimage="http://nadawi.net/vb/images2/26.gif" border="none,2,gray" type=2 line=200% align=center use=ex char="" num="0,black"]
على ربي التكلى وبسم الله الرحمن=وذكر الله اولى ماعلى العبد يبدابه
فلا يالله اني طالبك ياعظيم الشان=ياقامع جيوش الظلم ومفرق احزابه
تصخّر لي الجزلات في حبكة القيفان=مادام القصايد طرقها صار متشابه
بروقٍ تلوح وعقبها بكّر الودان=هماليل نوه تغرق السفح وهضابه
فلا يانديبي قم على وارد اليابان=سهوم المنايا موصل الوله لاحبابه
شموخ الجمال وخفة ونوزة الغزلان=والى اقبل عليك تقول ذا سيد الغابه
وكاله مصمم للمطاليق والشيخان=ويحماه ربي من الردي مافتح بابه
ليا دق سلفه وارتكاله وهو طربان=تنومس مداقيله ونوماس مركابه
ولاوصل في الارض الخلي ماهو بشفقان=على وارد الفكسار راعيه يزهابه
فخذ مني المكتوب والوصف للعنوان=وحرَك بحفظ الله ولاماه وحجابه
بدايتك مع خط المدينه مع ذهبان= طريق مساراته سريعه ومنسابه
والى شفت كبري فيه لوحه هنا عسفان= وشفت المطار وطايراته وركابه
فعده على الطايف مع وادي النعمان=وجاك الهدى يازين منهو تمشى به
وخط الرياض اربع مسارات لك يافلان=ومع مفرق الخرمه تبي تحسب حسابه
وتقطع ديار بقوم واقطع دير سبعان=ورجواك في اللي مابعد خاب طلابه
ليا اقبلت شفت الصايره فاذكر المنان= فذي بيشة اللي ماله مثل ومشابه
واذا شفت بيت في الصلل تضرم النيران=قبل تاصل معزبك ياصلك ترحابه
تحمد وصفط والله ان شف بالك زان=مدامك وصلت الدعرمي فانت في ثابه
من الاد دعرم وقعهم يروي الظميان=خذو صك في الونعم وياحي ذا اللابه
يفاولك فنجال يداوي عنا الخرمان=في المجلس اللي روس قومه تقهوى به
وعطه الكتاب ولاتعلم فصيح لسان=فعنده مفاتيح المغاليق مايابه
ابشكي عليك الحال ياخامس الاخوان=بعد شفت وقتي حازم الراس بعصابه
تجيني هجوسي قلت باصدّر الديوان=والى قلت تظهر ماتلاحقت لو جابه
فمن عام الاول مارجحت كفة الميزان=وانا ادري المقادي والمقادير غصابه
واذا قلت زان الوقت عنّد علي وشان=زماني يعاملني وهو فالت اعصابه
ينيشن علي ويخترص لي وانا النيشان=ولا اخطا الهدف مره فياكثر ماصابه
همومي غدت في دولة الخافق السكان=عشاها معاليقي ودمي تغدابه
واشوف الاصيله تعتوف داخل الميدان=لها ركزة للروح والعين جذابه
واقرب لها واقول انا الفارس السلطان=وانا اللي بروضها ولعنادها اجابه
واقرب وتبعد والكحيله بدون عنان=ولا ادري اش بلاها شيخة الخيل مرتابه
بعدها اختفت مدري لو انه خطفها جان=او اني بحلم فسره وارسل اسبابه
وبشكي عليك اللي لعهد المحبه خان=وانا ادرى عليه اكثر من الاه واقرابه
هجرني وهو مايدري بلوعة الهجران= ولا يدري بحالة من اشقاه بغيابه
بعد صد عني صرت كني غريب اوطان=وعيني بعد فرقاه للدمع سكابه
هنا المطرقه وهناك ياعزوتي السندان=وانا بينها محتار وايش اتوقى به
ولاعاد به شي مخبى وكلش بان=تفاصيل حالة واحد وصلك كتابه
ابي شورك اللي تنجلي عقبه الاحزان= وكم من مجرب طاع شورك ولا عابه
مع الشكر والتقدير والطيب والعرفان=وسلام من الله في النهايه تحيّا به


[/poet]

[c]ناصر الاحمري


وكان رد ابو محمد شافي ووافي ..وابلغ ..صح لسانه
واليكم رد الدعرمي
صلو على النبي [/c]

[poet font="Simplified Arabic,14,darkblue,bold ,normal" bkcolor="" bkimage="http://nadawi.net/vb/images2/26.gif" border="none,2,gray" type=2 line=200% align=center use=ex char="" num="0,black"]
على العاده اللي ورثوها لنا الجدان"="أرحب بضيف الدار لانوّخ ركابه
أرحب وافزّ ومخزن شميزري مليان"="واشبّ السما وارمي بطلقات شبّابه
بعد طول مشواره ليامن لفا عمسان"="أفاولْه فنجالٍ يداوي عنا مابه
واجدد له الدله واعشيه شحم الضان"="وافلّ الحجاج وخاطري ينشرح بابه
هلا مرحبا ترحيبةٍ تروي العطشان"="صديقٍ يرحب بالصديق وبما جابه
هلا مرحبا يالأحمري طيب السيسان"="سلايل قرومٍ للنواميس كسابه
من رجال بللحمر هل الكار والسلطان"="سلاطين مجد و وجد للريع ذبّابه
تنهّض خفوقي للجميله وانا ضرمان"="ومن طيب شاعرها نهضت اتحفّا به
لفتني عل الفكسار والحق والبرهان"="علي الطلاق انْها للالباب نهابه
جذبني جزيل القاف للقاف ياعثمان"="جذبني وقمت الاعبه واتلوّا به
وهب النسيم البارد وحرك الاغصان"="أفانيد سدرٍ في ضميري تفيّا به
طيورٍ تبجّح بالغنا والقصيد الوان"="تغرد على اغصان الضمير وتغنّا به
جذبني وانا ادنى ماجذبني على الالحان"="واجاوب صدى صوته بالاشعار واشقابه
واغوص البحور ادوّر اللول والمرجان"="أجيب الدرر لو دونها الموت ما اهابه
فا لا يانديبي فوق مفهوقة الذرعان"="عمانيةٍ قطّاعة البيد وثّابه
عمانيةٍ فجّا نحر والوروك سمان"="تهزّع على البيدا تهزّاع دبابه
عليها وسم جدي وابوها الفحل عشوان"="ومن دونها ناسٍ للارواح جلابه
تسهّل وخذ ردّي لناصر وقلّه : عاااان"="جواب الخويّ اللي خويّه تهقوا به
تشكويت ياناصر وانا خاطري مشحان"="تقول الزمن عضّك وانا اخوك بانيابه
ولاغير عينك برّقت فيك يا ذيبان"="حداها الطموح تْعَذْرب السيف ونصابه
صغار النفوس يزيد فـ عيونها النقصان"="وتشوف العظيم كْبار الانفس وتهْزا به
ولو شفت من دنياك ياصاحبي نكران"="فذي عادة الدنيا على طول قلاّبه
تقرّب وتبعد والعرب رابح وخسران"="تدور الليالي والزمن دار دولابه
تصافق هبوب الريح في شاهق الضلعان"="ولا كل ضلعٍ لا زبنته توزّا به
تصبّر لعله ينفتح للفرج بيبان"="وترهي عليك بكل وادي ومحنابه
تفيض المشاعر بالغلا والفرح والدّان"="يغنونه العشاق وتفوز باعجابه
لفاني خبرها لا صدودٍ ولا نسيان"="ولكن صروف الوقت فالعشق واربابه
ولاهوب خاطفها لا جني ولا إنسان"="ظروف حدتها والعواذيل كذابه
جرت عادة الدنيا ومهما يكون وكان"="لها اقفايةٍ واقبال تشقا وتهنا به
أقوله وانا اللي شاربٍ مرها كيسان"="وذقت الحلا فالوقت لازان مشرابه


[/poet]

[c]عبدالرحمن الدعرمي

وسلامتكم جميع[/c]

لله دركم من شعراء




للابداع تمتعنا بهاتين المعزوفتين





الرائعتين





صح إلسنتكم جميعا






تحياتى

اخو ناصر الأحمري

صح اسانك

ولسان عبدالرحمن


وفيتو وكفيتو

بيض الله.

وجيهكم



تقبلو تحياتى

الاخ العزيز/ ناصر الاحمري

صح لسانك انت والدعرمي


صح لسانك مبدع ووافي


جزله من جزل


بيض الله وجهك



تقبل تحياتي


فهد بن دلباح

الاخ العزيز/ ناصر الاحمري

صح لسانك انت والدعرمي



وشكراً لكما كل الشكر

ناصر

صح لسانك ولسان عبد الرحمن

صوت وصدى من روس طيبه ووافيه لاهنتوا كلكم ولا شنتوا


مشهور...

ارحب يالذيابي

صح بدنك ولاعدمتك

دايم سباق للعلوم الغانمه

تحياتي

اخي ناصر


صوت رائع وصدى اروّع

لا هنت

والله يعطيك العافيه


تقبل تحيااتي

صح بدنك يالعصيمي

ولاهنت على حضورك وردك اللي يشرفنا

تحياتي وتقديري ولا عدمتك

ياسلام عليك ياناصر


صوت وصدى في منتهى الجمال


صح لسانك ولسان الدعرمي


اجمل تحياتي