ياذا الغشيم

الاخوه اعضاء وزوار منتدى النداوي اضع بين ايديكم هذه المتواضعه واتمنى ان ترتقي لما يليق بكم ....
اترككم مع القصيده ... وصلو على النبي


[poet font="Simplified Arabic,14,white,normal,normal" bkcolor="" bkimage="http://www.nadawi.net/images/blueweb.gif" border="none,2,gray" type=2 line=200% align=center use=sp char="" num="0,black"]
ان كان عندك شيئ حنا وصلنا "="الخنفري جاهز ومسرج جواده
ياصاحبناً زود بهرجه واكلنا "="هرجه مابين النقص وايضا الزياده
قام ايتخبص بين دنا ودنا "="مايعرف السنه وركن العباده
ياذا الغشيم الجاهل اللي جهلنا "="الغاط وش جابه بجنب الحماده
وسدير وش حطه بهضبة عدنا "="ياللي تعرف العلم هاته وناده
ياجاهلاً في كلمته ماشحنا "="ياجاهلاً راقد وطول رقاده
لايحسبنه من كلامه غبنا "="مسكين صيد اللي يجيله وصاده
ترى الخطا ياهيه ماجاك منا "="وانته تلوى في دروب القراده
والشك والريبه فلا تدخلنا "="ياللي به الشكات والريب عاده
ان عودت للشعر والشيخ غنا "="انا كما حرً ينومس هداده
اقلط على فنجال هيلً وبنا "="اليا عمس راسي اجهز قناده
اجيك بالأشعار من كل فنا "="واجيب زبدة هرج وارفع مزاده
وانقض بيوت الشعر واليا فتلنا "="يصعب عليك النقض يابو عباده
نكحل عيون القوم واليا كحلنا "="الكحل وسط العين مثل الكداده
واقرصك قرص اسكات وتّّون ونا "="وانا طبيبك يامريض العياده
وان عودت للفعل سقنا جملنا "="يوم الجمل لاخر يقصّر قياده
على دروب العز سقنا ضعنا "="والخيط الابيض ماقرب من سواده
نمشي مع اهل العرف داخل وطنا "="متقلدين امن المراجل قلاده
ولا صحت في قحطان منا ومنا "="جاتك فزوعاً ماتحصى عداده
اتجيك فزعة شامنا مع يمنا "="ياللي زرع زرعه وهمل حصاده
بمهندات ومرهفاتً تحنا "="من دم روس القوم بارض ً جلاده
على ظهور الخيل صلنا وجلنا "="والعز مكسبنا ونحفظ شداده
وعلى سنام المجد نركز علمنا "=" روادها حنا واهل الرياده
حنا هل الماقف وحنا وحنا "="اهل العلوم اللي عليها شهاده
وحنا هل الماقف زبون المجنا "="وترى السياده عند راعي السياده
وما نجحد افعول القبايل واهلنا "="كلاً على فعله يحصل مراده
عن فعلهم بقلوبنا ماغفلنا "="يشهد لهم تاريخهم بالطراده
كلاً وبه حقه وبالصدق قلنا "="انقول هرج الصدق وايضا مفاده
وانتم فعايلكم من اول تبنا "="والنار ماترث ياكود الرماده
ولالا تذكر لك ليالً مضنا "="ماهوب في صالحك ثورة زناده
لالا تمنى مامضى لاتمنا "="منته محصل لك فراشُ وساده
منته محصل غير رمح المطنا "="من بين حجانك يوقع هجاده
طعني وهوّن واسترح لا تعنا "="لالا تعنا وش تبي بالقراده
والله يعزك ياموحد شملنا "="عبدالعزيز اللي مسيس بلاده
اللي تحت حكمه سلمت وسلمنا "="والله يعز الحكم واهل القياده
والله يثبتها حكومة فهدنا "="والا انت ماتسوى جناح الجراده
وان كان ناسي ويش كنتم وكنا "="هذي غشامة قلب والا بلاده
من قبل تظلم حظك اللي ظلمنا "="ومن قبل تاقع في طريق النقاده
رح وانشد العراف عنكم وعنا "="تعطيك علم الحق واخذ الافاده
من بعدها تقنع وتدرا زعلنا "="وراسك القاسي يهوّن عناده
واقول يابابا ترانا مللنا "="من رد حكي القرقره والهناده

وسلامتكم
وطالت اعماركم

اخوكم

جازع الخنفري

[/poet]

الاخ جازع الخنفري



كفو والله



لي الشرف ان اكون اول المتصفحين لهذه الشامخه


صح لسانك



قصيده جزله من جزل


لاهنت



ولك تحياتي

اخي العزيز ........ جازع الخنفري


صح الله السانك

قصيده شامخه

ونعم وكفو ومن حصل شي يستااهله




لاهنت


والله يعطيك العافيه

صح لسانك يا جازع قصيدة جزلة من شاعر متمكن




كفو والله يا السنافي

جازع صح لسانك


رائعه يالقرم


جزله من راس جزل


تقبل تحياتي

ياذا الغشيم الجاهل اللي جهلنا ii"
"الغاط وش جابه بجنب iiالحماده

يمكنه مايعرف الديرة ياجازع وانت الله يهديك

ماعذرته

عموما صح الله السانك
اخوك...مدغم ابو شيبه

عبدالله بن غازي

صح بدنك وماعليك زود والله لا يهينك


وانا كذلك ياعبدالله لي الشرف انك اول من تصفحها .... ومرورك اسعدني ولك الشكر الجزيل


وتقبل تحياتي


اخوك


جازع

أحمد الماشع

صح بدنك ولاهنت يالغلي على المرور الذي اسعدني


ولك تحياتي


اخوك

جازع

طلال صالح العتيبي


صح الله بدنك وماعليك زود وشكراً على المرور



ولك تحياتي


اخوك


جازع

سعود بن مهٌدي


صح بدنك وماعليك زود ياذيبان والله لا يهينك على مرورك


ولك تحياتي


اخوك


جازع

مدغم ابوشيبه

يامرحبا والله وياهلا وابشر يامدغم اللي تبي وهذا وعد واشكرك على الدعوه الطيبه بالهدايه


صح الله بدنك ولاهنت على كل حال



ولك تحياتي


اخوك

جازع