الى المراقب (سعد) .

السلام عليكم

مساكم الله بالخير جميــــع ؟؟

ابارك للمنتدى بمراقبه الجديد المتنبي واشكر اخوي النداوي على ثقته الكبيره بالمتنبي اللي يستاهل كل خير .

ولا اوّصيك ياسعد بثقة الربع فيك وبيّض وجيهنا عندهم

وهذي مداعبه منّي للمراقب (سعد) من غير قصور فالمراقبين الباقين لانها (مداعبه) .

واستلم ياسعد (وتراك معفي من الرد) .


قـالو مـراقب قـلت ماجاه لا ق بـه __ *__ ذي عـاقبة طـيبه وللطيب عاقبــه


ماللــفرس ياكود فـارس وذي فــرس __ * __ والحرّ له مرقب وذي من مراقبــه


ماهــوب يابخـت المراقب بمنصــبه __* __ الاّ يابخــت المـنتدى يامراقبـــه


لكــنّ لا تطــغـا علينــا وتنتـحــي __ * __ من ضاق به ثوبه يقولون ضاق بــه


خـلّك معـي لاتلتفـت صــوب غيــري __ * __ هات الثواب وعاقب اللي تعاقبــه


والـيا تعبت فعطني القيد والعصا __ * __ وازهـل .. براقب منهو تقول راقبـه


يامـّا كـذا ولاّ تـراهـا بتلحـقـك__ * __ والنجم ثاقـب والمشاريه ثاقبـــه



سلامتكــــم



خالد

صـــــــــــــــــــــــــح الله الســــــــــــــــــانك.

وأتمنى أني عند ثقة أخواني.....

وصـــــــــــــــــــــــــح الله الســــــــــــــــــانك

الأخ خالد

الأخوة جميعا

حينما دعاني المتنبي لمجلسهم العامر . كان لي الشرف في مقابلة والدة الشاعر جابر بن علوش وأخيه الأكبر الشاعر محمد بن جابر وبقية اقربائهم هناك.

أول مادخلت المجلس لفت نظري صور مكبرّه للأبل تنتشر على جدران المجلس بطريقة مرتبة،قلت في نفسي أكيد أن الربع أهل إبل .. وفعلا تبين لي أن لديهم الكثير من الإبل الأصايل .. وأن كل فرد فيهم يعشق الإبل .

سألت المتنبي أين بقية الأخوة : قال لي عند الإبل

(( بدا الحديث مع والد المتنبي الشيخ جابر العلوش عن الإبل وتبين لي أن الشيخ جابر موسوعة في الإبل ولديه من المعلومات عنها الكثير الكثير )) طلبت منه لقاء مطول عن الابل يغطي جميع الجوانب فوعدني بذلك .

قريبا سوف نقوم بزيارة خاصة للعم جابر عند الابل وسوف ينشر المقال بالصور انشاء الله .

(( الله أسأل أن يجعله مجلس عامر بالايمان انشاء الله ))

صح لسانك يا خالد
يا راعي الفطور الي انكشفت عقبه
سعد يستاهل

وازيد النداوي معلومه
سعد شاعر وابوه وكل اخوانه وليس محمد فقط
ووالد سعد الشيخ جابر له صولات وجولات قديمه مع الشعار الكبار في عهده ربما اجد بعضها عند الشاعر مهدي ابن عشيمان لانه كان من جيله ولعب معه كثير ويعرفون بعضهم وغيره كثير من الشعار
ثم ان الشيخ جابر يعشق الوضح من البل ويسمونه راعي الوضح
والدليل صورة الفحل اللي بوجه المجلس


نحسد اهل الكويت على زيارة النداوي لهم ونتمنى ان يكون لنا فرصه يسير علينا

خوي المطاليق

[زايد القلادي]

وانا اخر من يعلم

على فكرة الرجل المناسب في المكان المناسب وربي يستاهل ابو جابر
تحياتي لك بو جابر
والله يبقيك يابو جابر

[سلطان^^الهاجري]

يا زين ذالوقت اللي خلاني أقرا نكي بموقع النداوي

السلاام عليكم ورحمة الله وبركاته :
ابرك الساعة يوم قريت نكي هنا بموقعكم وما قصرت واتعبتك معي أخي النداوي الواثق أرسل لك تحياتي وسلامي أينما كنت في موقعك أو بريدك أو وجودك في موقع أخينا النداوي وينك يا رجال من نصف رمضان وأنا أتصل عليك ما حصلتك المهم أنشالله أني أحصلك هنا
لا شك حب الوطن والدار ولابه//خلى غريب الوطن يجفا معازيبه

أبو فلاح والله يا صاحبي لي شهور أدور عليك ما حصلتك أخبارك تهمنا يابو فلاح أصبر نفسي القشرا واعوذها من الشيطان///بلاوي والبلاوي في الزمن الشين غربالي

يامال فرقا العين دنيا تذهب العربان //تروح ايامها مابين نزال ورحالي
ويعطيكم العافيه وأتمنا أني أكون عند حسن ضن أخواني أعضا موقع النداوي

قـالو مـراقب قـلت ماجاه لا ق بـه* ذي عـاقبة طـيبه وللطيب عاقبــه

ماللــفرس ياكود فـارس وذي فــرس * والحرّ له مرقب وذي من مراقبــه

**ماقصرت يااخ خالد صح لسانك ولاشك ان الاخ سعد يستاهل

** وهلا وغلا بالاخ سلطان وانا والله ماعرفكم الا من هالمنتدى الطيب لكن الرجال تعرف من منطوقها ...

والاولين ماخلوا للتالين شي قد قالوا ذكر الحيا والطيبين يبين
واسمحوا لى على الاطاله

وتحياتي لكل طيب

شقران