Tweet
[poet font="Arial,14,darkred,bold ,normal" bkcolor="white" bkimage="" border="solid,5,darkred" type=1 line=200% align=center use=ex char="" num="0,black"]
~~ قطع الأنفاس ~~
ألا يالله فيك الرجا يادافع الباس=ألا يامانع الطير إذا رفرف وحامي
والايارازق الحوت جوف البحر غطاس=ينام الكون كله وعينك ماتنامي
طلبتك في الهدايه وذكرٍ سرفع الراس=وطيب الذكر بين الرجال أعلى وسامي
وراس المال في الدين والطيب مع الناس=أعيش بها ولامت قالوا للرحامي
تعبنا والتعب في طلب عزٍ ونوماس=كما اللي يقنص الصيد في روس السوامي
يدوّر للجوازي ويبدي كل متراس=ويتبع جرة الصيد من سامي لسامي
بديره قفر مظماه فيها قطع الأنفاس=وهو مختار يمشي بها جيعان ظامي
على شان المعزه شربنا المر في الكاس=تجرعناه من خوف يلحقنا ملامي
لقينا العز طمعه وله عشقٍ وهوجاس=لقينا فيه حشمه وقيمه وإحترامي
لقينا فيه دون المذله ستر ولباس=لقينا الذل يكسر صليبات العظامي
لقينا الفقر ذلّه لقينا الدَين وسواس=يقود الرجل قود المطيه بالخطامي
ولاتلقا بدربك عدوٍ مثل الإفلاس=يردك مثل مايثني الخيل اللجامي
درسنا والزمن مدرسه وحساب وقياس=تعلمنا ولابه نجاح من المنامي
ولاكل الدراسه تبي حبراً وقرطاس=كثير من المعارف بعيدات المرامي
ومن يبغى المعالي يباري كل قرناس=يعذّر في الوساده وفي ريش النعامي
ومن سيّر مع الناس يلقا كل الأجناس=يجرّب والتجارب معارف وإفتهاني
وخلق الله معادن ذهب مصيوغ ونحاس=ولو شفت الشبه في الوجوه وفي الأسامي
يجي في الناس عاقل وعنده فكر وإحساس=يدل القوم لو ضيّعوا درب النظامي
وفيهم من تفرّق عليه أخماس واسداس=ولايفصح لوإنه يلقّن بالكلامي
ويجي في الناس حصناً منيع وجيّد الساس=وفيهم جدر مايل وسهل الإقتحامي
وسبع الدار هيّن وسبع الضلع فرّاس=وطير الصقر ماهو كما طير الحمامي
وياكثر الحصى ماتساوي حبة الماس=ولو حمّلت بابور منها مايسامي
ولاكل الشجر ريحته تزكي بالأنفاس=ولو شفت الشجاري تمايل بالنوامي
ولبس الراس عالي ولبس الرجل ينداس=وهذا غير هذا وكلٍ له مقامي
وثوب العز ماينشرى من سوق الأدناس=ثياب أهل الدناسه على مثلي حرامي
ختام القول مني عدد ماهب نسناس=على سيد البريه صلاتي والسلامي
عبدالله الطلحي
.
[/poet]
~~ قطع الأنفاس ~~
ألا يالله فيك الرجا يادافع الباس=ألا يامانع الطير إذا رفرف وحامي
والايارازق الحوت جوف البحر غطاس=ينام الكون كله وعينك ماتنامي
طلبتك في الهدايه وذكرٍ سرفع الراس=وطيب الذكر بين الرجال أعلى وسامي
وراس المال في الدين والطيب مع الناس=أعيش بها ولامت قالوا للرحامي
تعبنا والتعب في طلب عزٍ ونوماس=كما اللي يقنص الصيد في روس السوامي
يدوّر للجوازي ويبدي كل متراس=ويتبع جرة الصيد من سامي لسامي
بديره قفر مظماه فيها قطع الأنفاس=وهو مختار يمشي بها جيعان ظامي
على شان المعزه شربنا المر في الكاس=تجرعناه من خوف يلحقنا ملامي
لقينا العز طمعه وله عشقٍ وهوجاس=لقينا فيه حشمه وقيمه وإحترامي
لقينا فيه دون المذله ستر ولباس=لقينا الذل يكسر صليبات العظامي
لقينا الفقر ذلّه لقينا الدَين وسواس=يقود الرجل قود المطيه بالخطامي
ولاتلقا بدربك عدوٍ مثل الإفلاس=يردك مثل مايثني الخيل اللجامي
درسنا والزمن مدرسه وحساب وقياس=تعلمنا ولابه نجاح من المنامي
ولاكل الدراسه تبي حبراً وقرطاس=كثير من المعارف بعيدات المرامي
ومن يبغى المعالي يباري كل قرناس=يعذّر في الوساده وفي ريش النعامي
ومن سيّر مع الناس يلقا كل الأجناس=يجرّب والتجارب معارف وإفتهاني
وخلق الله معادن ذهب مصيوغ ونحاس=ولو شفت الشبه في الوجوه وفي الأسامي
يجي في الناس عاقل وعنده فكر وإحساس=يدل القوم لو ضيّعوا درب النظامي
وفيهم من تفرّق عليه أخماس واسداس=ولايفصح لوإنه يلقّن بالكلامي
ويجي في الناس حصناً منيع وجيّد الساس=وفيهم جدر مايل وسهل الإقتحامي
وسبع الدار هيّن وسبع الضلع فرّاس=وطير الصقر ماهو كما طير الحمامي
وياكثر الحصى ماتساوي حبة الماس=ولو حمّلت بابور منها مايسامي
ولاكل الشجر ريحته تزكي بالأنفاس=ولو شفت الشجاري تمايل بالنوامي
ولبس الراس عالي ولبس الرجل ينداس=وهذا غير هذا وكلٍ له مقامي
وثوب العز ماينشرى من سوق الأدناس=ثياب أهل الدناسه على مثلي حرامي
ختام القول مني عدد ماهب نسناس=على سيد البريه صلاتي والسلامي
عبدالله الطلحي
.
[/poet]
تعليق