Tweet
[poet font="Simplified Arabic,14,white,normal,normal" bkcolor="" bkimage="http://www.zizooo.ws/gallery/19/056.jpg" border="inset,4,gray" type=0 line=200% align=right use=ex char="..." num="0,black"]
من بعد ما جا للقريحه تغاريد= جاوبلها قلبٍ من الشوق قايد
وغنٌت معه روس الضلوع العناقيد=فرايدٍ ماتزهر الا فرايد
وذعذع لها من نسمة الشعر ترديد= وفاحت على البيدا العريضه قصايد
والشعر لن ما فاح مع صحصح البيد= انا اشهد انه ياهل الشعر بايد
شرايده مثل الجوازي شواريد= ولاكل قناصٍ يصيد الشرايد
يزها الملوك اهل الفعول الاماجيد = اللي لهم روس الثريا وسايد
اللي بنوا في صدر الامه تقاليد= حتى غدت في صدر الامه قلايد
امثال منهو زاد باالمجد تمجيد= زايد اليا عدوا نهار المزايد
غانم لابن غانم وزايد لبو زيد= وكلك سماحه ياوسيع البنايد
معك الملوك ايام يافرحة العيد=ومقابلك قبل المعايد معايد
فرحة قلوبٍ من دهرها مهاجيد = ومن الطنا تشكي صنوف الزهايد
وسبع المراجل حازها دون تحديد= معها كثير الناس عنصر محايد
الدين الاول مايباله شواهيد= على كتاب الله وخير العقايد
وطيبك وتوحيدك مع الناس توحيد = يلوح براقه نهار الشدايد
كنك شهابٍ فوق روس النماريد=وقايدٍ سعٌر عليها وقايد
اتهيد عن طاريك باالدين وتحيد= ومصفده با مر الولي باالحدايد
وبالعروه الوثقى يدينك مجاويد=متجودٍ في حبلها ما تحايد
والثانيه طبع الكرام الاجاويد= من جود ربي جدت يابا الجوايد
فيك الكرم موجود مع رضعة الديد = طبيعةٍ ماهي مجرد عوايد
يابو عطاياً للعطايا مواريد= يورد عليها من جميع البدايد
ومقيدٍ شح المخاسير باالقيد= ومن العطا مطلق عنان الفوايد
وللطيب في وجهك مواري وتخليد= وراحة يدينك للبرايا موايد
والثالثه لك فاالشجاعه مواعيد= اما النصر ولا عبير الشهايد
فعلك بريد الموت بين البواريد= رسايله روس النشاما ردايد
مخلي صناديد المخاطر رعاديد= وكايد بفعلك فوق كل المكايد
وتارك رعاديد السلامه صناديد= تبا تصيد من المخاطر صوايد
قدايمٍ فيها على الطيب تجديد= وسيل القدايم في شعيب الجدايد
حتى لبست من الاماره مقاليد= حكمٍ مقاليد زها كل قايد
وخليت الامارات من بدت الغيد= غيدً يشيد بزينها كل شايد
عنقا تطاول عنقها تلعة الجيد= ببروجها اللي في سمها عمايد
والرابعه فيك الذكاء له مواقيد= متوقدٍ تسري بضوه مشايد
عن شوحة تقصر عيون الحواسيد= اللي هدبها للنشاما مصايد
وطامح طموحك في سما الفكر وبعيد= كنك على السماكين سايد
وكنك اليا حلقت باالفكر تسهيد= نشوف في عينك نجومٍ بعايد
والخامسه حب الجهام المعاويد= اباعرٍ من دون اهلها سنايد
سوق الغناه وجوخة العز والفيد= وبيت الذرا يوم السنين النكايد
سماح الوجيه مصوبرات المفاريد=كبار الجماهي طيبات العدايد
عراض الدفوف ملحفات العجاريد= وساع المناحر لينات الجرايد
نقحا السنام اللي على حدها حيد = وعثانينها عكشٍ سوات الكتايد
وشط الوروك اللي سوات الجلاميد= درام السماري والكراسع مدايد
واحاليلها روس الجمامير في حيد = مطفحاتٍ مع طرفها بجايد
الشقح والحمر العرابا المواديد= والسود والوضح امهات الوجايد
من دونها يفرون روس الاواليد= بحدب السيوف اللي خبرها وكايد
والسادسه عسف المهار المقاويد= اصايلٍ ما في نسبها جحايد
قب الضهور المسرجات الصواهيد= اللي مخاذعها سوات اللحايد
وكن الهلال اموسد الراس توسيد= وزوايده روس الاذاني زوايد
غرٍ لها من نجمة الصبح تصعيد= في جبهة الليل القصير المهايد
عبال القوايم ضامرات الاسانيد= شلع المناخر شامخات القوايد
احجال الايدي والسراجيف صعٌيد= واذيالها مثل الشعاع المقايد
شقرٍ اليا شالت على جرهد الريد= تقطٌعت عنها سراب الوهايد
تخلي صفا خد البسيطه تجاعيد= وتطوي مناكبها سوات الجرايد
والسابعه حب الطيور الجواريد= شقر الحرار اللي تشيل اللهايد
جرد العواتق والمناكب عواميد=حرش الكفوف امبرزات الصوايد
وعيونها فص الخواتم مقاعيد= سود الفصوص ام السواد المحايد
وكن الطواقي فاالثنادي مشاديد= وفيها من الزري المقصٌب رجايد
وعنها المواسي والذنيبا عراجيد= متعاقباتٍ مثل هدب الجرايد
وان حولت مثل النجوم المراويد= على نحا طلعٍ عن الجول نايد
وطاب محداها فاالحزوم الجراهيد=على الجيوب وخابرين الوعايد
وراحت نماريد الحباري ملابيد= فاالقاع واللي فاالخضيرا طرايد
ولا كنها وان كوسرت فاول الصيد= متمشلحٍ في دحة العرس قايد
ثم داسها بين القشع والجراميد= وخلا مزوع الريش عنها فنايد
وزانت هواية كل قرمٍ وصنديد= اهل الوناسه مبعدين الضهايد
وهاذي مشاعر خاطري ياالقواصيد= مرادها ما ياصله كل رايد
والشعر يزها فاالسلاطين ويزيد = خصاً ليا من صار فاالشيخ زايد
علمٍ صحيحٍ مايباله تواكيد = واللي مكذبني يسال القصايد
صالح الهذلي
[/poet]
قصيدة وافية ورائعة بكلماتها ومضمونها وجزالتها
من شاعر مبدع ووافي
صالح دخيل الله الهذلي
كتبت وابدعت صح لسانك مليار
كتبت ومدحت من يستحق المدح الشيخ زايد بن سلطان ال نهيان
وصدقني انه مهما كتبنا من القصيد الرائع والتعابير الجميلة
انها تصبح متواضعة امام هامة هذا الشيخ الشهم العربي الاصيل
سجل اعجابي بقصيدتك
وتقبل موفور التحايا
من بعد ما جا للقريحه تغاريد= جاوبلها قلبٍ من الشوق قايد
وغنٌت معه روس الضلوع العناقيد=فرايدٍ ماتزهر الا فرايد
وذعذع لها من نسمة الشعر ترديد= وفاحت على البيدا العريضه قصايد
والشعر لن ما فاح مع صحصح البيد= انا اشهد انه ياهل الشعر بايد
شرايده مثل الجوازي شواريد= ولاكل قناصٍ يصيد الشرايد
يزها الملوك اهل الفعول الاماجيد = اللي لهم روس الثريا وسايد
اللي بنوا في صدر الامه تقاليد= حتى غدت في صدر الامه قلايد
امثال منهو زاد باالمجد تمجيد= زايد اليا عدوا نهار المزايد
غانم لابن غانم وزايد لبو زيد= وكلك سماحه ياوسيع البنايد
معك الملوك ايام يافرحة العيد=ومقابلك قبل المعايد معايد
فرحة قلوبٍ من دهرها مهاجيد = ومن الطنا تشكي صنوف الزهايد
وسبع المراجل حازها دون تحديد= معها كثير الناس عنصر محايد
الدين الاول مايباله شواهيد= على كتاب الله وخير العقايد
وطيبك وتوحيدك مع الناس توحيد = يلوح براقه نهار الشدايد
كنك شهابٍ فوق روس النماريد=وقايدٍ سعٌر عليها وقايد
اتهيد عن طاريك باالدين وتحيد= ومصفده با مر الولي باالحدايد
وبالعروه الوثقى يدينك مجاويد=متجودٍ في حبلها ما تحايد
والثانيه طبع الكرام الاجاويد= من جود ربي جدت يابا الجوايد
فيك الكرم موجود مع رضعة الديد = طبيعةٍ ماهي مجرد عوايد
يابو عطاياً للعطايا مواريد= يورد عليها من جميع البدايد
ومقيدٍ شح المخاسير باالقيد= ومن العطا مطلق عنان الفوايد
وللطيب في وجهك مواري وتخليد= وراحة يدينك للبرايا موايد
والثالثه لك فاالشجاعه مواعيد= اما النصر ولا عبير الشهايد
فعلك بريد الموت بين البواريد= رسايله روس النشاما ردايد
مخلي صناديد المخاطر رعاديد= وكايد بفعلك فوق كل المكايد
وتارك رعاديد السلامه صناديد= تبا تصيد من المخاطر صوايد
قدايمٍ فيها على الطيب تجديد= وسيل القدايم في شعيب الجدايد
حتى لبست من الاماره مقاليد= حكمٍ مقاليد زها كل قايد
وخليت الامارات من بدت الغيد= غيدً يشيد بزينها كل شايد
عنقا تطاول عنقها تلعة الجيد= ببروجها اللي في سمها عمايد
والرابعه فيك الذكاء له مواقيد= متوقدٍ تسري بضوه مشايد
عن شوحة تقصر عيون الحواسيد= اللي هدبها للنشاما مصايد
وطامح طموحك في سما الفكر وبعيد= كنك على السماكين سايد
وكنك اليا حلقت باالفكر تسهيد= نشوف في عينك نجومٍ بعايد
والخامسه حب الجهام المعاويد= اباعرٍ من دون اهلها سنايد
سوق الغناه وجوخة العز والفيد= وبيت الذرا يوم السنين النكايد
سماح الوجيه مصوبرات المفاريد=كبار الجماهي طيبات العدايد
عراض الدفوف ملحفات العجاريد= وساع المناحر لينات الجرايد
نقحا السنام اللي على حدها حيد = وعثانينها عكشٍ سوات الكتايد
وشط الوروك اللي سوات الجلاميد= درام السماري والكراسع مدايد
واحاليلها روس الجمامير في حيد = مطفحاتٍ مع طرفها بجايد
الشقح والحمر العرابا المواديد= والسود والوضح امهات الوجايد
من دونها يفرون روس الاواليد= بحدب السيوف اللي خبرها وكايد
والسادسه عسف المهار المقاويد= اصايلٍ ما في نسبها جحايد
قب الضهور المسرجات الصواهيد= اللي مخاذعها سوات اللحايد
وكن الهلال اموسد الراس توسيد= وزوايده روس الاذاني زوايد
غرٍ لها من نجمة الصبح تصعيد= في جبهة الليل القصير المهايد
عبال القوايم ضامرات الاسانيد= شلع المناخر شامخات القوايد
احجال الايدي والسراجيف صعٌيد= واذيالها مثل الشعاع المقايد
شقرٍ اليا شالت على جرهد الريد= تقطٌعت عنها سراب الوهايد
تخلي صفا خد البسيطه تجاعيد= وتطوي مناكبها سوات الجرايد
والسابعه حب الطيور الجواريد= شقر الحرار اللي تشيل اللهايد
جرد العواتق والمناكب عواميد=حرش الكفوف امبرزات الصوايد
وعيونها فص الخواتم مقاعيد= سود الفصوص ام السواد المحايد
وكن الطواقي فاالثنادي مشاديد= وفيها من الزري المقصٌب رجايد
وعنها المواسي والذنيبا عراجيد= متعاقباتٍ مثل هدب الجرايد
وان حولت مثل النجوم المراويد= على نحا طلعٍ عن الجول نايد
وطاب محداها فاالحزوم الجراهيد=على الجيوب وخابرين الوعايد
وراحت نماريد الحباري ملابيد= فاالقاع واللي فاالخضيرا طرايد
ولا كنها وان كوسرت فاول الصيد= متمشلحٍ في دحة العرس قايد
ثم داسها بين القشع والجراميد= وخلا مزوع الريش عنها فنايد
وزانت هواية كل قرمٍ وصنديد= اهل الوناسه مبعدين الضهايد
وهاذي مشاعر خاطري ياالقواصيد= مرادها ما ياصله كل رايد
والشعر يزها فاالسلاطين ويزيد = خصاً ليا من صار فاالشيخ زايد
علمٍ صحيحٍ مايباله تواكيد = واللي مكذبني يسال القصايد
صالح الهذلي
[/poet]
قصيدة وافية ورائعة بكلماتها ومضمونها وجزالتها
من شاعر مبدع ووافي
صالح دخيل الله الهذلي
كتبت وابدعت صح لسانك مليار
كتبت ومدحت من يستحق المدح الشيخ زايد بن سلطان ال نهيان
وصدقني انه مهما كتبنا من القصيد الرائع والتعابير الجميلة
انها تصبح متواضعة امام هامة هذا الشيخ الشهم العربي الاصيل
سجل اعجابي بقصيدتك
وتقبل موفور التحايا
تعليق