واللـــــــــــــــــــــــــــــه لــوتدرون...؟؟

اهداء الى كل غالي وكل من يتابع العاشق المحروم وكل من ملكني بحسن تعامله والى النداوي والى كل مراقب وكل عضوء وكل شاعر......


والله لو تدرون ياللي تعذلون
.....................عما جرى لي بالهوى ماعذلتو

والله لو تدرون قمتو تعزون
.....................قلبي وعن فرقا المواليف تبتو

ولو القمر والشمس ياهيه يدرون
.....................غابت عن الدنيا ولا عاد شفتو

وطويق لو يدري بما كان مكنون
.....................زل وتزلزل وانقسم وانهزمتو

صابر وجرحي بين الاضلاع مدفون
....................ولو صابكم ماصابني ما صبرتو

ترى الهواوي حالته مالها لون
...................ان كان عن درب الهوى ماعرفتو

خلوه في بلواه يصبر على الهون
...................ياللي من دروب المحبة سلمتو

وتكفون ياكل الغنادير تكفون
....................ردو قلوب اهل الهوى اللي نهبتو

تكفون خافو ربكم خالق الكون
.....................الله من قلبٍ جريحٍ ضلمتو
ــــــــــــــــــــــــــــــــــــــــــــــ
وتقبلو صادق الود من اخوكم/ عبدالله.....

[تم تعديل الموضوع من قبل العاشق المحروم بتاريخ 02-09-2001 الساعة 06:34 PM]

[الكويتيه العنيده]

صح لسانك

مساء الخير
********

الاخ العزيز / العاشق المحروم

شكرا جزيلا على هذا الاهداء الرائع وما قصرت على هذى الابيات طيبه ..

صابر وجرحي بين الاضلاع مدفون
....................ولو صابكم ماصابني ما صبرتو

وصح لسانك وصح احساسك ولا هنت .


تحياتى والى اللقاء

صح لسأأأأأأأأأأأأانك...

يالعاشق المحروم ..

تفعل والربع يستاهلون....

تحياتي لك
ولدعبس

إلى العاشق المحروم ... وفيت وكفيت ... عزالله انك شاعر .. لقد اطربتني بشعرك .. استمر على هذا التميز ..
لك مني هذه الأبيات .. معارضة لقصيدتك .. عسى أن تنال من الاعجاب.

********************************
يالعاشق المحروم ***** *****
.................... من لامكم في حبك اللي ذكرتو
مثلك أناقد صابني الحب بطعون
.................... وشربتنا من كاسه اللي شربتو
من شافني يشفق على صرت مجنون
.................... انا مرضت ولكن انتم صبرتو
.********************************************
اخوك الصغير جداً / فتى الأفلاج
*********************************************
ملحوظه / بعد أن اكمل هذه الأبيات سوف أضعها في الصفحة الرئيسية
*****************************
توي جديد وهقوتي تعذروني ...... لاني خبير ولا بعد صرت راوي
*****************************************

الله لايهينكم......

اختي الكويتيه العنيدة:
لاشكر على واجب , واشكرك على احساسك الملموس...

اخي ولد عبس:
صح بدنك وحياك ربي ..

اخي فتى الافلاج:
يمال العافيه وطولت العمر وصح لسانك على الابيات وبيض الله وجهك
وانا على احر من الجمر انتظر تكملت القصيده واذا كملتها ارسلها على الإميل من غير امر......

وتقبلو صادق الود ــــــــــــــــــــــــــــــــــــ

.




صح الله الســــانك يالعاشق المحروم


وأجمل شي فالجمال.......؟ بســـاطته


وصدقه
وعفويته
ورنته

وانت جمعتها

قلبي معك ياخوي

اخوي العاشق المحروم

قصيدتك اروع من رائعة

الله يرد لك غاليك واللي فرقكم انشالله يجمعكم من جديد وتصيرون احسن من أول

قل انشا الله بس

اخوك شارب الحب

اخي العاشق المحروم

ترى الهواوي حالته مالها لون
*************************ان كان عن درب الهوى ماعرفتو


صح لسانك ....

هاذا البلا الهواوي حالته مالها لون

تحياتي لك
اخوك واخو كل طيب
شقران

عزيزي العاشق المحروم ،،،،،،،،

الله لا يحرمنا منك

ها أنت تفيض بجل المعاني من جديد

لله درك ودر ابياتك

"""""""""" صح لسانك""""""""""""

اخوك:
امرىء القيس

الله لا يحرمني منكم......

اخواني الله يعطيكم العافيه.
واشكركم جزيل الشكر على عباراتكم التي تشفي ( الغليل )
والله لا يحرمني منكم
واشكركم على المتابعه.....

اخي فتى الافلاج /
تحيه طيبه واعلم انني انتظر تكملة الابيات المجاراة
ودمت