أنا بدوي .. للبدر

يا بنت انا للشـمس في جلدي حروق..
وعـلى سـمـوم القـيظ تزهـر حـياتي..
أطـرد سـراب اللال في مـرتع النـوق..
و من الظـمـا يجـرح لـسـاني لهـاتي..
عاري جـسـد والليـل هـتان و بـروق..
دفـاي انـا والبـرد.. سـمـل الـعـبـاتي..
ان عـذربوني بعـض خلانـك صـدوق..
يا بنت ا نا عـشق الخـلا من صفاتي..
أنا بـدوي.. ثوبي على المتن مشقوق..
مـثل الجـبال السـمـر صـبـري ثبـاتي..
ومثل النخـيل اخـلقت انا هـامتي فـوق..
ماأعتدت انا احني قامتي الا فصلاتي..
والا أفـتخـر بـفعـال يمـنـاه مخـلـوق..
يا بنـت ا نا فـعـلي شـهـوده اعـداتـي..
الله خـلقـني وكـلمة ا لحـق بوفـوق..
وملكت الأرض وراس مالي عصاتي..

بـدربن عبدالحمسـن


تلبية لطلب العزيز .. طير شلوي ..





[تم تعديل الموضوع من قبل هيفاء بتاريخ 11-23-2000 الساعة 09:43 PM]

الف شكر يا هيفاء على القصيده الله ينورك أثرني ضايع يوم اقول لك انا بدوي وراس مالي عصاتي

الحي يحييك والميت يزيدك غبن

اخوك
طير شلوى

ياهيفاء الله يرضى عليكي0

ياأخت هيفاء000عاشقة بدرمافيه مشكله!
المشكله ياأنتي ياعشيقك كسرتوا واحد من البيوت
واللي يسمونه الشعار (ضير البيت)0
والبيت هو ( مثل النخيل خلقت انا هامتي فوق)
الا اذاهو (مثل النخيل أخلقت انا هامتي فوق) ولا يسلم من (الضيار)

أرجو ان تتقبلين ملاحظتي بصدر رحب 0


مشهور0

بسم الله الرحمن الرحيم

عزيزي ..
طير شلوى..

لا شكر على واجب ..

ولا يهمك انك لخبطت في القصيده ..

اهم شيء تطلب مني اي شيء على بالك ..

بسم الله الرحمن الرحيم

عزيزي ..
ومنبهي ..
مشهور الخيال ..

شكرا شكرا شكرا .. لك .. انا اسفه على هالخطا ..

الصادر مني طبعا .. لأني ماكتبت الألف .. اعذرني ..

رجعت نقلتهامن ديوان رساله من بدوي .. ديوان البدر ..

كماهي تماما.. انا فعلا شاكره لك .. تنبيهك لي ..

معجبه...في محل من يستحق الأعجاب

الأخت هيفاء...
كنت أجري من خلف الكواليس لمتابعة هذا الأعجاب الذي هو فيمن يستحقه وفعلاً...كانت سكة سفر طويله مع بحور البدر هذا العملاق ..
ومني لك هذا البيت وهو فعلاً يستحق الأطراء عند من يحب البدر

يقول..

أنا الحطاب في قاع جرد ما به شمع وغصون *** حداه البرد والليل الطويل وشب في فاسه
_____________________________________
إلى اللقاء عند أحد روائع بدر بن عبدالمحسن
تعبت أسافر في عروقي ومليت *** من جلدي اللي لو عصيته غصبني
أنا سجين الحال مهما تسليت *** وأنا الطليق وكل شي قضبني

أطيب تحايا
ولدعبس

بسم الله الرحمن الرحيم


اخوي .. ولد عبس ..


انا بالفعل شاكره ومقدره لك هذا الكلام الحلو ..

ماتتخيل قد ايش اسعدني .. شكرا لك كل الشكر ..

جميل انني احس .. انك حاس فيني وانه البدر يستحق هذا الأعجاب ..


اعجبتني كثير .. الجمله الأولى ..

معجبه في محل من يستحق الأعجاب ..

شكرا لك ..




[تم تعديل الموضوع من قبل ولدعبس بتاريخ 11-28-2000 الساعة 09:58 PM]

من طول الغيبات ومبروك عليكم الشهر

هلا بالأخت هيفاء
الحمد لله على السلامة...والبدر غاب وطل مره أخرى
عموماً كل عام وانتم بخير....وعساكم من عواده

قلت أتصل وأعايدك يالله عسى عيدك يعود *** يالله عسى عيدك يعود بخير ومن العايدين...

ما عليش البيت للعيد والعوده على رمضان عيد

ولدعبس

الأخت معجبة البدر ( هيفاء )
لست وحدك من يحب البدر فالجميع يحبون البدر والبدر(القمر)وكل البدور اختيار جميل وقصيدة تدل على تمسك هذا البدوي باصالته وانتمائة وفخره
تحياتي لك
اخوك
الجازم
-----------
غلطة تحاسبني عليها الليالي....دايم تصور لي وانا اصد عنها

بسم الله الرحمن الرحيم



عزيزي الغالي ..
ولد عبس ..

الله يسلمك ..

وشكرا لهذه الردود الحلوه منك .. ماتقصر معي ..

انا اغيب ممكن لكن البدر لا.. سيطل علينا دائما..انشالله



وكل عام وانت بخير ..

بسم الله الرحمن الرحيم


اخي .. الجازم ..

انا ماقلت اني الوحيد المعجبه بالبدر ..


والدليل اني كتبت في توقيعي .. احدى معجبات البدر ..


اصلا .. يحزنني اني اكون الوحيد لاني ابي الكل يحبه ..

وهذا الهدف من نشر قصايده .. عشان تستمتعون يالمعجبين ..

واللي ماهو معجب .. يكون معجب من كثر مايقرا ابداعاته ..


شاكره لك ومقدره .. على كل حال ..

[الكويتيه العنيده]

انا بدويه وثوبي على المتن مشقوق

السلام عليكم
***********

اختى الغاليه / هيفاء

هذى القصايد من احب القصايد لنفسي فعلا ..... ويمكن لانى عشت فيها تماما ..... الناس تسئلنى تقول انتى بدويه ..؟!!! بطريقه تعجب ... وكنت ارد عليهم بالابيات اللى ذكرتيها للشاعرنا / بدر بن عند المحسن

أنا بـدويه.. ثوبي على المتن مشقوق..
مـثل الجـبال السـمـر صـبـري ثبـاتي..
ومثل النخـيل اخـلقت انا هـامتي فـوق..

وفقتى عزيزتي وذكرتنى في ما مضي الله واكبر كيف الايام مرت بسرعه

الى اللقاء

اختي العنيده الكويتيه ( ملاك )
اللي يسمعك يقول لاحقة على طبخ العرفج مايدري انك مولودة سنة الكمبيوتر قبل سنة الانترنت ...وانشاء الله السنين الباقية لك احسن من الماضية يا احلى عنيده
تحياتي لك
اخوك الجازم

[الكويتيه العنيده]

هاهاهاها الله يغربل ابليسك

مساء الخير


عبادي طيب طيب الصبر زين اعلمك راح تشوف نجوم القايله في عز الليل هاهاهاها كنى عفستها الله يغربل ابليسك .

دامى اكبر منك سنا اسكت ولا تحارشنى ترا ما تشوف الذبايح نسينا ما كلينا يا الجازم

وصل الحوت من المانياواللون روعه الحين يطير قلبه من مكانه هاهاهاا

الحين اقولك اجمع العرفج والرمث وشب الضوء .... لا هيفاء تضربنا بالعجره

يا الله امشيء قبل لا تجيء راعيه الموضوع وتذبحنا


تحياتى للجميع والى اللقاء