مجاراة لقصيدة السامر > العذا ا ا ب

عودتنا دايم على تقديم التحف القيمه يا بو ثامر

وهذه القصيده تعد من اغلى ماهو جميل على وجه الارض وهي ليس بالغريبه من شاعر مثل سمو الامير / السامر فقصائده دائما من اروع ما يقال او بالمعنى الاصح من اروع ما يصاغ لانها مثل الذهب واغلى .

وانا من المعجبين بشعر سموه حيث ان لدي بيتين شعر مضى لها عندي في نفسي وفي ملكي تقريبا على 12 سنه وهي بيتين جسد فيها عزه النفس والكرامه التي ليس لها حدود وغير مصطنعه و التي يقول فيها : [poet font="Simplified Arabic,14,black,normal,normal" bkcolor="" bkimage="" border="outset,0,silver" type=0 line=200% align=center use=sp char="" num="0,black"]
علمني الوقت رفع الراس والهامه = لاما اشرب الحب ذل وينحني راسي
نفسي على العز عزامه وجزامه =لاخير بالعشره اللي مالها ساسي
[/poet]


فمن شدة اعجابي بالقصيده جاريتها بالابيات التاليه والتي لايمكن ترتقي الى مستواها ولكن نجود من الموجود .


فاليكم :
[poet font="Simplified Arabic,14,darkred,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
ياحمام على خضر الروابي دله =جر صوتك على غصن تلوفه مهاب
غطرف اليوم طربه لا تغطرف وله= خل صادق تراحيبك تطول السحاب
راسي اللي كتبها بس هي مرسله =عن طريق النداوي وصلوا لي كتاب
يابو ثامر تجيب العلم من منهله =دايم صيدك الجزله ورميك صواب
جبت قاف وابو راشد لحاله هله= طيب القاف من طيب اخطل الكف طاب
عنده الشعر لؤلؤ لا عطاه كفله= كنه عقد يزين متلعات الرقاب
كلمة الشيخ شيخه وافيه مكمله =هي زهت له ويزهاها عزيز الجناب
ترثة سعود شاعرنا بعد نجعله = ضمن ترشيح قايدنا وضمن الجواب
لوبتلت بطريق المدح كيف اصله=هومزاياه جمه ما حصرها حساب
زبدةالهرج ياأهل الطيب يا مدهله =كل ما قل دل وما اكثروا فيه شاب

مسفر بن عايض ال رشيد


[/poet]

والمعذره على القصور

ولكم تحياتي ...

مسفر ال رشيد

القصور بعيد منك ومن قافك...ومجاراه ولا اروع

شاعر مبدع....ودائما انتظر جديدك

ومتأكد دائما من جزالة ماتطرح عند رؤية اسمك

صح لسانك مليون يا مسفر

وتقبل تحياتي

حسن العرجاني

مجاراة رائعه يامسفر ..

ماشاء الله تبارك الله ..

تسلم يابو عايض

تحياتي

شكراً لك يامسفرآل رشيد


على هذه المجاراة الطيبة

ويستاهل طويل العمر

وابو/ثامر كذلك..

مرحبا ومسهلا اخوي حسن ..

طال عمرك انت الا ستاذ وانا الطالب ..


وانا اجود من جودكم ..


مرورك تاج فخر ..


لا عدمتك ..



اجمل تحياتي

استاذي القدير ..

شرفتني بمرورك اللي مثل مرور المطر .

وانت راعي الا وله لا عدمتك .


تحياتي .

بزيك ابو عايض .

اخوي الغالي


مسفر مجاراه رائعه وصح لسانك ملا لا لا لايين يا الذيب


صح لسانك

مسفر


بيض الله وجهك


وصح لسانك



تقبل تحياتي

اخوي محمد المويعزي ..

مرحبا ومسهلا ..

ولا هنت على مرورك المشرف .


ولا عدمتك ..


اجمل تحياتي ..

ابو عايض .

[راشد العجمي]

مسفر بن عايض آل رشيد


لاهنت طال عمرك..


وصح الله لسانك يالسنافي..


رائعه منك هذه المجاراة..


والسامر..أبداع لامثيل له..



تحياتي.......

اخوي مقبل الكويكبي ..


صح ابدانك .

ولا هنت على مرورك المشرف .



لا خلا



ولا عدم



تحياتي الجميله



ابو عايض .

اخوي مطر العضياني

مرحبا والله ومسهلا

شرفني مرورك طال عمرك ..


ولا هنت .

ولك مني اجمل تحيه ..

ابو عايض.

اخوي بدر ..

مرحبا والله ومسهلا ..


شرفتني طال عمرك بمرورك ..

ونورت متصفحي بكلماتك الجميله ..


لهنت


ولا خلا


ولا


عدم .



تحياتي الجميله .


ابو عايض .