(( الـقــنـبـلـة )) قصيدة العودة

سيّدي الفاضل ../ خالد بن بعيث


لا يزال اسمك خالداً في ذاكرتي ‘‘ متأصلاً ضمن كل ماهو رائع ومدهش .


حضورك كان تشريفاً فخرت به كثيراً ‘‘


أدام الله بقاءك ،، إلى حين يشاء / ونقاءك إلى أبد الآبدين ’’


خلف

[align=center] ... من روائع الكريّع ... [/align]

[poet font="Times New Roman,6,blue,normal,normal" bkcolor="transparent" bkimage="" border="none,4,gray" type=2 line=200% align=center use=sp length=0 char="" num="0,black" filter=""]
كم انت رائع يا الكريّع .... قمه في التلاعب بالمفردات
[/poet]
[poet font="Traditional Arabic,6,green,bold,normal" bkcolor="transparent" bkimage="" border="none,4,gray" type=3 line=200% align=center use=sp length=0 char="" num="0,black" filter=""]
اخواني الأعزاء .... رفعتها كي تشاركونني التمتع
بقراءة هذه الرائعه ... تقبلوا تقديري واحترامي.
[/poet]

[align=center] ... لكم مني التحيه ... [/align]

[النور]

[poet font="Simplified Arabic,14,white,bold ,normal" bkcolor="black" bkimage="http://nadawi.com/bg/images/back-248.gif" border="groove,7,sienna" type=1 line=200% align=center use=ex char="" num="0,white"]
الشمعه اللي تطفي بقلبي 00 وتسهر بحدقي = كم حلم رفرف حولها مثل الفراش 00 و 00 تحرقه؟!!
والشيبتين اللي قبل عامين زارن مفرقي = كانن ضيوف وصارن الليله قبيله مطلقه!!
والصاحب اللي كنت اظنه صاحبٍ شهم ونقي = وشلون طاوع نيّته في مثلي وخان الثقه؟؟؟!!
اللي ليا ثار الرصاص بدرع صدري يتـّـقي = كم طعنةٍ خذيتها عنـّـه وكم خَذْت فشقه
اهديته حصاني ولبّسته شدادي وبندقي = ومن يوم مالفيت له ظهري رماني بطلقه !!
واخلجةٍ تكفخ هنا بين الظلوع وتلتقي = يعوي لها ذيبٍ بصدري طول ضيمه يرهقه
ويفوح منها الدم بعروقي ويشتد عرقي = وتفزع لها من محجري دمعة عزيزٍ وشهقه
على زمانٍ يمتحن صبري وانا رجلٍ تقي = ماقد سمع في قول : (( راع الحلم لا ثار اتّقه ))؟؟
كني معه بندق وهو ورع ماذاق فشقي = يلعب على زنادي وانا اصيح وينك يازهقه؟؟
حتى الى ضيق على بالي هك الورع الشقي = وردته مْن الموت لين اشوف دمه غرقّه
ورثت من جدي الوفي الصادق المتصدقي = غير اسمه الشامخ نباه وطيب راسه وحْذِقَه
يوم انه يقول اسمع العلم الصحيح الاوثقي = ترى اجزل الشعر اعمقه 00 ترى اطيب القول اصدقه
ترى الشوارب ياولدي نوعين خلك حاذقي = شارب دسـمْـهْ فْعوله وْشارب فعوله تحلقه
اتذكّر وصاته : (( خلف(4) 00 لا مت قبرك بشـْـنِقي )) = وانا وصاتي يالنشاما تقبروني بشـْـنِقه
لا ياسماوات التعب ضكي عليّه واطبقي = واللـّـه مارجى منـْـك لا رحمه ولا اروم شـْـفقه
لو تدعسين ظلوعي العوجا فلا اقول ارفقي = وانا ولد من ينتخي فيها الدخيل وتعتقه
لازلت امارس رغبتي في ليْلَكِـيّّة غَوْسقي = لو كفّروني شعبك وقالوا : (( تمادى بفـْـسِقـَه ))
ولو دخـّـلوني في قفص للإتهام الزئبقي = ولو حاصروا صوتي وجرّوني لحبل المشنقه
قولي لهم هذا خلف(4) شمسي وروعة مشرقي = والشمس سنتها ليا غابت تجينا مشرقه
لو يحتظر شاعر زمانه طيّب اذكاره بقي = قولي ترى محدٍ على موت الشريفين سبقه
وقولي لهم كان رفضوا صدقي وعابوا منطقي = مثلي يموت الفين موته قبل يخسر منطقه
جيت احمل اوراقي وتاريخي وسحري وعبقي = شَرَنـْـبـَثٍ(1) عَشـَـمْشـَـمٍٍ(1) ماااا اشمخه ماااا أوثقه
الأبـْـيـَن(2) الأرِيـْـبْ(3) والمتشعّب المتدفـّـقي = وليا حكى ما ابلغه 00 ما أجزله 00 ما أصدقه
هذا انا اللي خانني شعري ومزّقني ورقي = من غيري اللي مزّقه شعره ونزفه وورقه
لا ينخدع من يلمح اقماري بعطري ورونقي = لو يفتح ظلوعي عرف كم هالاماني مْمَزقه
ولا يهمك سوسني ياغادتي واتفتقي = مثل الزهور بقلب رعّاد المفارق فتّقه
لميني بعاطر وصالك لين اسافر لاعمقي = في ليلةٍ تمطرني بوجهك واغوصه واغرقه
ودي بعد هذا التعب والبعد ليله نلتقي = واتـفـقـّـد اغصانٍ على العهد اخبرها مورقه
ياخجلة الميعاد يالوزة غلاي وفستقي = جيت اقطف اللوزه من شفاهك واعض الفستقه
صبي على سكر شفاهك خمر ريقك والعقي = بلسانك المعسول سكرتك وهاتيه العقه
ولا تبعدي الرمان عن ضيفك ترى طبعه نقي = شاعرْك يامضناي مايمد ايده الا لشنقه
على حطام السالفه جيت اغري الما بغرقي = باسم النهايات الحزينه والجروح المحرقه
ياللي فرحت بغيبتي وش كنت ياشين تهقي = ماهو بانا اللي يرمي لمثلك طريق العملقه
الله رماك بدربي ودربي لمثلك مغلقي = مكتوب فوق اول مشاويره : (( لخطوه واثقه ))
حسبك تحاول تفهم افاكري وتدرك منطقي = حاول تعرف الحزن فيني يتم؟؟ ولا زنـْـدّقه؟؟؟
كن ضمن هالغاوون بس احذر رعودٍ تبرقي = تجلي طشاش الفكره اللي مثلك انت وتفهقه
قصيدتي وين النهاية والخيال المورقي = مامر من جنبه جمال الا تنحنح وسرقه
يسرق من الدنيا خيلات وخياله يُسرقي = لاتلوم من يسرق من فْتاتك ترى الله رزقه
ياصقر ماهمك غرابٍ كل ماله ينعقي = قل ياصقر لا طار من تحتك فديته مااحمقه
وياالاشدخ(1) اذ ترعى الأتان بغابتك واذ تنهقي = ارفق ترى من جهلها جت تعبث بهالمنطقه
جيت اعتق السحر الحلال 00 اغسل رفوفك يازهقي = المنطقه ياصاحبي مُحاصره ومطوّّقه
غير الكلام وغير كل الشعر جيتك باصدقي = نزفتها بالتو واللحظه بوقفه صادقه
من اربعينيّة عروقي لاربعين مفارقي = جيت وجبيني ينضح بشمس الأصيل الرايقه
يامنتدى الألف ومِيَةْ شاعر فَكَم فرزدقي = وَكَمْ جريرّي اللغه تملك ومتنبي الثقه
وَكَمْ بصدرك من خبيث وكم أصيل وكم تقي = شاعر قصيده بحر والآخر تقل صحنْ مْرقه
تمّت دهاليز الشموخ وإختصارات الرُقِي = سميتها بـ((القنبلة)) لا شوكه ولا مطرقه
ضمن ارتجالات الشعور اللي يفضفض بقلقي = توقيعها الشاعر خلف(4) 00 وبختم دمّي مْصَدّّقه
[/poet]

ضمن ارتجـالات الشعـور اللـي يفضفـض بقلقـي
******************توقيعها الشاعر خلف(4) 00 وبختم دمّـي مْصَدّّقـه

والنعم والله
توهج رائع اخي الفاضل
تحياتي الك
اختك
النور

[ظويهر الشمري]

الجميل / خلف قرأتها موخراَ
وقرات كل الجمال التي تحتويه هذا القصيده
نادره ، ومبــهجه

صح فكـرك


قد تكووون لي عودة اخرى

النور ، للنور

[ظويهر الشمري]

حضووووور 2

والصاحب اللي كنـت اظنـه صاحـبٍ شهـم ونقـي
وشلون طاوع نيّته فـي مثلـي وخـان الثقـه؟؟؟!!
اللـي ليـا ثـار الرصـاص بـدرع صـدري يتّقـي
كـم طعنـةٍ خذيتهـا عنّـه وكـم خَــذْت فشـقـه
اهديتـه حصانـي ولبّسـتـه شــدادي وبنـدقـي
ومن يوم مالفيـت لـه ظهـري رمانـي بطلقـه !!


الجــميل والاستاذ ، خلف الكريّع
جمال القصيده (( مرهق ، وممتع ))
و
تظل هذا الشامخه شامخه
بفنها وحبكتــها الشعريه

لها الكثير من الجمال




دمت مبهج في كل حالاتك



اخوك / ظويهر