Tweet
اسعد الله كل لحظاتكم بالخير والعافية
مجاراه لقصيدة اخوي سعد اللي شرفني فيها
اتمنى انها توصل لإعجابه واعجابكم
ملاحظه
لرفع اللبس اثناء القراءه احب انوّه اني
استخدمت فن ( الشقر ) لكل ثلاث ابيات متتاليه
[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
الليل ليلي والسهر لعيوني = جفني غطاه وموق عيني زلّه
في محجر الثنتين بيته بيته = كلي لكله والسهر ما آآزلّه
صاحي وراسي يطرب لطاروقه = كنّه مِزَل والشعر فيه آآزلّه
وقناده البيت الجزيل الوافي = اللي وصوله فَلْ بالي فلّه
يغنيني من الجوع واروى مِنّه = واتْنَفِسِهْ جوري وشيح وفُلّه
وألاّ أنضمه في سلك سبحة شعري = السبحه اللي ماهي بمنفلّه
وألعب بها بين الاصابع وأطرب = وآقول قولٍ ما تجاوز حِلّه
كله لعين اللي وصلني قافه = اللي يسميني زعيم الحِلّه
ماني زعيم ألاّ بمدْ اكْفوفي = وكفوف غيري من يِدِي في حِلّه
كلٍ يجازا في رداه وطيبه = صليت فرضي وانت فرضك صَلّه
لا تنشغل في حزب قالوا / قلنا = وأهل العلوم اللي تجي مِنْصَلّه
اللي مشى للطيّبه حصّلها = واللي مشى يمْ الردى حصّلّه
وابن آدم أخطائه عليه لحاله = والله جليل الملك جلّ جلّه
والنار من شبّابها صاليها = وشوت الكُرَهْ ماهو بدفع الجُلّه
واللي وقوده ( سَمْرْ ) ناره حيّه = ماهو بمثل اللي وقوده جَلّه
هدّاج ما يشكي زحام اوْروده = تكثر عليه وكل ضامي عَلّه
والابجديه حكمة الله فيها = حرف الجَزِمْ يلغي حروف العِلّه
ولو المنى تبني بيوت الديره = كلٍ بنى من قول ليته عَلّه
والطامنه للي يحب الطامن = واللي يحب العاليه في تَلّه
وانت بمراقيب الوفا باديها = مثل النداوي والعزوم إِتْلّه
ما كل غيص ان غاص جاب الدانه = واللي غدى فالبَحْرْ خَلّه خَلّه
كلٍ بنفسه شاف قيمة نفسه = وأهل الهوى كلٍ يراعي خِلّه
منايح الساحه بسوق الساحه = يوم الفرص بعض العرب تاحنْ لّه
شاوي وتاحا وتْبعَتْه المعزا = مدري تبعهن يوم هن تاحنْ لّه
المقصد ان اللعبه المكشوفه = اشوفه المرتاح وارْتاحنْ لّه
والليل ليلي والسهر لعيوني = جفني غطاه وموق عيني زلّه
في محجر الثنتين بيته بيته = كلي لكله والسهر ما آآزلّه
صاحي وراسي يطرب لطاروقه = كنّه مِزَل والشعر فيه آآزلّه
[/poet]
وتسلمووووووووووون
لكم تحياتي
مجاراه لقصيدة اخوي سعد اللي شرفني فيها
اتمنى انها توصل لإعجابه واعجابكم
ملاحظه
لرفع اللبس اثناء القراءه احب انوّه اني
استخدمت فن ( الشقر ) لكل ثلاث ابيات متتاليه
[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
الليل ليلي والسهر لعيوني = جفني غطاه وموق عيني زلّه
في محجر الثنتين بيته بيته = كلي لكله والسهر ما آآزلّه
صاحي وراسي يطرب لطاروقه = كنّه مِزَل والشعر فيه آآزلّه
وقناده البيت الجزيل الوافي = اللي وصوله فَلْ بالي فلّه
يغنيني من الجوع واروى مِنّه = واتْنَفِسِهْ جوري وشيح وفُلّه
وألاّ أنضمه في سلك سبحة شعري = السبحه اللي ماهي بمنفلّه
وألعب بها بين الاصابع وأطرب = وآقول قولٍ ما تجاوز حِلّه
كله لعين اللي وصلني قافه = اللي يسميني زعيم الحِلّه
ماني زعيم ألاّ بمدْ اكْفوفي = وكفوف غيري من يِدِي في حِلّه
كلٍ يجازا في رداه وطيبه = صليت فرضي وانت فرضك صَلّه
لا تنشغل في حزب قالوا / قلنا = وأهل العلوم اللي تجي مِنْصَلّه
اللي مشى للطيّبه حصّلها = واللي مشى يمْ الردى حصّلّه
وابن آدم أخطائه عليه لحاله = والله جليل الملك جلّ جلّه
والنار من شبّابها صاليها = وشوت الكُرَهْ ماهو بدفع الجُلّه
واللي وقوده ( سَمْرْ ) ناره حيّه = ماهو بمثل اللي وقوده جَلّه
هدّاج ما يشكي زحام اوْروده = تكثر عليه وكل ضامي عَلّه
والابجديه حكمة الله فيها = حرف الجَزِمْ يلغي حروف العِلّه
ولو المنى تبني بيوت الديره = كلٍ بنى من قول ليته عَلّه
والطامنه للي يحب الطامن = واللي يحب العاليه في تَلّه
وانت بمراقيب الوفا باديها = مثل النداوي والعزوم إِتْلّه
ما كل غيص ان غاص جاب الدانه = واللي غدى فالبَحْرْ خَلّه خَلّه
كلٍ بنفسه شاف قيمة نفسه = وأهل الهوى كلٍ يراعي خِلّه
منايح الساحه بسوق الساحه = يوم الفرص بعض العرب تاحنْ لّه
شاوي وتاحا وتْبعَتْه المعزا = مدري تبعهن يوم هن تاحنْ لّه
المقصد ان اللعبه المكشوفه = اشوفه المرتاح وارْتاحنْ لّه
والليل ليلي والسهر لعيوني = جفني غطاه وموق عيني زلّه
في محجر الثنتين بيته بيته = كلي لكله والسهر ما آآزلّه
صاحي وراسي يطرب لطاروقه = كنّه مِزَل والشعر فيه آآزلّه
[/poet]
وتسلمووووووووووون
لكم تحياتي
تعليق