غرب الرياض

.


خطوة ما تسير صوب غرب الرياض00
والله ان اقطع الممشا علشانها


سجت للهواوي والشوارع أعراض 00
والغلا بين زايرها وسكانها


من بنات الهوى عفرا ترب الفياض 00
ثوبها قيد منحرها وسيقانها


خدها برق صيف تالي الليل ناض00
شق سود النصوب ومزع أردانها


ول وش ذا الحمار اللي تغشى البياض00
ساطع بين مبسمها وحجانها


قاطع باليقين ولا عليه افتراض00
وجنة من حياها تصفق ألوانها


كلما جيتها عودت خالي الوفاض 00
لين صار الطمع في هرجة ألسانها


كيف مامر دام المبتلي ما أستعاض 00
ما بقى الا البيوت أدق بيبانها !!!



مشهور.....





.[تم تعديل الموضوع من قبل مشهور الخيّال بتاريخ 01-14-2002 الساعة 01:09 AM]

هلا مشهور

ترى ابشرك صلحت الفرامل وذا المره جيت احييك واقول لك شكرا على هالقصيده الرائعه بمعنى الكلمه

قاطع باليقين ولا عليه افتراض00
وجنة من حياها تصفق ألوانها

صح لسانك يا بو خيّال

قصيده جميله وكلماتها منتقاه من وحي البيئة البدويه .

خطوة ما تسير صوب غرب الرياض
@@@@والله ان اقطع الممشا علشانها


.. مهيب اول مره اطلع عليها .. من اعجابي بها نشرتها في اكثر من موقع .. ولكن قلت لازم ارد اليوم
حتى الاخوان والاخوات يطلعوون عليها ايضا ..

صــــــــــــح لســـــــــــــانك يابوفارس بدون حدود

تحياتي وتقديري

اخوك

شقران

سجت للهواوي والشوارع أعراض ........والغلا بين زايرها وسكانها

صح لسانك الله لا يهينك ...

عذوبة الكلمات و تصويرها للمشاعر و رهافة الاحساس تكفي عن الف كتاب ..

و انت ما قصرت .. صورت لنا اجمل الصور و ابدعها و اعذبها بكلمات يعجز الآف عنها

تحياتي و اعتزازي بك يا شايع

اخوك فيصل

الاخ مشهور الخيال

ياسلام......



اشهد بالله انها ابيات تنومس ...


بيض الله وجهك ...


وصح لسانك مليوووووووووون واكثر .......


ولاهنت....


اخوك بوعرب

[marquee]تنثر الابداع اينما كنت يابوفارس[/marquee]



صح لسانك يامشهووور وبيض الله وجهك

قصيده جزله من راس جزل لاعدمتك

لك تحياتي وتقديري

سيف السيف

ول وش ذا الحمار اللي تغشى البياض00
ساطع بين مبسمها وحجانها
قاطع باليقين ولا عليه افتراض00
وجنة من حياها تصفق ألوانها


ول0ول


ابو فارس 0


كل عام وانت بخير 00


عسى انشوفك وانت بخير0


تحياتي00

اررررررحب ياشايع

شاعر الابداع والروعه والجمال مشهور الخيال بيض الله وجهك وصح لسانك


بين الحين والاخر تتحفنا برائعه احسن من سابقتها وكل يوم افتح النت ادور على جديد مشهور الخيال



صح لسانك مليووووون

ول وش ذا الحمار اللي تغشى البياض00
ساطع بين مبسمها وحجانها

وصف جميل جدا لكن اول ما قريتها ضحكة ههههههههه اقول وش الحمار ( دونكي ) ؟؟؟
وقفت عندها شوي اتهاجاها لين فهمت قصدك وجلسة اضحك على نفسي


ولا انسى اقول الله يسلم ملهمتك اللي تجبرك على اتحافنا بكل ماهو رائع والله يقويها تحدك على الاروع بعد .


تقبل تحيات اخوك /// ابو مهدي

"
"
"
كيف مامر دام المبتلي ما أستعاض 00
ما بقى الا البيوت أدق بيبانها !!!



صح السانك اخوي مليوووون ..
"
"
كلمات كثير ممتعه .. سهله ..
"
"
تقبل تحياتي لك





أختك



أمســـــــــــــتيه

بسم الله الرحمن الرحيم


الاخ مشهور الخيال


سبق وقلت رأي فيك ،،، وفي ما تكتب


شعرك يطربني ويعيد لي الثقة ان فيه شعر اصيل معاصر في شبابنا ،،،

صح السانك يالذيب




قصيده رائعه


ومن النوع السهل الممتنع



لك كل اعجابي


ولاعدمتك

صح لسانك

صح لسانك.

الاخ : مشهور الخيال


صح لسانك والله اني صادق


وبيض الله وجهك علي القصيده


الابداع متمركز بشاعريتك


نقبل اعجابي

اخوك : نواف ال مركوز