من روائع ( الواثق )

الله الله يابو فلاح من حلاوتهاكتبتها مره ثانيه

والعذر والسموحه .... بس ان الغلا غلاب




هيجن الشوق في ريضان قلبي وغنا

شب نــاره وعقل فالحنايا ركابه

له بيـوت الغلا في وسط قلبي تبنا

من لفي للحنـايا لين وضع زهابه

والله إني علــى شوفه سنين اتمنى

وما تهنيت لحظة طول فترة غيابه

إن ظلمني رحمني وإن رحمني تجنا

غالي ومن غلاه اغليت حتى عذابه

كل ما مر في وادي الضلوع وتمثنا

مفرق القلب تمطر في خفوقي سحابه

كني اشـوفه ليا ســـار قام يتثنى

والشعر كنه لــيل جاه ريح وعثابه

خمري اللون من غيره عذاب المعنى

حبه اللي ملك قلبي ودمي جرابــه

خشف ريم رعي زملوق روضة مهنا

يا عسى المزن يسقي كل قاعٍ مشابه



بحـــــــــــــر


[تم تعديل الموضوع من قبل بحر بتاريخ 01-31-2001 الساعة 07:41 AM]

بسم الله الرحمن الرحيم

اسمحلي انا ايضا اسجل اعجابي يابحر ..

ومن روعة أختيارك ...للقصيدة ...نقولك صح لسانك..

أما أبو فلاح أنا قد قلت أنه مثل أبرة البنسلين اللي مايصبر مريض السكر لين يأخذها,,,

تحياتي لك...
ولدعبس