أنا الباقي من ضلوعي

بعد التحيه والسلام




عودة للنداوي بعد غياب طويل



أتمنى أن يكون الحضور لائقا بذائقتكم الفتيّه






يمّه واذا قلت: يمّه فزّت اوجاعي

.......................... أحس في نطقها لـّـذة مـع دموعي




يمّه ترى مابقى منّي سوى اضلاعي

.......................... لا والله ..الا أنـا الباقي من ضلوعي




تـترتّب فـ صفحة الأحزان أوضاعي

.......................... ويتبعـثر اللي قرى آهات موضــوعي




يمّه ترى اطفال حظي ناموا جياعي

.......................... مايشبع الهم يمه غير من جــوعـــي



بالأمس كان الزمن لي غضب مطواعي

........................ واليوم حتى أنا...ماني على طـوعــــي !!



لي أصل ثابت ولا قد مال عن قـــاعــي

........................ بس البلا كيف يبْـسـت عــالي فـروعــي



كنت احسب انه فخر لاهبّ ذعـذاعـــي

........................واثري انخدعـت وطفيت بنفسي شموعي!



أرحل من الضيـم مـالاقـيـت فـّـزاعـــي

....................... وارجـع ويـبـكي على خـذلانـي رجـوعي



كـل الغـيوم فـ حـياتي مـالها داعــــي

....................... لاصار لامن حـكـت...ماتذكــر ربـوعــــي



وحدة...وشعر...وسهر هذي هي انواعي

....................... غربة وفرقا أهل...هذي هي جـمـوعــي



واللي بسـبـبها لقيت القلب مـلـتـاعــي

........................ راحت وصافي سماها يرفض طـلــوعـي



ياذيب الايام... جرحي كذبة الراعــــي

........................ إنـهـش.. وناي العمر ماهو بـ مـسموعي



خـسرت بحري قبل لا أخسر شـراعـــي

........................ خسرت عـّـزي وقبله خـاسر خـضــوعــي



من قبل موتي... لفـتـني ونّـة الـنـــاعـي

......................... ومن قبل لا احـيـا هلكت وجفّ يـنـبوعي



يـمّه ترى رضاك أول واخر اطماعــي

........................ لا لا يـهـمـك عـذابٍ كـسّـر ضـلـــوعـــي



لاصار بـّـرك هو اجمل شي فـ اطـبـــاعـي

........................ لابـدّ في يـوم يـثـمـر خـير فـ جـذوعـــي


وسلامتكم

يامرحبا والله ومسهلا





بيض الله وجهك





واشهد بالله ان شاااعر مبدع لاا بعد الحدووود



دمت وداام ابداعك ياعبدالعزيز

عدت والعود احمد

صح الله السااانك ملياااراات

وحفظك الله

يمّه ترى اطفال حظي ناموا جياعي

.......................... مايشبع الهم يمه غير من جــوعـــي






رااااااااااااااااائع ياعبدالعزيز





وياهلا والله ومرحبا فيك



صح لسااااااااااااااااااااااااااانك وانا اخوك




حضرت لأسجل اعجابي

صح السانك

جزله من راس جزل

ولاهنت
اتمنى لك التوفيق

وتقبل تحياتي واحترامي

اخوك / سعود