Tweet
[poet font="Simplified Arabic,14,black,normal,normal" bkcolor="white" bkimage="" border="groove,7,gray" type=0 line=200% align=center use=sp char="" num="0,black"]
اخواني
هذه قصيده موجهها مع التحيه للشاعر
مبارك ابن عيينان الهاجري عساها تنال
رضاه ورضاكم
مني علي البث المباشر للهناديب اجتماع= جلسة تصارح مغلقه ماحد(ن)يعرف اسرارها
تنتج قصيده فالمجالس ماتمل الاستماع=تنقال لامارت شواعير العرب باشعارها
وانا لياجيت النداوي جيت قدر المستطاع=باجزل قصيده للرجال اهل العقول اختارها
اتعب عليها قبل تنهش من مناويب السباع= واديرها منا ومنا لين ازيح ستارها
حتى تجي مثل الهنوف اللي نواعسها وساع= والزين تزهابه من اعلاها لروس اظفارها
واليا استوت قدمتها تقدير والدنيا متاع=للي لياجتله يقدرها على مقدارها
اهل العقول من القصيد اللي بلامعنى شباع= ياوين تلقى لك قصيده تستحل افكارها
مثل مبارك مايجي الا في منازيل الرفاع= رجلاً يميزها ويعرف سرها وجهارها
ابو محمد لاطرق قافه صعيب القاف طاع=قدامه القيفان لاغنا تدق ازوارها
يالهاجري ماللسفينه فالبحر غير الشراع=ولاتاصل الماد البعيد الا بيد بحارها
ونا بدوي وافرح بطيب البدو في كل البقاع=البدو اراسلها وترسل لي واحب اشوارها
لاكن طرالي ماطرالي فالصحاح وفالوجاع=وارسلتها لك وانت ماتخفاك يابيطارها
لاواحسوفه بكرتي راحت وهي وقم الرباع=وردتها للما لكن افلست من مصدارها
وسمتها بالمطرقين اللي على حيد الذراع=واليوم راس الحول ماحتى سمعت اذكارها
انشدك عنها وانت مالك ذنب واللي ضاع ضاع=لاكن اظنك يامبارك سامع ٍ باخبارها
هاك الليالي يوم كان العلم يشرى مايباع= مرتكم البكره وشفتوا فالتراب اثارها
وانا تراني يامبارك محتمل ذنب الضياع=ياليتني جودتها بقيادها وهجارها
مير الليالي يامبارك كان ماطاعت تطاع=والعاقل اللي غلطته ينحاش عن تكرارها
لاوميت بالكف اليمين اعني تحيات الوداااع=وانا خلاص اوميت للي ماتلد انظارها
تحسب خساره والخطا كله على خط الدفاع=ماتعرض السلعه على اللي مايعرف اسعارها
وصلت بالفكر الرزين اقصى حدود الاقتناع=فاللي تعب مدخالها اهون من تعب مظهارها
والثانيه حصنتها مثل الحصون ام القلاع=ماودي انه كل واحد ينتبه لاسرارها
*********
وسلامتك وسلامة الاخوان والاخوات كلهم
المطرقين وسم قبيلة الدهمه(للعلم فقط)
[/poet]
[poet font="Simplified Arabic,14,black,normal,normal" bkcolor="white" bkimage="" border="groove,7,gray" type=0 line=200% align=center use=sp char="" num="0,black"]
وهنا رد الشاعر مبارك ابن عيينان
وقد كان رد شاعر قوي بالفعل واستفدت منه
أعذب تغطراس القصايد عند باب الانصياع =اللي تدير لفكر شاعرها على مادارها
مثل الدهيمي لاضرب ضربه على شوك النخاع = ضرب المشوّك في يمين(ن) ماتزل اعيارها
ياسعود يافيصل خلاف الشعر في وقت النزاع = بنت الفكر لبّستها الحشمه وزاد وقارها
في ليل جمهورك قصيدك شمس وبيوته شعاع = كنها تمد أهل الوجيه النيّره بانوارها
وبنات فكرك من زمان(ن)فات للمعنى جياع = واليا اشبعت من كرمة الهاجوس قص أثمارها
كنها تقول ان الثقيل ان رزت يمكن يستطاع = هقوه وفي الهقوه مراكيز الظنون أبصارها
ولا يمكن انّه ينزل العالي ابو قلبن رعاع = لن الجبال اطلوعها ماهو مثل محدارها
والزبد لامنه صلته الشمس فوق القاع ماع = حكمة حكيمن من يمين الجوهره ويسارها
والحر لامنّه وكد بالطلع صوب الطلع فاع = ماهيب شيهانة جبل تسبر عشا صقارها
وانا ادري انك في الشجاعه ماخذن كاس الشجاع = كريم تهدي طايره ماينوجد طيارها
ياطيب حظك ياسعود وطيب حظ أهل السماع = وأبشرك اهل العمار أطّول منها اعمارها
ياسعود لو ان القطاع يفيد رحنا للقطاع = ماكان تسبقنا على الروضه وريح أزهارها
واكبر غلط وسط الدفاعات القويه الاندفاع = لاغرها كبر البيوت اللي قصير جدارها
ماتدري انه في اليهود اعراب بني القينقاع = وكبارها يزرع سواد القلب وسط صغارها
قدلي وانا ودي بوضع الفصل في حكم المشاع = حتى الليالي ماتغيب الا تغيب اقمارها
واقول للي مايذاع انك بعد بكره تذاع = في اقصارها واطوالها واطوالها واقصارها
وعن مايغلّق صفوة الصافي مداهيل ومزاع = أخير من نفضة هوى يعمي العيون غبارها
مالي على الجاهل مداعه دام مالي فيه داع = وانّا ترانا بدو ماتبرد وتطفا نارها
وكان الوسيمه بكرتن وضحا واذانيها اخراع = حايل سنه عندي خبرها مير دوّر غارها
لنها تبا تتعبك في الدوره وناتجها صداع = واتلا العهد في بكرتك يوم اقطعت معبارها
وابشر وبشر بالعوض من خيرة الذود الطلاع = مني عوضها بكرتن شبك المزاين دارها
والعاقل اللي لاخصم نفسه وخذ منه انطباع = والله يخلي للصغار من الرجال كبارها
[/poet]
اخواني
هذه قصيده موجهها مع التحيه للشاعر
مبارك ابن عيينان الهاجري عساها تنال
رضاه ورضاكم
مني علي البث المباشر للهناديب اجتماع= جلسة تصارح مغلقه ماحد(ن)يعرف اسرارها
تنتج قصيده فالمجالس ماتمل الاستماع=تنقال لامارت شواعير العرب باشعارها
وانا لياجيت النداوي جيت قدر المستطاع=باجزل قصيده للرجال اهل العقول اختارها
اتعب عليها قبل تنهش من مناويب السباع= واديرها منا ومنا لين ازيح ستارها
حتى تجي مثل الهنوف اللي نواعسها وساع= والزين تزهابه من اعلاها لروس اظفارها
واليا استوت قدمتها تقدير والدنيا متاع=للي لياجتله يقدرها على مقدارها
اهل العقول من القصيد اللي بلامعنى شباع= ياوين تلقى لك قصيده تستحل افكارها
مثل مبارك مايجي الا في منازيل الرفاع= رجلاً يميزها ويعرف سرها وجهارها
ابو محمد لاطرق قافه صعيب القاف طاع=قدامه القيفان لاغنا تدق ازوارها
يالهاجري ماللسفينه فالبحر غير الشراع=ولاتاصل الماد البعيد الا بيد بحارها
ونا بدوي وافرح بطيب البدو في كل البقاع=البدو اراسلها وترسل لي واحب اشوارها
لاكن طرالي ماطرالي فالصحاح وفالوجاع=وارسلتها لك وانت ماتخفاك يابيطارها
لاواحسوفه بكرتي راحت وهي وقم الرباع=وردتها للما لكن افلست من مصدارها
وسمتها بالمطرقين اللي على حيد الذراع=واليوم راس الحول ماحتى سمعت اذكارها
انشدك عنها وانت مالك ذنب واللي ضاع ضاع=لاكن اظنك يامبارك سامع ٍ باخبارها
هاك الليالي يوم كان العلم يشرى مايباع= مرتكم البكره وشفتوا فالتراب اثارها
وانا تراني يامبارك محتمل ذنب الضياع=ياليتني جودتها بقيادها وهجارها
مير الليالي يامبارك كان ماطاعت تطاع=والعاقل اللي غلطته ينحاش عن تكرارها
لاوميت بالكف اليمين اعني تحيات الوداااع=وانا خلاص اوميت للي ماتلد انظارها
تحسب خساره والخطا كله على خط الدفاع=ماتعرض السلعه على اللي مايعرف اسعارها
وصلت بالفكر الرزين اقصى حدود الاقتناع=فاللي تعب مدخالها اهون من تعب مظهارها
والثانيه حصنتها مثل الحصون ام القلاع=ماودي انه كل واحد ينتبه لاسرارها
*********
وسلامتك وسلامة الاخوان والاخوات كلهم
المطرقين وسم قبيلة الدهمه(للعلم فقط)
[/poet]
[poet font="Simplified Arabic,14,black,normal,normal" bkcolor="white" bkimage="" border="groove,7,gray" type=0 line=200% align=center use=sp char="" num="0,black"]
وهنا رد الشاعر مبارك ابن عيينان
وقد كان رد شاعر قوي بالفعل واستفدت منه
أعذب تغطراس القصايد عند باب الانصياع =اللي تدير لفكر شاعرها على مادارها
مثل الدهيمي لاضرب ضربه على شوك النخاع = ضرب المشوّك في يمين(ن) ماتزل اعيارها
ياسعود يافيصل خلاف الشعر في وقت النزاع = بنت الفكر لبّستها الحشمه وزاد وقارها
في ليل جمهورك قصيدك شمس وبيوته شعاع = كنها تمد أهل الوجيه النيّره بانوارها
وبنات فكرك من زمان(ن)فات للمعنى جياع = واليا اشبعت من كرمة الهاجوس قص أثمارها
كنها تقول ان الثقيل ان رزت يمكن يستطاع = هقوه وفي الهقوه مراكيز الظنون أبصارها
ولا يمكن انّه ينزل العالي ابو قلبن رعاع = لن الجبال اطلوعها ماهو مثل محدارها
والزبد لامنه صلته الشمس فوق القاع ماع = حكمة حكيمن من يمين الجوهره ويسارها
والحر لامنّه وكد بالطلع صوب الطلع فاع = ماهيب شيهانة جبل تسبر عشا صقارها
وانا ادري انك في الشجاعه ماخذن كاس الشجاع = كريم تهدي طايره ماينوجد طيارها
ياطيب حظك ياسعود وطيب حظ أهل السماع = وأبشرك اهل العمار أطّول منها اعمارها
ياسعود لو ان القطاع يفيد رحنا للقطاع = ماكان تسبقنا على الروضه وريح أزهارها
واكبر غلط وسط الدفاعات القويه الاندفاع = لاغرها كبر البيوت اللي قصير جدارها
ماتدري انه في اليهود اعراب بني القينقاع = وكبارها يزرع سواد القلب وسط صغارها
قدلي وانا ودي بوضع الفصل في حكم المشاع = حتى الليالي ماتغيب الا تغيب اقمارها
واقول للي مايذاع انك بعد بكره تذاع = في اقصارها واطوالها واطوالها واقصارها
وعن مايغلّق صفوة الصافي مداهيل ومزاع = أخير من نفضة هوى يعمي العيون غبارها
مالي على الجاهل مداعه دام مالي فيه داع = وانّا ترانا بدو ماتبرد وتطفا نارها
وكان الوسيمه بكرتن وضحا واذانيها اخراع = حايل سنه عندي خبرها مير دوّر غارها
لنها تبا تتعبك في الدوره وناتجها صداع = واتلا العهد في بكرتك يوم اقطعت معبارها
وابشر وبشر بالعوض من خيرة الذود الطلاع = مني عوضها بكرتن شبك المزاين دارها
والعاقل اللي لاخصم نفسه وخذ منه انطباع = والله يخلي للصغار من الرجال كبارها
[/poet]
تعليق