Tweet
مساء الخير ...
هل لي بهذه الصفحه ؟
شكراً ...!
.
لا الـوقـت كـافي .... ولا الأيـام تسعفني
................................. ولابقى لي.. من آحـلامي .. سوى آمـالي
.
الله يخـلـِفــك..! ياللي منه .. مـخلفني
.................................. والله يغربلك ..! ياللـي مـنك غـربالـي
.
ماتتركون (( الهقاوي البيض )) تلقفـني !؟
.................................. خـلــّوني آسلى مـدام إن الخويّ سالي
.
الصاحب اللي يحسْب الضـيق ..في كفني
......................... قولوا له.. إنـّه لاغـاب.. اضيق بــ آسـمـالي!
.
اللـي عـلى خـوّة الايـام ... حـلـّفني
.............................. ولا يدري إنـي بدونـه .. عايـش لحـالـي!؟
.
غــالي ... وكنّه على نفسي.. مناصفني !
.......................... حتى على نصفي الثـانـي بعـد....! غــالـي
.
آحيان أقول..إن (حـب الطـيش) خلـّفني
.............................. .. وآحيان أقول... إن (طيش الحب) لعيـالي!؟
.
يالمطرق اللي تبوح لعـين .. شـايفني
...................................... ملـّيت أقيـّد غــرامك وانقض حبالي!!
.
أبطيت.. وكـنّ السهر بالليل .. والفني
................................ من يوم قفــّيت.. حـالي ماهي.. بـحالي
.
عليك مـزن الهـجوس الغـرّ.. خالفني
.............................يـاللي تـعجّ الحـنـايا .. وتمطـر فـ بالي !!
.
منك اجتمع فيض قلبي مع ظما جفني !
................................... يعني:.. أحبـك كـثير... ولاتهـيـّالي !
.
متى عـلى الله تجيني..؟ يامكلــّفني
................................ وأقــول للي يـتحرّى... لا تحــرّا لي
.
واذكــّـرك بالهـوى..
واكـــذب...!
وتكشفـني ......؟
واطــرّي الصــدّ
(( وفــال الله ولا فــالـي!! ))
.
تقول ليت العطا بالحـب.. ينصفـني؟
.......................... وآقول ليت اللي جـالك بالهوى... جــالـي!
.
إن جيت غيرك آحـسّ الدرب.. عـايفني
.............................. ولا آنت لاجيت لمـّـك .. أسبق ظـلالي!!
.
ومن وين مالـدّ شوفي جيت حايفني
........................... كـنـّك تخـطّ الوغـى..! بقـفـايّ وقـبالي
.
هـبـّـلـت بـي..!!
لين نـبـض الـنـــّاس حـالـفـني..
مـايـكـفـي ..؟
كـوّنـت لـي جـمـهـــور بـهـبــالـي .....!!
.
في ذمتي.. لو جنون النـّاس يردفني
........................... لاآقـول هـذا هو .. اللي سبـّب.. خبالي!!
.
لكن تراني على حطـّـة يدك .. شفني
.............................. مـاغيـّرتني مـقـاديري... وتـرحـالي
.
فامّا اسقني من ((دلال الحب)).. وكيـّـفني
.................................... ولاّ تــرا مـاهــو صعـب ..!؟
آهــــزّ فـــنــجــــالـــي ..!!
.
العذر لكم ... وبكم ..
للشعر ...
خالد
تعليق