غميضه ماتروينا غميضه

[poet font="Arial,14,blue,normal,normal" bkcolor="white" bkimage="" border="none,2,gray" type=2 line=200% align=center use=sp char="" num="0,black"]
[[غميضه ماتروّيناغميضه ]]

لك الله لاتذكرني بماضي"="مضىماضيه مالي فيه عيضه
علوم طوال وعلوم ٍ عراضي"="وحفظ ألعهد والمكمي فريضه
وأنامالي على الوقت اعتراضي"="قنعت بواقع ٍ عشت بنقيضه
قبل مايظهربراسي بياضي"="أظني كنت من ناس ٍ حظيظه
أجي وأروح مبسوط ٍ وراضي"="ربيعي بالهوىيربع بقيضه
قبل ماأرد يجمن لي حياضي"="غميضه ماتروينا غميضه
لكن اليوم ريّض بالرياضي"="وزمان معيض روّح مع معيضه
قنعنا غصب واعتدنا التغاضي"="رجانا مايسرينا وميضه
ماكان وكان في شبه انقراضي"="وكل ٍ عجل ماأحد ٍ فيه ريضه
وجيبي دوب مصروف المقاضي"="وزمان أطماع وقلوب ٍ مريضه
غلا..(مالون) دام الجيب فاضي"="غلاك الى انتلت زرق الحفيضه
تبيع وتشتري مثل الاراضي"="بمنطق عذب وأيمان ٍ غليضه
مواضيع ٍ تجيب الأمتعاضي"="تمعن زين بالدنيا العريضه
شظاني من هكا الذكرى شواظي"="وتنقض فيني جروح ٍ نقيضه
وضغطي بأرتفاع وبأنخفاضي"="ويأسي فايض ٍ لاتستفيضه
بعد سجيت في خضرالفياضي"="تذكر عاشق بعلم ٍ يهيضه
أمانه يوم تذكر له مواضي"="تدله صاحبك والاتغيضه

سعد بن سبّيل

[/poet]

صح لسانك يا راعي نفيي

قصيده رائعه يالغالي


الله لايهينك يا سعد


دمتم بخير

محمد لطيف العنزي

لك الله لاتذكرني بماضي=مضىماضيه مالي فيه عيضه
علوم طوال وعلوم ٍ عراضي=وحفظ ألعهد والمكمي فريضه
وأنامالي على الوقت اعتراضي=قنعت بواقع ٍ عشت بنقيضه
قبل مايظهربراسي بياضي=أظني كنت من ناس ٍ حظيظه
أجي وأروح مبسوط ٍ وراضي=ربيعي بالهوىيربع بقيضه

سعد بن سبيل
الله عليك ... ياكثر اللي يحس ان هالقصيده تكلم عنه ...انا اتكلم عن نفسي اتمنى اني قايلها....

لكن انت كفيت ووفيت
لاهنت وسلمت ودمت

صح لسانك

اخوك فهد

الأخوين الفاضلين
محمد اللطيف
فهدالديري الحربي
تحية مودة واخاء
وأعتذر أولالتأخر الرد لعدم تواجدي
وبكفي هذه المشاركة المتواضعه اطلالتكما النيره
والتي سعدت بها كثيرا
مقدرا شعوركما النبيل واشادتكما التي أعتزبها
دمتم أحبتي بخير
وتقبلوا من ممنونكم سعد بن سبيل أجمل وأرق تحية