اوراق بالذاكره

[poet font="Times New Roman,14,black,bold ,normal" bkcolor="white" bkimage="http://nadawi.net/vb/images2/46.gif" border="double,1,gray" type=1 line=200% align=center use=sp char="" num="0,black"]

......... اكة الهاص ......

.
.

ياشاكيه صار الوفا شيك مخلاص
واهل الوفا صاروا يبون الخلاصي

وان كان مشبوكه على شبك قناص
تمسكي في روس باقي النواصي

غيرك ياكثر الي وقع وسط مقراص
ماعاد باقي وقت فيه انملاصي

ولد سبيت ومطمعه باكة الهاص
يحوص وايقلقص وفيه اختباصي

ربعه يحاول يوصله قسم الانصاص
وانتي توقعتي وجت باختراصي

الرجل مايرضى لنفسه بالانقاص
نقصه يحاول فيه شكل امتصاصي

دام الاثر معروف يتبعه قصاص
لو حاول الحوصه ياصعب المحاصي

وانتي تمكنتي منه قسم ياخصاص
ماباقي الا تعلنين القصاصي

النيل نهره مايقارن به العاص
والوضع يلزمه اختصاص احتراصي

حطي عليه الوسم في كف مفراص
مادام ماعنده قيم للتواصي


,,,,,,,,,,,,,,,,,,,,,,,,,,,,,,,,,,,,,,,,

.....................,
حكم القوي للضعيف
.....................,
.....................,


....
ياهلا بالهديه والكلام الظريف
ياهلا كثر مافيها من حروف بيت

اغمرتني مثل برقا لمح له رفيف
واعجبتني بكاملها وكل ماقريت

واخجلتني مثل حكم القوي للضعيف
لان مافي يدي حيله ومهما نويت

الهدف من فقد غاليه وامره كليف
لو نسى مانسى وانساه يعني نسيت

والمفارق صعيب امره صراحه يخيف
تجربه عشتها فبدايتي وانتهيت

من يفارق حبيبه والحزن له حليف
ماقنع لو نصحته عنه والا نهيت

الله انه يحفظه في ربيع وخريف
والله انه يجيبه وانت له ماحتريت

والهوى له طعم لاصار حبا شريف
كل من جربه يدري وانا مادريت

الهوى مايجي سكته من هو خفيف
قيس بالحب له ماضي وشهره وصيت

اصبري والصبر حتى يجيك الوليف
والقدر له حكم يلزمك لو مارضيت



,,,,,,,,,,,,,,,,,,,,,,,,,,,,,,,,,,,,,,,,,,
الوهم همه يهين
,,,,,,,,,,,,,,,,,,,,,,,,,,,,,

.....................,
.....................,



يابقايا اخر متاهات الصبر
الله اوعد من لحكمه صابرين

القوافي كلها مثل العطر
البنفسج غار منه الياسمين

وانت قبل تشد لازم تنتظر
الحقيقه بالعمر لازم تبين

ليه هالدمعه على خدك تمر
وانت اخبرك بالهوى قلبك متين

ليه صدقت الوهم واصله خطر
مادريت ان الوهم همه يهين

الخيانه مايكفرها العذر
الخيانه تجعل القاسي يلين

لو تعبت ولو تحملت السهر
بس ماتلدغ بجحرك مرتين

لو حملك الياس ماظنه قدر
يقتل الامال فيك ولايبين

الحزين من الحزن عاش بجمر
وانت حزنك بان فيك وتجحدين

مارضيت ولو رضى حكم القدر
والسعاده كلنا به طامعين

لو تقاسمنا من اثمار الزهر
مين معنا مين عاش ومين مين

............................................................ .........
شرهه للعتب
,,,,,,,,,,,,,,,,,,,,,,,,,,,,,,,,,,,

.....................,
.....................,


يامدعي بالخلق والاخلاق خلق الله نظاف
لاتحسبنك في سواتك عنك قالو لك بطل

المسلم الي كل وقته مشغله بالاعتكاف
صلى الفروض وعن خفايا القلب يمكنه غفل

ابنشده هو ليه قلبه من بقاياها يخاف
ليه يتراجع عقب شي صار بالحال وحصل

ايتابع الخطوات في ممشاه ويحب الخفاف
طيب وفيه من الكرم كلمه وتعبير وجمل

يازارع الشجره على ارضا يابسه بكره تعاف
لو ينصحك عنها فهيم تقول ذا رايه هبل

كان التماس الكهرباء تيار مورده انحراف
يصير بالتيار من ماصار يالصاحب خلل

مشيت لك قدام خطوه بس باقيها خلاف
وخلاف يعني صاب خطواتك من الممشى شلل

حتى انجرفت وصار بالدعوى ميوله وانجراف
وانت تعرف صاحبك له ماقف وبالشده جمل

حجيت بيت الله ولكن فيه ماديت الطواف
حملك حموله كايده ماظن غيرك له حمل

الوقت لو انه ربيع يمر باياما عجاف
والي يعايشها يضيق وينتهي فيه الملل

وان صار شرهه للعتب عنها نويت الانتكاف
وهذي هي الوصفه بهالتقرير ياشاكي العلل


.........................................

الجمل في منفذ الابره
,,,,,,,,,,,,,,,,,,,,,,,,,,,,,,,,,,,

.....................,
.....................,

الصابر الي زمانه ماعجبه صبره
صبر ولاحصل الغايات ومراده

تراه قلت بعينه قولة الدبره
حتى اختلف كل مصداره وميراده

والوصل قلت الوصل لكن على فكره
هو من هو الي نساني يوم ميعاده

تو القلم من حروفه مانشف حبره
ياحضره اهل الكرم ياجملة الساده

وان كان شفت الجمل في منفذ الابره
يالصاحب الي صبر صبره ولازاده

ان كان قلبك مع الايام له خبره
ماهي غريبه ليامن جاك نشاده

صار الوفاء مع جميع الخلق له ذكره
باسمه يسمون حتى صار كالعاده


لاتعرب الرفع بالمنصوب والكسره
فرّق لو تشوف كل الناس منقاده

تطرب مع الليل لامن صار به سهره
وتحب ناسا على الترويح معتاده

مد البحر مايوافق بالبحر جزره
ماكل صياد يلقى صيد يصتاده

.....................,
للشعر لذه
.............


الشعر له في بعض الاوقات لذه
وللشعر للي يكتب الشعر حزات

الشعر مثل الغيث والغيث رذه
نظم البيوت وسرد الافكار ميزات

لي هاجسا غير الجزيله يبذه
عشقه جزيلات البيوت العزيزات

يختار مايحتار باللي يهذه
ينقى على اعلى المستوى والطرازات

غاص البحر والموج يعرف مفذه
مثل الذهب شعره ونظمه انجازات

صاغ البيوت وفكر الابيات فذه
بالماس يكتبها ونقشه فلزات

الشعر مثل الورد ريحه وشذه
لايصير بالاشعار كسر اهتزازات

يالشاعر البيطار قافي تحذه
رده صعيب وصعب قافه انجازات

وقل للمسافر غير هذا يجذه
قبل يمر ويختمون الجوازات

هذا الشعر علقم ولوبه ملذه
ياتي من الفطره وكله غريزات


.....................,


.....................,
[/poet]

الله الله

صح السانك


وسلم بنانك


ودمت


والى الامام



وحياك الله يا شاعر

يامبدع اسمه نايف عالي

هلا يانايف













جبتهن مره وحده













صح لسانك على ماخط قلمك





لاهنت وبيض الله وجهك

















من اروع ما قرأت يانايف




تحياتي

اخوي نايف





صح لسانك



التمكن يشع وتلوح يده





ويذكر أسرار الجزالة







تقبل اعجااااااااااااااابي






ولا هنت






ابن محيا

الغالي عبد الله القثامي

مرورك اسعدني وتواجدك سرني ولاخلا ولاعدم


لاهنت وصح بدنك

تقبل تحياتي

اخوي بندر بن منصور

مرورك اسعدني وتواجدك سرني ولاخلا ولاعدم


لاهنت وصح بدنك

تقبل تحياتي

مبارك بن محيا

مرورك اسعدني وتواجدك سرني ولاخلا ولاعدم


لاهنت وصح بدنك

تقبل تحياتي