غضا الشوق

السلام عليكم مساء الخير

ياشوقي لكم يالربع والعذر والله على الانقطاع ولكن تأكدوا ماهو جفا والاقل معزة لاوالله ولكن كل انسان عنده ارتباطات منكم وتفهمون الوقت هذا والله اللي يشهد .

مريت الليلة على المنتدى وحبيت أكتب القصيدة ذي وهي غزلية رغم ان رمعي في الغزل قليل ولكن الله يجمل


صلوا على النبي
[poet font="Simplified Arabic,14,black,normal,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]

يا من لقلبٍ ماهوى غبة الشوق=الا وله في بحر الاشواق حصة
له درةٍ ماوصفوها هل الذوق=ولاوصلوا من الوصف لو ربع نصه
وان ثمنوها بالدراهم هل السوق=باحت دراهمهم وفادوا مقصه
لواقبلت بين العذارى بقت فوق=يبني لها شوفك عليهم منصه
الله عطاها فتنة تسحر الموق=كن العذارى جنبها في مخصة
لاجيت بأترك سكرة الحب وآفوق=قمت أتذكر زولها وأستلصه
وان قلت بأكنز سر قلبي بصندوق=لمت همومي بأول الحلق غصه
وأن جيت أترجم ما طرالي بطاروق=بانت وصارت للشماميت قصه
بألزم فوادي وأتحذر من البوق=وشاربٍ بيطول صوبي بأقصه
وباكون انا الطارد ولاني بملحوق=نص الكلام مثمن الهرج نصه
فاذا حصلك وجهة دونها عوق=فاعص الفواد وجيد الراي عصه
واحفظ كرم وجهك عن الهرج واللوق=واذا توصالك عزيزٍ فوصه
وأحرق هوى قلبك على جمرة الشوق=فلابد ما ياخذ غضا الشوق حصه




وسلامتكم
[/poet]

لاجيت بأترك سكرة الحب iiوآفوق
قمت أتذكر زولها iiوأستلصه


اخي الغالي عبدالله


صح الله لسانك

والله قصيده رائعه

جدا

وقافيه مميزه



الله درك


سعدت اني اول من يصافحه هذا الابداع



لاهنت


وتقبل تحياتي

اللييييييييييييييييييييييل

وأحرق هوى قلبك على جمرة iiالشوق
فلابد ما ياخذ غضا الشوق iiحصه


ارحب ياعبدالله

ومن طول الغيبات جاب الغناااااايم

وصح لساااانك ...ولله درك ...لله درك

تحياتي

لاهنت يا عبدالله

وصح لسانك على القصيده الرائعه


تحيااااتي

صح لسانك ملايين


قصيدة وقافيه صعبه لايجيدها الا شاعر





دمت ودام ابداعك




تحياتي اليك اخوي عبدالله العسبل





اخوك