صوت وصدى

اخواني واخواتي



اسعد الله مسااءكم وصبااحكم وجميع اوقااتكم



الشااعر الراائع سالم العرجاني شرفني واسعدني بان اسند علي قصيده منذ فتره ليست بالقصيره وكان لي صدى لصوته....


اعتقد بل اجزم بان صوت سالم الرااائع سوف يلاقي الرضا والقبوول لديكم وكلي امل بان يحووز صداي المتواااضع ولو على القليل من رضالكم وقبوولكم,,,,,,,




صلو على النبي[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
((صوت الرائع سالم العرجاني))



ناظر بوجهي يمكن تحصّل دواي= عجّل علي ياصاحبي والهماما

يابو فهد يامسندي وانت مشكاي=بنخاك قبل ابدى عليك السلاما

يامحمد المنعور ماعادبه راي= ياكودكلمة قم وشد الحزاما

عجّل ترى ياخوك وصّلت لاقصاي= وجروح قلبي من حبيبي تداما

ماعاد اميّز في العرب رايح وجاي= وانوح من فرقاه نوح الحماما

من اولٍ انصاه ماحسّب اخطاي=وياما نظرت اعيونه السود ياما

ومن سبته ياالقرم ياكبر بلواي= ولحدٍ نشدني قلت (ياحي عاما)

وانا ادواي وغاية الروح ومناي=اشوف خلي يارفيع المقاما

وانا ترى ياخوك بيضٍ نواياي= حبي مثل حب الرجال القدامى

وحب الشرف بين المناعير مبداي= ومن حب خلي عفت حلو المناما

ويالله عسى يالقرم تفهم لمعناي= وخابرك في الاشعار عندك وساما

وانت الوحيد اللي على يدّه اشفاي= اشفيت ولاّ قل علي السلاما


وسلامتكم كان هذا صوت الرائع سالم













[/poet]






[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
((صدى محمد فهد العرجاني))




أبشر بعزّك وابشر دواك وياي= دواك ياراع الهوى والهياما

طبٍ حقيقي ماهوب بهرج حكّاي= تروى به عروقٍ اعطاشٍ احياما

أنا حزام لك على العسر ومناي= اقضي لوازيم القروم النشاما

ياطيّب المجنى انا طيب مجناي= مايسمح يناظر خويه يضاما

ياكيف ((ابن عمي)) لك تروح دنياي= فدوه وتوصل غايتك والمراما

ياسالم المنعور دعواك دعواي= ومن لامكم وقّع علي الملاما

ودامك من فراق المواليف شكاي= محتار في درب الهوى والغراما

بنصاك رجلي كان ماني بمطاي= واللي تبيه يصير يابن الكراما

ماخاب رجلٍ قد تعلّق برجواي= ازهل ياسالم شوف ظبي العداما

جاك الحيا عقب الدهر والسعد جاي=بشوف الظبي وسط النفل والخزاما

ولاعاد تطري لي ابد نغمة الناي= ولاعاد تذكر نوح ذيك الحماما

قولي ليا قلته شهد فعل يمناي= وقولٍ بلا فعلٍ عليّه نداما

وقصيدتك صفّق لها حيل معناي= وشهادتك عز وفخر واحتراما

بايدي دواك امّا الشفا عند مولاي= وان ماشفاك الرب قلنا ....حراما



اخوكم ومحبكم محمد العرجاني
[/poet]

[محمد الجهامي]

ابو فهد


طاب مساك،،


وصح لسانك ولسان سالم ولاهنتوا،،


هل الجزله مايجيبون إلاها..!!


تحاياي،،


محمد

الاخ محمد فهد العرجاني


صح لسانك



ولاهنت انت وسالم

تحياااتي

الأخ العزيز:محمد بن فهد العرجاني,,,

لاهنت ولاهان أخوي سالم العرجاني,,,,

صوت وصدى من أعذب ما يكون,,,

ومزيداً من التميز والإبداع لك يا بو فهد وخوي سالم,,,

تقبلوا مني أعذب وأرق تحيه ,,,,

إخيكم:سعد آل كاظم الفهيدي المري,,,

الأخ العزيز الشاعر / محمد العرجاني

صح السانك وصح السان الاخ العزيز الشاعر سالم العرجاني

قصايد جزله من روس جزله

ولاهنتم

اخوكم / سعود

صح السانك والسانه يامحمد على القصايد الجزلات
دمتو يالنشاما
تحياتي لكم

مرحبا مرحبا

صح لساانك يا محمد ولسان سالم

صوت وصدى ولا اروع

لاهنتوا لاهنتوا

تقبل تحياتي واحترامي

الاخ الشاعر محمد فهد العرجاني
كتبت وأجدت
وفيت ياوافي والشاعر سالم كذلك صح لسانك ولسانه مليار
لاهنتم


تحياتي لكم

يا سلام يا سلام


صوت وصدى رائعان من شعراء لايشق لهم غبار


صح السانك والسان سالم ولا هنتوا


لك تحياتي

مسيك بالخير يامحمد

صح لسانك ولسان سالم

وتقبل تقديري وتحياتي

السلام عليكم

صح الله السنتكم ولا هنتو يا شعار

تقبلوّ تحياتي

..

ابوفهد

محمد العرجاني

صوت وصدى ولا أروع

مبدعين دائما...نطرب لقصائدكم..ونستمتع بها

شعار جزلين

صح لسانكم مليون

واكثر يا محمد

وتقبل تحياتي

حسن العرجاني

الأخ :محمد بن فهد العرجاني

صوت وصدى من أجمل ما يكون

صحت السنتكم
ودمتم ودام ابداعكم
وتقبلوا تحياتي وحترامي

صح الله السنتكم




شعراء لهم نهج خاص وابداع عالمي





صوت وصدى له جولة في من يتعمق بمعناه ويفهم سلاسته





مبدعين للغايه





تقبل تحياتي:اخوك ابن لقرع

الأخ الشاعر / محمد العرجاني


صح لسانك



وصح الله لسان الشاعر /سالم العرجاني


قصيدتان رائعتان




تقبلا الاعجاب





أخوكم / خلف ضحوي