Tweet
السلام عليكم
مساكم الله بالخير
صدى صوت بيني وبين
الشاعر ظافر السهلي المتمكن
واتمنّى تنال على البعض من اعجابكم
[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
الشعر له في قمّة المجد منزال=مثل النجوم العاليه في سماها
ما كل من غنّى من الضيق موال=رام الجبال النايفات ورقاها
هذا ولي فالشعر مخرج ومدخال=انقي بيوتٍ ما تعكر صفاها
ما قد نقدني فالمخاليق رجال=لا سمْعها ما غاب عنه صداها
تبقى وقايعها من اجيال لـ جيال=مثايلن يطرب لها من قراها
اسبك جزيل الهرج في دق واجلال=واحبْك جواهرها واذري ذراها
وانسج من الافكار واضرب بالامثال=ما كل من دوّر لـ حاجه لقاها
فالناس عرّافٍ وفالناس جهال=ينبيك عنها طيبها من رداها
الله يجير الشعر من جور الاهوال=ناسن خطاها ما يعادل قداها
هذا يشد ابها وهذاك نزّال=وهذا يكحلها وهذا عماها
اللي يبا نوف المعالي ولا طال=من ضعف عزمه لا زما ما قواها
ما يارد ودلوه تصلفق على الجال=يبطي وكبده ضاميه ما سقاها
يمسي على حالن ويصبح على حال=تعجز تميّز وجهها من قفاها
اهل اللغى والكبر والقيل والقال=اللي تخالط سمها في دواها
وان جتني الكلمه ومن فمّ عيّال=عرّضتها صفق الهوى واقتفاها
ثم قلّة الحيله معه كيف يحتال=يومي بنفسه لين بيّح خفاها
قليل عرف وشوف مزري ويغتال=يقفى هل الطاله ويضحك معاها
يضرب ظلالي فالحكيّ والتهوّال=تكرم لحانا عن دنايس لحاها
اقصى علومه مع خبيثين الاعمال=وادنى علومه يقطع الله رجاها
واليا لزمته مع هبوب الهوى مال=واليا تركته ما توّقف ارغاها
وانا اترّفع عن عديمات الاشكال=اللي فروض المعتلي ما قضاها
هذا وبه ناسن مقاديم واجزال=لا شاف جزلات المثايل شراها
يعز نفسه عن حثاريب وانذال=ويسعى لقولة (نعم) حتى خذاها
له في مناف العز ممسى ومقيال=ولا ساق نفسه في متاهت هواها
ولا يحب الحثربه والتبهلال=ولا يثوّر بندقه في خباها
ضاري على عسف الصعايب والافعال=ونفسه عن الزلات ربي حماها
يقدم على العليا وللعز مدهال=تخجل حروفي ما تكمّل وفاها
من قوّ باسه للصعيبات حلاّل=دايم وهقواته بعيدن مداها
فعايله ما تنحصي بتقوّال=وجمايله ما ناصل للمنتهاها
اللي علومه دايمٍ تشرح البال=تنومس اهل المعرفه واقرباها
شاعر وله فالشعر مبدى ومكيال=دايم قصيده فالجمال ايتباها
استاذ شعر وهامته فوق الاطلال=بخت البيوت اللي بنهجه بناها
يقيس عذبات المعاني بالاميال=وكل العقول الداهيه قد دهاها
قريحتي تثني على طيّب الفال=اللي تعابيره تجاهر ضياها
ظافر والى شغّل تماتيك الارسال=يقطع ضمى نفسن تدّنا ضماها
ازكى تحياتي على جسر الامال=فوحة عبير وجوهرن محتواها
ارسلت لك من باب الاعجاب مرسال=اسلم ويسلم من سمعها وقراها
ظافر
جاني من اغلى ناسي احروف مرسال=العود الازرق طيب والشهد ماها
ورحّبت ترحيبن جلا عمسة البال=وغنيت والفرحه يطيب امغناها
يا مرحبا ترحيب غالٍ لقا غال=ترحيبةٍ تصعب على من بغاها
كنها لهب نار الصخي بـ اشهب الآل=يجذب على بعد المسافه سناها
بنسل الكريم امعرّب الجد والخال=اللي تهون الكايده لا نواها
اخوي وان شانت تقاطيع الازوال=اصيح بـ اسمه والجموع انحداها
قريت خطك يا محمد وبلحال=هجسي على الافكار فرّت رحاها
البدع كنه ذود والراس جمّال=والهجس( ودّه ) للبيوت وشعاها
وجتني بكار السبك والحبك زرفال=وابلا نظر قمت اتخيّر حداها
كلن تقول الزود عندي وبحتال=للعنوه اللي ناويٍ بتعناها
واخذت من صفر المعاميل فنجال=وقصّرت في رجلٍ تسرّع اخطاها
لانّ التسرّع يكشف السين والدال=وكشف السدود اظن ما انته تباها
وقررت ابنحت جملتك نحت تمثال=واعرب خبرها من بعد مبتداها
اسمع كلامي زين يا طيب الفال=لا تلتفت صوب النفوس وبلاها
ودارن بها حمّا وعله وسلاّل=حذرا تقربها ويصيبك وباها
من يقترب منها عليه الدهر مال=وكم من رجالٍ روّحت في يداها
اخذو عقب عال الشواهيق محوال=انفوس تسعي في عماها وصماها
ويالله دخيلك من هزيلين الاقوال=اللي يزفّر كل مجلس حكاها
حثال قوم وبالحكي ماهو حثال=بشوت ربعه وسط زغنه طواها
من سمع هرجه قال فارس وخيّال=وداره ينزّح بالسيوف احدداها
وهو تعفف عنه لبّاسة الشال=اللي ردايفها تركز وراها
عند العرب رجّال فالبيت حمّال=ينقل ولدها غصب جعله فداها
هذا وبه ناسٍ كما روس الاموال=الله يحييها ويحيي نباها
ايمانهم فالطيب للطيّب إخطال=للدرب المراجل الله اللي هداها
ما نقّصوو في وزنة الجود مثقال=ذره ولاّ قد هبّطوا مستواها
وقت الرخا ترخا وفالشده جبال=قومٍ نوّتهم خيّب الله ثناها
تحط في عينٍ تناقصهم اخلال=وتعزّ اقصى واحدٍ في اخوياها
ما بينهم ريبات والشك زوّال=اصفى من العد القراح بصفاها
وبه ناس في كل المواقيف عقّال=ما قد (ولو) حاجه ولاحدٍ ولاها
يبغون لكن ما يساعدهم الحال=والله على درب السعد ما وزاها
اجواد قومٍ بين حلٍ وترحال=في بيوتها حطت مرابط نماها
خوفٍ تجي فالسالفه طقّت عيال=وتكبر دعاويها وتبلش معاها
ذولا ليامن جوك رحّب ولا تسال=عن ضرسها لوّه سقط من جماها
هذا وانا فصّلت فالرد تفصال=للي جزيلات الفرايد حواها
امطر بها والسيل من هاجسي سال=من بعد حن رعودها في عِلاها
وارجو السموحه كان قصّرت من تال=ياللي عن الهزلات نفسه نهاها
ويطرق طروق اللعب فـ اقصار وطوال =وبصفوة التفكير جاب امعناها
ودام العهد من بين الاثنين ما زال=نفوسهم بالغصب تاصل مناها
وسلامتكم
..
[/poet]
مساكم الله بالخير
صدى صوت بيني وبين
الشاعر ظافر السهلي المتمكن
واتمنّى تنال على البعض من اعجابكم
[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
الشعر له في قمّة المجد منزال=مثل النجوم العاليه في سماها
ما كل من غنّى من الضيق موال=رام الجبال النايفات ورقاها
هذا ولي فالشعر مخرج ومدخال=انقي بيوتٍ ما تعكر صفاها
ما قد نقدني فالمخاليق رجال=لا سمْعها ما غاب عنه صداها
تبقى وقايعها من اجيال لـ جيال=مثايلن يطرب لها من قراها
اسبك جزيل الهرج في دق واجلال=واحبْك جواهرها واذري ذراها
وانسج من الافكار واضرب بالامثال=ما كل من دوّر لـ حاجه لقاها
فالناس عرّافٍ وفالناس جهال=ينبيك عنها طيبها من رداها
الله يجير الشعر من جور الاهوال=ناسن خطاها ما يعادل قداها
هذا يشد ابها وهذاك نزّال=وهذا يكحلها وهذا عماها
اللي يبا نوف المعالي ولا طال=من ضعف عزمه لا زما ما قواها
ما يارد ودلوه تصلفق على الجال=يبطي وكبده ضاميه ما سقاها
يمسي على حالن ويصبح على حال=تعجز تميّز وجهها من قفاها
اهل اللغى والكبر والقيل والقال=اللي تخالط سمها في دواها
وان جتني الكلمه ومن فمّ عيّال=عرّضتها صفق الهوى واقتفاها
ثم قلّة الحيله معه كيف يحتال=يومي بنفسه لين بيّح خفاها
قليل عرف وشوف مزري ويغتال=يقفى هل الطاله ويضحك معاها
يضرب ظلالي فالحكيّ والتهوّال=تكرم لحانا عن دنايس لحاها
اقصى علومه مع خبيثين الاعمال=وادنى علومه يقطع الله رجاها
واليا لزمته مع هبوب الهوى مال=واليا تركته ما توّقف ارغاها
وانا اترّفع عن عديمات الاشكال=اللي فروض المعتلي ما قضاها
هذا وبه ناسن مقاديم واجزال=لا شاف جزلات المثايل شراها
يعز نفسه عن حثاريب وانذال=ويسعى لقولة (نعم) حتى خذاها
له في مناف العز ممسى ومقيال=ولا ساق نفسه في متاهت هواها
ولا يحب الحثربه والتبهلال=ولا يثوّر بندقه في خباها
ضاري على عسف الصعايب والافعال=ونفسه عن الزلات ربي حماها
يقدم على العليا وللعز مدهال=تخجل حروفي ما تكمّل وفاها
من قوّ باسه للصعيبات حلاّل=دايم وهقواته بعيدن مداها
فعايله ما تنحصي بتقوّال=وجمايله ما ناصل للمنتهاها
اللي علومه دايمٍ تشرح البال=تنومس اهل المعرفه واقرباها
شاعر وله فالشعر مبدى ومكيال=دايم قصيده فالجمال ايتباها
استاذ شعر وهامته فوق الاطلال=بخت البيوت اللي بنهجه بناها
يقيس عذبات المعاني بالاميال=وكل العقول الداهيه قد دهاها
قريحتي تثني على طيّب الفال=اللي تعابيره تجاهر ضياها
ظافر والى شغّل تماتيك الارسال=يقطع ضمى نفسن تدّنا ضماها
ازكى تحياتي على جسر الامال=فوحة عبير وجوهرن محتواها
ارسلت لك من باب الاعجاب مرسال=اسلم ويسلم من سمعها وقراها
ظافر
جاني من اغلى ناسي احروف مرسال=العود الازرق طيب والشهد ماها
ورحّبت ترحيبن جلا عمسة البال=وغنيت والفرحه يطيب امغناها
يا مرحبا ترحيب غالٍ لقا غال=ترحيبةٍ تصعب على من بغاها
كنها لهب نار الصخي بـ اشهب الآل=يجذب على بعد المسافه سناها
بنسل الكريم امعرّب الجد والخال=اللي تهون الكايده لا نواها
اخوي وان شانت تقاطيع الازوال=اصيح بـ اسمه والجموع انحداها
قريت خطك يا محمد وبلحال=هجسي على الافكار فرّت رحاها
البدع كنه ذود والراس جمّال=والهجس( ودّه ) للبيوت وشعاها
وجتني بكار السبك والحبك زرفال=وابلا نظر قمت اتخيّر حداها
كلن تقول الزود عندي وبحتال=للعنوه اللي ناويٍ بتعناها
واخذت من صفر المعاميل فنجال=وقصّرت في رجلٍ تسرّع اخطاها
لانّ التسرّع يكشف السين والدال=وكشف السدود اظن ما انته تباها
وقررت ابنحت جملتك نحت تمثال=واعرب خبرها من بعد مبتداها
اسمع كلامي زين يا طيب الفال=لا تلتفت صوب النفوس وبلاها
ودارن بها حمّا وعله وسلاّل=حذرا تقربها ويصيبك وباها
من يقترب منها عليه الدهر مال=وكم من رجالٍ روّحت في يداها
اخذو عقب عال الشواهيق محوال=انفوس تسعي في عماها وصماها
ويالله دخيلك من هزيلين الاقوال=اللي يزفّر كل مجلس حكاها
حثال قوم وبالحكي ماهو حثال=بشوت ربعه وسط زغنه طواها
من سمع هرجه قال فارس وخيّال=وداره ينزّح بالسيوف احدداها
وهو تعفف عنه لبّاسة الشال=اللي ردايفها تركز وراها
عند العرب رجّال فالبيت حمّال=ينقل ولدها غصب جعله فداها
هذا وبه ناسٍ كما روس الاموال=الله يحييها ويحيي نباها
ايمانهم فالطيب للطيّب إخطال=للدرب المراجل الله اللي هداها
ما نقّصوو في وزنة الجود مثقال=ذره ولاّ قد هبّطوا مستواها
وقت الرخا ترخا وفالشده جبال=قومٍ نوّتهم خيّب الله ثناها
تحط في عينٍ تناقصهم اخلال=وتعزّ اقصى واحدٍ في اخوياها
ما بينهم ريبات والشك زوّال=اصفى من العد القراح بصفاها
وبه ناس في كل المواقيف عقّال=ما قد (ولو) حاجه ولاحدٍ ولاها
يبغون لكن ما يساعدهم الحال=والله على درب السعد ما وزاها
اجواد قومٍ بين حلٍ وترحال=في بيوتها حطت مرابط نماها
خوفٍ تجي فالسالفه طقّت عيال=وتكبر دعاويها وتبلش معاها
ذولا ليامن جوك رحّب ولا تسال=عن ضرسها لوّه سقط من جماها
هذا وانا فصّلت فالرد تفصال=للي جزيلات الفرايد حواها
امطر بها والسيل من هاجسي سال=من بعد حن رعودها في عِلاها
وارجو السموحه كان قصّرت من تال=ياللي عن الهزلات نفسه نهاها
ويطرق طروق اللعب فـ اقصار وطوال =وبصفوة التفكير جاب امعناها
ودام العهد من بين الاثنين ما زال=نفوسهم بالغصب تاصل مناها
وسلامتكم
..
[/poet]
تعليق