انا ما نيب اتشرّه لكن ........؟؟؟؟؟؟؟؟

اخواني اخواتي اعضاء وزوار المنتدى الاعزاء المحترمين.

يسعدني ان اسوق لكم هذه القصه والقصيده للمتعه والترفيه؟؟؟؟

انا عندي اثنين من الربع اعزهم كثيييييير بالمره وهم تحطهم على الجرح يبرا ابشر بسعدك في كل شي .
لكن عندهم عذيريب بسيط الواحدمنهم يعصب على اتفه الاسباب حرارته تصل الاتش في لحظه تقول اديتره اديتر دباب ولا هوب مصيخ بعد. وانا الحمد لله وسيع صدر بالمره.المهم في الصيف الماضي قالو خلنا نسافر مع بعضنا قلت انا مقدر عندي ارتباطات في العمل صعبه
جدا ماقدر اسافر معكم. سافر واحدمنهم معه اهله للشرقيه(الدمام)
وسافر الثاني لمصر.والا راعي الشرقيه مصيبه اتتقا منه بالشجر.
المهم ذاك اليوم ظاق صدري وهاظت قريحتي ببعض الابيات.
سجلتها واتصلت في راعي مصر قلتله دور لي اقرب فاكس واتصل فيني
وعطني اياه وانتظر عنده برسلك فاكس مهم جدا توصله لواحد عندكم بعطيك عنوانه مع الفاكس وضروري يصله خلال ساعه تكفى يا فلان قال ابشر والله بسعدك دقيقه واكلمك.راح وخذا رقم الفاكس واتصل فيني وعطاني اياه قال انا في انتظارك ومعي سواق جالس علشان نوصله للرجال.على طول ارسلت له الفاكس شوي الا هويكلمني قال تراني رايح مكتب الخطوط بكره انا عندك قلت والله ما تجي لين تسمح ويحلف
واحلف عليه ان يقعد.اما راعي الشرقيه اتصلت فيه وقلتله على القصيده وقلت تراني ماقصدك اقصد راعي مصر مابيه يزعل.
....................القصيده.................................
انا البارحه ليلي قضيته مع الهوجاس
.......................مغير اتقلب وابغي النوم ما جاني
علشان ربعي يوم كل خذاله داس.
.....................وانا جالس في البيت يالربع وحداني
على الشرق راح الذيب ابو خاطر حساس
....................وقام يتمشى في الحدايق وخلاني
وعلى ديرة الاهرام سافر لها العساس
....................يعس الديار ويرفع الصوت طرباني
يقول الوناسه يالربع مالها مقياس
....................ولو صحت باعلا الصوت مانيب غلطاني
انا بشهد ان ماهوب من مشتهين(....)
....................ولكن يبي يسوج النفس وين ما كاني
انا ما تشره لكن الخاطر الياحتاس
....................يعبر عن اللي به والا هوب زعلاني


وتقبلوا تحيات اخوكم / حكيم الجامعه

مشاء الله عليك ياحكيم اثرك بهذا الابداع
انا ماالومك علي فرقا النشاما وهذا الشىء اللي ماتحمله ويشهد الله انك قلبت المواجع خصوصا اذا صارت خوه علي عز ومعزه مهيب خوه دنفسه ومصالح

يقول الوناسه يالربع مالها مقياس
******************************* ولوصحت بأعلى الصوت مانيب غلطاني

وانا بشهد ان ماهوب من مشتهين الكاس
********************************* ولكن يسوج النفس من وين ماكاني

حكمه ياحكيم


اخوك / بحــــــــــــــــر

الاخ العزيز حكيم الجامعه

ياســــلامي والله عليك لو منت رجال وتحب الرجال ماقلتها ياحبني لك ياللي تحب شغاميم الرجال ولايهونون الجميع

اخوك واخو كل طيب شقران

اخوي بحر ما عليك زود ياذيبان شرواك الطيب الله لا يهينك على هذا الاطراء الجميل والتواضع الجم الله لا يحرمنا منك ومن النشاما ويطول عماركم على طاعه.

اخوك /حكيم الجامعه




اخوي شقران ماعليك زود ولا يهونون النشاما لاخرين الله يحييك ويبقيك على طاعته واشكرك جزيل الشكر

ولك منى كل محبه وتقدير.

اخوك الصغير / حكيم الجامعه

تسلم حكيم زمانه

اخي العود (حكيم زمانه .. حكيم الجامعة )
*********
والله مالهم حق كان ... اسلمهم الله من حشك ... لو الله كتب وحطيت فيهم قصيدة يموتون بعدها ما راحوا من دونك .... هم ما يعرفون انك شاعر .. المفروض يتتقون شرك .. مع العلم انك طيب ؟؟ ولا انبأقشر ... أنشدني !!
*********
فتى الأفلاج
*********************************
توي جديد وهقوتي تعذروني ..... لاني خبير ولا بعد صرت راوي
*****************************************************

اخي العزيز حكيم الجامعه،،،،،

سوالفك حلوه واللي احلى منها شعرك وحبكك للبيوت
الله لايفرقكم ان شالله انت والطيبين اللي مثلك
وصح لسانك

اخوك:
امرىء القيس

اخوي فتى الافلاج الله لا يهينك على التعليق الجميل والربع انا اللي اتقي شرهم وعساني اسلم والسلامةمعهم مكسب .

اخوك /حكيم الجامعه



اخوي امريء القيس تسلم ويسلم غاليك والله لا يهينك واعجابك من ومجاملتك تعبر عن سمو اخلاقك وحسن ذاتك


وتقبل تحيات اخوك/ حكيم الجامعه