قصيده ورد بين محمد ومحمد

انا والله بديت الموضوع ومسحته لتذكري انكم ماتبون القصايد الي فيها مدح لكن ابي اجيب جزء بسيط من قصيدة للشاعر محمد بن راشد بن مهنا النعيمي ارسلها للامير محمد الاحمد السديري يرحمهم الله جميعا واموات المسلمين على اثر اهداء الاخير ديوان ابطال من الصحراء الي الشاعر

يقول الشاعر محمد بن راشد بن مهنا النعيمي

لاحت سهوم النور بالفجر وانجال*** جنح الظلام وفاختني نجزمه
وقلبي يتله من عراويه تلال ***وانا بقلبي داري ويش قومه
جاله من الهاجوس ماخبث البال*** والقلب يالاجواد عرقن وثومه
قلب عطوفن يم الاجواد ميال*** ومن كان مثلي في العرب ماتلومه
لجواد عز الجار وزمول الاحمال*** مثل السهل فيه الدمث والنعومه
لجواد وافين العهد قول واعمال*** طبايع ماهيبب درس اعلومه

والقصيده اطول من ذلك بكثير ورد عليها الامير محمد برد وافي
هاذي الثلاث البيوت الاخيره من رده وش اقول وش اخلي مايحتاج انتو ابخص يمال السلامه

دنيا بغفلتها ركض كل ختال***** وكم خير بالغدر توكل لحومه
الخبث له بايع و شاري و نقال**** والطيب ارخص مالقى من يسومه
وديك الدجاج معلق فيه خلخال***** حطو مفاتيح الذهب في بهومه


الله يرحمهم جميعا وانا ارى في هذا المنتدى نماذج رائعه من الرجال في قصايدها وفي ردودها

الف سلام للجميع

اخوكم شقران




[تم تعديل الموضوع من قبل شقران بتاريخ 01-31-2001 الساعة 10:31 PM]

ياسلام عليك ياشقران.....


هذا هو الاخ شقران....
دائما يحرص على نوعيه خاصه من القصائد...ليتحف بها المنتدى .. من يتابعها يعرف ان هذا الشخص يحمل لنا العديد من الاشياء الجميله...

كيف لا..؟؟...وهذا الشخص يقول ان من هواياته....معرفة زحول الرجال..!!!!
انشاء الله نكون عند حسن ظنك ...بعيدا عن الشعر ...انت اكبر من كل شي ممكن ان يقال.

على فكرة ستكون انت..ومعرفتي بك موضوعي القادم..انتظرها ..لن اخبرك؟؟؟



شقران ....كل يوم يمر اكتشف اننا مقصرين في حقك.....
تقبل خالص التقدير والود والاحترام...

أختيار شاعر لشعر شاعر ...


ذوق ومعاني وفن وأخلاق....

تحياتي لك ياشقران...ولاهنت يالغالي

الاخ العزيز الفارس الله يرحم شيبانك ويرفع قدرك تراك اخجلتني بكلامك ... وترى معرفتك ومعرفة كل طيب هي راس المال وهى التجاره الى تزيد ارباحها ماتنقص لان الطيب ان جاك منه طيب ولا ماجاك منه ردا

ويمكن هذا السبب الى خلاني اشارك بكثره مع اني مانيب شاعر اقولها ذالحين وبكره
====================================================

الاخ ولد عبس نفس الكلام الي قلته للفارس اباقوله لك معرفتك ومعرفة الطيبين في هالمنتدي هي مقصدي وغايتي

الرجال الطيبين نوع نادر لازم نتعب لين تلقاهم وانا لقيت في هالمنتدى هالنوعيه النادره ........ يعني طحت لى بكنز وهذا الي ابيه

الله يجعلنى احسن مما تظنون ولايحرمني من معرفة كل طيب

اخوكم
شقران

[تم تعديل الموضوع من قبل شقران بتاريخ 02-01-2001 الساعة 09:32 PM]