Tweet
اخواني و احبابي اعضاء و زوار منتدى النداوي الغالين
السلام عليكم و رحمة الله و بركاته
هذه ابيات قلتها وارسلتها لخوي و ابن عمي خالد بن مطلق آل منيجل العاصمي ... وهو شرواكم رجال فيه خير و يستاهل القصيد .. و عساي اكون قدمت الشي اللي يحوز على رضاكم و يرقى الى ذائقتكم .
و السموحة على القصور
[poet font="Simplified Arabic,14,darkred,normal,normal" bkcolor="white" bkimage="" border="none,2,gray" type=1 line=200% align=center use=sp char="" num="0,black"]
للشعر حزّاةٍ يجي له توقّاد=كنّه لهيبٍ قام يرسل شراره
ياتي على غرّه و من دون ميعاد=و يدك دكّة صاعقٍ في الحجاره
حرارته فالصدر في شوي تزداد=ما اقوا على حرّه و زود استعاره
ما عاد يهنالي شرابٍ ولا زاد=و النوم يبطي عن عيوني مزاره
لين افتح لشعري سبيلٍ و ميراد=واكتب على شفّه جزيل العباره
و ليا بديته كنّه الغيث هدّاد=خطرٍ على صدري يفتّق ستاره
واصبح يجي حولي جماعات و افراد=يشبه جنود الجيش لا شن غاره
صدره على المسحوب و القافيه آد=والعجز بحر الصدر و القاف آره
جلست انا و يّاه و الفرش سجاد=صنعة بلاد الفرس يزها بحماره
و الدلّة الصفرا بها بن و قناد=مع زعفران ايران يصبغ صفاره
ماها قراحٍ وهبة الغيم لا جاد=فنجالها يجلي عماس و سداره
جابه عشيرٍ ثابت الود ما حاد=ايضا ولا غيّر زمانه مساره
حزّة عصيرٍ طاب شربه على مراد=جعله بعد كيف التتن و الزقاره
وجّهت فكري لعذب القيل مرصاد=انقى بديعه و اتنقى خياره
الشعر و اهل الشعر صيدٍ و صيّاد=وما كل طيرٍ صاد ظبي و حباره
و اللي مع المقناص دومٍ و معتاد=لا ضاع طيره وش تفيد الصقاره
و النار لولا النار ما فاد حدّاد=و اللوح لولا اللوح صعب النجاره
و الدين يا اهل العرف فقهٍ مع ارشاد=و النصح يلزم له نصوح و مهاره
هذي بيوتٍ خطّها كف قصّاد=من شاعرٍ صدق القوافي شعاره
ثم عقبها برسل سلامٍ من فواد=طيرٍ يسافر و المحاني مطاره
منّا الى حيفا الى حد بغداد=لا حد نجرانٍ الى حد داره
امعطّرٍ بالعود و المسك و الكاد=ينصا ولد مطلق رفيع المناره
خالد عريب الساس يا سقم الاضداد=عون الرفيق ليا جرع له مراره
ستر العذارا لا تعزون بالاجواد=قرمٍ و لا يكشف على ستر جاره
لا قلت خصمي ذاك ما هوب نشّاد=عنّه و لا طبعه يحسب الخساره
هيف الهرافا كنه مامور بجهاد=كنّه امغلٍّ يوم ياخذ بثاره
ملفا النشاما بين صادر و ورّاد=لا قيل جاك الضيف يعطي البشاره
محبوب زوله من قريبين و بعاد=هذا قليل وزبدة الهرج شاره
بمدح و لا بحسب لحاسد و نقّاد=ومن لا رضا بالقاف قلنا وداره
حقٍّ علي لا صرت عارف و نشّاد=اثبت وصوف القرم راع النداره
و الشعر ديوانٍ بلا طرس و جلاد=مبغي محاصيلٍ و لا ابغي تجاره
صدق المشاعر تودع القلب ينقاد=و ليا مليت البيت قطّع ازراره
وانا مانيب العب على عدّة ابعاد=و الحر يفهم لا بدا له اشاره
حولٍ و فكري دوم سرداد مرداد=وارجي براد الرد يطفى الحراره
يارب من فضلك عسا شقح الاذواد=نشرب صبوحٍ من لبنها بغضاره
وختامها عد الرمل فوق الانفاد=وعداد ما نجمٍ يدور ابمداره
وعداد ما يحسب على الميل عدّاد=وعداد ما كفٍّ تجوّد بطاره
و عداد من هو ساكنٍ بر و بلاد=و عداد ما شنّت على القصر غاره
منّي لكم بازكى التحيات ترداد=وصلوا على من جا بدين و بشاره
وسلامتكم
[/poet]
السلام عليكم و رحمة الله و بركاته
هذه ابيات قلتها وارسلتها لخوي و ابن عمي خالد بن مطلق آل منيجل العاصمي ... وهو شرواكم رجال فيه خير و يستاهل القصيد .. و عساي اكون قدمت الشي اللي يحوز على رضاكم و يرقى الى ذائقتكم .
و السموحة على القصور
[poet font="Simplified Arabic,14,darkred,normal,normal" bkcolor="white" bkimage="" border="none,2,gray" type=1 line=200% align=center use=sp char="" num="0,black"]
للشعر حزّاةٍ يجي له توقّاد=كنّه لهيبٍ قام يرسل شراره
ياتي على غرّه و من دون ميعاد=و يدك دكّة صاعقٍ في الحجاره
حرارته فالصدر في شوي تزداد=ما اقوا على حرّه و زود استعاره
ما عاد يهنالي شرابٍ ولا زاد=و النوم يبطي عن عيوني مزاره
لين افتح لشعري سبيلٍ و ميراد=واكتب على شفّه جزيل العباره
و ليا بديته كنّه الغيث هدّاد=خطرٍ على صدري يفتّق ستاره
واصبح يجي حولي جماعات و افراد=يشبه جنود الجيش لا شن غاره
صدره على المسحوب و القافيه آد=والعجز بحر الصدر و القاف آره
جلست انا و يّاه و الفرش سجاد=صنعة بلاد الفرس يزها بحماره
و الدلّة الصفرا بها بن و قناد=مع زعفران ايران يصبغ صفاره
ماها قراحٍ وهبة الغيم لا جاد=فنجالها يجلي عماس و سداره
جابه عشيرٍ ثابت الود ما حاد=ايضا ولا غيّر زمانه مساره
حزّة عصيرٍ طاب شربه على مراد=جعله بعد كيف التتن و الزقاره
وجّهت فكري لعذب القيل مرصاد=انقى بديعه و اتنقى خياره
الشعر و اهل الشعر صيدٍ و صيّاد=وما كل طيرٍ صاد ظبي و حباره
و اللي مع المقناص دومٍ و معتاد=لا ضاع طيره وش تفيد الصقاره
و النار لولا النار ما فاد حدّاد=و اللوح لولا اللوح صعب النجاره
و الدين يا اهل العرف فقهٍ مع ارشاد=و النصح يلزم له نصوح و مهاره
هذي بيوتٍ خطّها كف قصّاد=من شاعرٍ صدق القوافي شعاره
ثم عقبها برسل سلامٍ من فواد=طيرٍ يسافر و المحاني مطاره
منّا الى حيفا الى حد بغداد=لا حد نجرانٍ الى حد داره
امعطّرٍ بالعود و المسك و الكاد=ينصا ولد مطلق رفيع المناره
خالد عريب الساس يا سقم الاضداد=عون الرفيق ليا جرع له مراره
ستر العذارا لا تعزون بالاجواد=قرمٍ و لا يكشف على ستر جاره
لا قلت خصمي ذاك ما هوب نشّاد=عنّه و لا طبعه يحسب الخساره
هيف الهرافا كنه مامور بجهاد=كنّه امغلٍّ يوم ياخذ بثاره
ملفا النشاما بين صادر و ورّاد=لا قيل جاك الضيف يعطي البشاره
محبوب زوله من قريبين و بعاد=هذا قليل وزبدة الهرج شاره
بمدح و لا بحسب لحاسد و نقّاد=ومن لا رضا بالقاف قلنا وداره
حقٍّ علي لا صرت عارف و نشّاد=اثبت وصوف القرم راع النداره
و الشعر ديوانٍ بلا طرس و جلاد=مبغي محاصيلٍ و لا ابغي تجاره
صدق المشاعر تودع القلب ينقاد=و ليا مليت البيت قطّع ازراره
وانا مانيب العب على عدّة ابعاد=و الحر يفهم لا بدا له اشاره
حولٍ و فكري دوم سرداد مرداد=وارجي براد الرد يطفى الحراره
يارب من فضلك عسا شقح الاذواد=نشرب صبوحٍ من لبنها بغضاره
وختامها عد الرمل فوق الانفاد=وعداد ما نجمٍ يدور ابمداره
وعداد ما يحسب على الميل عدّاد=وعداد ما كفٍّ تجوّد بطاره
و عداد من هو ساكنٍ بر و بلاد=و عداد ما شنّت على القصر غاره
منّي لكم بازكى التحيات ترداد=وصلوا على من جا بدين و بشاره
وسلامتكم
[/poet]
تعليق