ديرة هنــــــــــــــــوف

بسم الله الرحمن الرحيم [poet font="Arabic Transparent,14,black,normal,normal" bkcolor="" bkimage="http://www.nadawi.net/vb/images2/4.gif" border="solid,2,teal" type=0 line=200% align=center use=sp char="" num="0,skyblue"]


دونيني يالقصايد واكتبيني يالحروف = شاعرٍ ماحفحفت عينه بلذات المبات

واستخيري لا نويتي يالعنيده بالعزوف = واستعيني لا كتبتي يالقصايد بالثبات

جاتك القصه حزينه كل مافيها ضروف = فسريها حرف حرف وعمديها بالروات

قصة العشرين عام الي قضت بين الكتوف = ثقلتني وأثـقـلتني بالحسايف والشمات

وعن زمانٍ غرني واحسب اني به عروف = كني الا ضاميٍ يطرد سرابٍ في فلات

وعن مكانٍ موحشٍ به تختلف كل الوصوف = لا نهاري فيه فجر ولا نجوم الليل جات

من وليفٍ في عيونه شفت موتي فيه شوف = ما شفع لي بعدي الي سرمديٍ في الحيات

كل ما ناظرت عينه جال وسط الجوف خوف = حل ذاتي وأنتحل حالي وحالي منه مات

سنة الدنيا تكابد ساكنيها بالعجوف = مير كثر الحمل ظالم لا سكن وسط النوات

أشهد ان حوض المنايا مقبلٍ يمي زحوف = ماسمعت الا رجيفه في ضلوعٍ لينات

ودام حلم الطيف سافر قاصدٍ ديره هنوف = واش بقى لي يالقصايد لا ( طبيب ) ولا( دوات)

,,,,, وسلامتــكم ,,,,,
[/poet]

اخي الغالي


محسن

الوايلي

لاهنت

عزالله انها رائعة وجزلة بجزالة فائلها


يشرفني ان اكون اول المصافحين لهذة الوافية

ودعتك الله

الاخ محسن الوايلي


صح لسااانك صح لساانك


قصيده رائعه وجزله وابدعت فيها ،، والله قرايتها مره وحده ما تكفي


سجل اعجاابي وتقبل تحيااتي

الاخوان الأعــــــــــزاء

نادر العرجاني

عبد المحسن المري


لكم جزيل الشكر والعرفان


وشهادتكم لي وسام يشرفني ,,,,

لكم تحياتــــــــــــــــــــــــــــــي

اخوكم محسن الوايلي

السلام عليكم


الغالي محسن الوايلي




رائع اخي الكريم ابيات مميزه للغايه





تقبل خالص تقديري

الاخ العزيز همس النسيم


شكرا على مصافحتك للـــقصيده


ولا هنت



وتقبل تحياتـــــــــي

اخوك محسن الوايلـــــي