Tweet
[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
لانيب لا مغرم ولانيب مشغوف = وماهوب يرضي مطمعي مارضوبه
اغلي بدون احدود ولاأرخصت ماروف = لا ظاع صدقي فالقلوب الكذوبه
تقدر تقول اني معقد ومكشوف = عيبين وابن آدم يمكثر عيوبه
يعليش لوهو كل ماطوّف يطوف = كان العرب لعبت بنا لعب طوبه
حنا لقلنا يصغي لقولنا ولوف = وخطواتنا عند الرجال محسوبه
فضل من المولى ومنّّه ومعروف = مجملُ هقوات منهم هقوبه
الحمد له والشكر والفضل والنوف = مسير عباده موسع دروبه
امعز ومذل وبأمانه من الخوف = ممن عبادُ ماعطاهم رضوبه
ماحن بخير ..الناس لكن بنا وصوف = منها انحرم من لعبهم والعبوبه
وصوف ماهي بتغير من صدوف = ولا يغيرها من الوقت شوبه
انحبها مع انها اخشن من الصوف = تردنا عن ما الاوادم لهوبه
تعطيك طبع بين الاجواد مألوف = طبع رديين البخت ما شقوبه
طبع يحنك من شقا كل ملقوف = المدعي باللي لمعه ..ولهوبه
وصوف عكس وصوف من يطمر الروف = لباس ثوبُ مبلشه غير ثوبه
الحايف اللي كل ماشفته يحوف = اطلب له ان الله يخفف ذنوبه
ضعيف ورجال العرب فيهم ضعوف = عقايب.. وضعف المروه عقوبه
لو انه من درس الزمن جوّد حروف = لشمل درى ان عكس اتجاهه جنوبه
ولونه من وقته عرف كان عاروف = وان الخطا مايستره كون توبه
ولون وقته علمه الON والOFF = هدا هبوبه لستشاطت هبوبه
ولونه يفهم كان ماهو بمكلوف = ولا غدا مثل امغدا من غدوبه
الرجل مايقعد وخلق الله اوقوف = وان خالف العالم لقو مالقوبه
ترى التعب في طيب الذات مخلوف = والا ردي الذات ماهوب صوبه
وان ظاع ماني بلحق الظايع احسوف = وابشرك عاد الديار امعروبه
عاد الرجال تشوف ماعيني تشوف = وماكل درب لو يزيّن سروبه
تشوف وتمد النظر داخل الجوف = وتميز اخلاق البذي من اسلوبه
كلن وله غايات واهداف وشفوف = من يطلب الغايه يذوق الصعوبه
درب نزيه وكله وعور وجروف = ولولا الشيم كان العرب مامشوبه
ودروبها الباقي بساتين وتلوف = وجه الحشيم امن الردى لا يشوبه
يضيوف ياناصين ماجيتو ضيوف = جيتو وكلن راس ماله يدوبه
مال الضيوف الا السنع عند مضيوف = عاده ورى رمعاتهم لرمعوبه
معزبّ قد جرب ومر في ظروف = وما كدرت الايام صافي شروبه
من قو باسه ما مشا مشي ابلعوف = ولا رهن نفسه سوات الجلوبه
ياهيه ياغازين برماح وسيوف = ياللي لكم كور الشداد وركوبه
يهل مطايا في اللقا تركب ردوف = وتسري على صوت المدوه.. طروبه
عسافها ماراوز المقذع يدوف = جوٍّ تهقوابه تجوبه تجوبه
مزين قلايعكم بعد جيتو انكوف = عاداتكم يهل الشداد الركوبه
يا حلف واحلاف ومحاليف وحلوف = امشي دبوبه يالنفوس الدبوبه
مالوم جفنن يسهر الليل مطروف = ظاقت به الدنيا بعد ظيقوبه
المنحب اللي علته تحت سرجوف = عجزت الاطبّا في معالج ثروبه
الاوراق تحفظ في ملفات وارفوف = بكار يلقحّها الدوا.. لكتبوبه
يزهاك يا راس ظهر ماله اكتوف = فعلك بياظه لك لمن سولفوبه
بفراعة الفاروع تفرع لك صفوف = كسبك يكساب المهار وحكوبه
لو عاب راعي العيب ما شفتك تسوف = ولا اختلط وجه البياض وشحوبه
لليوم والجهل المركب له اعطوف = في اللي يخوظون البحر واغرقوبه
من حط الاحنف في محل ابن غدّوف = يصبر على ظحك العرب لظحكوبه
لونها بااوبار وشحوم وشعوف = ما زان في عيون البدو ظربوبه
ترغي جمال القوم من قيد وحفوف = وعوق نقيين العرب مادروبه
وعقل لها في ايديهم ووسوم ووسوف = وانا رعا عقل الجمال الظروبه
000000000000
وعاد الخروج ملي بحبال وازروف = تطلى الركاب الجرب نوبه ونوبه
.....مـــــحمّد بن علّوش
[/poet]
لانيب لا مغرم ولانيب مشغوف = وماهوب يرضي مطمعي مارضوبه
اغلي بدون احدود ولاأرخصت ماروف = لا ظاع صدقي فالقلوب الكذوبه
تقدر تقول اني معقد ومكشوف = عيبين وابن آدم يمكثر عيوبه
يعليش لوهو كل ماطوّف يطوف = كان العرب لعبت بنا لعب طوبه
حنا لقلنا يصغي لقولنا ولوف = وخطواتنا عند الرجال محسوبه
فضل من المولى ومنّّه ومعروف = مجملُ هقوات منهم هقوبه
الحمد له والشكر والفضل والنوف = مسير عباده موسع دروبه
امعز ومذل وبأمانه من الخوف = ممن عبادُ ماعطاهم رضوبه
ماحن بخير ..الناس لكن بنا وصوف = منها انحرم من لعبهم والعبوبه
وصوف ماهي بتغير من صدوف = ولا يغيرها من الوقت شوبه
انحبها مع انها اخشن من الصوف = تردنا عن ما الاوادم لهوبه
تعطيك طبع بين الاجواد مألوف = طبع رديين البخت ما شقوبه
طبع يحنك من شقا كل ملقوف = المدعي باللي لمعه ..ولهوبه
وصوف عكس وصوف من يطمر الروف = لباس ثوبُ مبلشه غير ثوبه
الحايف اللي كل ماشفته يحوف = اطلب له ان الله يخفف ذنوبه
ضعيف ورجال العرب فيهم ضعوف = عقايب.. وضعف المروه عقوبه
لو انه من درس الزمن جوّد حروف = لشمل درى ان عكس اتجاهه جنوبه
ولونه من وقته عرف كان عاروف = وان الخطا مايستره كون توبه
ولون وقته علمه الON والOFF = هدا هبوبه لستشاطت هبوبه
ولونه يفهم كان ماهو بمكلوف = ولا غدا مثل امغدا من غدوبه
الرجل مايقعد وخلق الله اوقوف = وان خالف العالم لقو مالقوبه
ترى التعب في طيب الذات مخلوف = والا ردي الذات ماهوب صوبه
وان ظاع ماني بلحق الظايع احسوف = وابشرك عاد الديار امعروبه
عاد الرجال تشوف ماعيني تشوف = وماكل درب لو يزيّن سروبه
تشوف وتمد النظر داخل الجوف = وتميز اخلاق البذي من اسلوبه
كلن وله غايات واهداف وشفوف = من يطلب الغايه يذوق الصعوبه
درب نزيه وكله وعور وجروف = ولولا الشيم كان العرب مامشوبه
ودروبها الباقي بساتين وتلوف = وجه الحشيم امن الردى لا يشوبه
يضيوف ياناصين ماجيتو ضيوف = جيتو وكلن راس ماله يدوبه
مال الضيوف الا السنع عند مضيوف = عاده ورى رمعاتهم لرمعوبه
معزبّ قد جرب ومر في ظروف = وما كدرت الايام صافي شروبه
من قو باسه ما مشا مشي ابلعوف = ولا رهن نفسه سوات الجلوبه
ياهيه ياغازين برماح وسيوف = ياللي لكم كور الشداد وركوبه
يهل مطايا في اللقا تركب ردوف = وتسري على صوت المدوه.. طروبه
عسافها ماراوز المقذع يدوف = جوٍّ تهقوابه تجوبه تجوبه
مزين قلايعكم بعد جيتو انكوف = عاداتكم يهل الشداد الركوبه
يا حلف واحلاف ومحاليف وحلوف = امشي دبوبه يالنفوس الدبوبه
مالوم جفنن يسهر الليل مطروف = ظاقت به الدنيا بعد ظيقوبه
المنحب اللي علته تحت سرجوف = عجزت الاطبّا في معالج ثروبه
الاوراق تحفظ في ملفات وارفوف = بكار يلقحّها الدوا.. لكتبوبه
يزهاك يا راس ظهر ماله اكتوف = فعلك بياظه لك لمن سولفوبه
بفراعة الفاروع تفرع لك صفوف = كسبك يكساب المهار وحكوبه
لو عاب راعي العيب ما شفتك تسوف = ولا اختلط وجه البياض وشحوبه
لليوم والجهل المركب له اعطوف = في اللي يخوظون البحر واغرقوبه
من حط الاحنف في محل ابن غدّوف = يصبر على ظحك العرب لظحكوبه
لونها بااوبار وشحوم وشعوف = ما زان في عيون البدو ظربوبه
ترغي جمال القوم من قيد وحفوف = وعوق نقيين العرب مادروبه
وعقل لها في ايديهم ووسوم ووسوف = وانا رعا عقل الجمال الظروبه
000000000000
وعاد الخروج ملي بحبال وازروف = تطلى الركاب الجرب نوبه ونوبه
.....مـــــحمّد بن علّوش
[/poet]
[/c]
[/c]
تعليق