====الى كل الاعزاء قصيــدة جـــــــديـــــــدة======

[أصيل الشوق]

سيداتي آنساتي سادتي .. اليكم هذه القصيدة التي أتمنى أن تنال أعجابكم وأرجوا أن لاتبخلوا على بأي نقد أو ملاحظة ..


ياقـلب ويـن الى تحبه وتغليه ** الصاحـب الي ماتحمـلت فرقــاه

ياقلب لاتكذب تقول أنك ناسيه ** ماظنتي حبــه بيخليك تنســاه

كانك قويت البعد فلانيب قاويه ** وشـهي حياتي ياخفـوقي بـليـاه

الحال من عقبه بان الردى فيه ** لاكـل ولاشـرب غير أهذري بذكراه

وأسهر مع طيفه وبأسمه أناديه ** ياروح روحي خافقي أسمع مناداه

ليته يشوف الي حبيبه يعانيه ** وياليت يسمع داعـج العين شكواه

يسمع جروح من ضميري تناديــه ** تبغى المروفة منه والجرح يرفاه

يبكيه قلبي كل ماحل طاريــه ** وشـلون مايبكيه قلـبا تمنــــاه

والله أحبه وكل مافيني يغليــه ** روحي وقلبي وحاجر العين يهواه

ودي أشوفه نور عيني وحاكيـــه** وأعاتبه لمن تواجـهت ويــــاه

أعاتبه عتاب غالــي لغـاليــه ** وأذكره عن حبنا كيف مبـــداه

وأقول له يامعذب القلب يكفيـه ** يكفيه منك ياريش العين ماجاه

يما تعال لحبنا نعيد ماضيـــه ** ولا تناسى حب جعلك فـدايــاه

أقولهامن خافقا باح كــــانيـه ** حبا يذل القلب ماعاد نبغاه ه

اصيل يا اصيل الشوق

ابيات وقصيدة تحتوي جزل المعاني لاهنت يالغالي

صح لسانك يا اخوي & اصيل الشوق &
والقصيده جميله جداً ورائعه ..

ولاتحرمنا من المزيد .

اخوك / العنيــــــــــــــــــــد

هلااااا اخوي اصيل الشوق..

جميـــــــل ماخطيت من حروف

صح لسانك وسلمت يمناك

في انتظار جديدك

[أصيل الشوق]

أعزائي الكرام == سهم المنايا == العنيد == الواثقة ==

شكرا لكم على التعقيب الطيب وأرجوا أن أكون عند حسن ظن الجميع