Tweet
[poet font="Simplified Arabic,14,darkblue,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
صبحكم الله بالخير
قصيده في ابوي الله يطوّل عمره
وأود ان تنال اعجابكم
بدينا وابتدينا بالكتابه=وكلٍ عارفٍ مرمى صوابه
توكلنا على الله واهتدينا=على سنة محمد والصحابه
سلكت الدرب وعيوني تشوفه=ولا قد خاب من سار ومشابه
دروب اهل المعرّفه والمعزه=تعز الرجل وتقوّي جنابه
ترفرف به على راس الطويله=وتنومس من فعوله كل لابه
سوات البيرق اللي ما تزحزح=في وقت السلم والآ فالحرابه
يزمك لا تعثرت ويرّفك=وياقف معك في وقت الصعابه
وتنسى الهم لا منك نصيته=وشوفه يجلي الهم وعذابه
وصيته بين خلق الله شايع=وله بين العرب قدر ومهابه
وله فالطايله منزل يشرّف=جميع اللي لفا واللي لجابه
لا شاف الضيف رحب به وهلاّ=تراحيب السعد تمح الكآبه
مكمّل في مواجيبه ويوفي=ولا من دون ضيفه صك بابه
وانا اشهد ساقها منّا ومنّا=بسلم المرجله شقّى ركابه
ووافين المبادي يعرفونه=هذاك السيف ابو حد ونصابه
والى جات الشدايد ما تهاون=ولا خيّب هقاوي من هقابه
يعّجبك في كلامه لا تكلم=ثقيل ومتزن راع اللبابه
حكيمٍ يعطي المحقوق حقه=يعدل الميل والنايف رقابه
قليله كثر وكفوفه صخيّه=على المحتاج كالغيث وسحابه
كريم وظفروافعاله نوادر=قوي العزم .. ويفك النشابه
سديد الراي وعلومه تخلّد=على وجه الزمن وابلا غرابه
سوات السيل للقاع الهشيمه=وسوات النور يضوي كل غابه
وسوات الظل في شمس القوايل=وسوات الشهد مبداه وخطابه
هذاك ابوي محمود المساعي=يعسف الكايده وقت الطلابه
يعلمّني وانا عادي صغيّر=لأنه جرّب الوقت وشقابه
خذى من الوقت عبرات وتجارب=وعرف مضمونها بأول شبابه
ووصاني وانا اخذت الوصيه=بوسط الذهن منحوته كتابه
صلاتك ثم صلاتك ثم صلاتك=وبر الوالدين اكبر مثابه
وجارك لا تفرط في حقوقه=ترى له حق والطيّب سعابه
وحبلك لا تقصّر به ومده=ولو الموت قدمك لا تهابه
وخلك واصلن بين الجماعه=وبين الربع واخيار القرابه
ولا تقصر يمينك دون شفك=ولا يغريك مخيال السرابه
وسج الرجل فـ وساع الفيافي=ولا تغزي رجل ما ينغزابه
واخذ من كل وردات القرايا=من السهل ومن الرجم وهضابه
وحط بكل وادي وكل ديره=ورودن تشفي الجرح وصوابه
ووصاني برفيقي وابن عمي=ولو انه مشى درب المعابه
ترى ما عاب صاحبك ابعيبك=وعلمّه الطريق ويقتدابه
وخلك مسنده واطلق حجاجه=ويبقى ذرب وافعاله ذرابه
ترى الرجال لامن طاب خلقه=يصير احلى من الحالي شرابه
وصديقٍ ما يسر ولا يضرك=يجي ويروح ما حيٍ درابه
نحشمه لجل شايبه وعضيده=ومع الوافين ما نحسب حسابه
لأنه (نقص) والناقص يحرّض=خذاه السيل عنا وانتحابه
وترى ذيب المشارف ما توّنا=فطين وصيدته في راس نابه
تنام الناس وعيونه سهيره=رقيب ولا على راسه رقابه
ولكن الثعل يا وش تعشى=ذبابه والله يعز الذبابه
وهذاك الحر ابو مخلاب مدمي=يروم العز والعز انتشابه
وشوف البوم في صوته يلالي=ومنزاله على سور الخرابه
كذلك البشر فيها وفيها=وانا وضحت لك وجه التشابه
بليد القلب ما يفهم كلامي=وفهيم العقل مضموني سطابه
صحيح الوقت مشوار ومكالف=وبه ميله ولفه وانقلابه
لكن الرجل يعرف وش حصيله=حصيلن وافيٍ والا هبابه
ويعرف من يخاوي من يخلي=ولا تغويه جرّات الربابه
ليا غاب الخوي وقت الشدايد=نسد اللازمه لحظة غيابه
وهذا حق والطيّب يعرفه=وسؤالي مفسرن معنى جوابه
وهذا كل ما عندي واقوله=سلام لمن تبع نهج الصحابه
وصلاة الله على الهادي محمد=عدد ما لاح براق السحابه
وســـــــلامتكم
..
[/poet]
صبحكم الله بالخير
قصيده في ابوي الله يطوّل عمره
وأود ان تنال اعجابكم
بدينا وابتدينا بالكتابه=وكلٍ عارفٍ مرمى صوابه
توكلنا على الله واهتدينا=على سنة محمد والصحابه
سلكت الدرب وعيوني تشوفه=ولا قد خاب من سار ومشابه
دروب اهل المعرّفه والمعزه=تعز الرجل وتقوّي جنابه
ترفرف به على راس الطويله=وتنومس من فعوله كل لابه
سوات البيرق اللي ما تزحزح=في وقت السلم والآ فالحرابه
يزمك لا تعثرت ويرّفك=وياقف معك في وقت الصعابه
وتنسى الهم لا منك نصيته=وشوفه يجلي الهم وعذابه
وصيته بين خلق الله شايع=وله بين العرب قدر ومهابه
وله فالطايله منزل يشرّف=جميع اللي لفا واللي لجابه
لا شاف الضيف رحب به وهلاّ=تراحيب السعد تمح الكآبه
مكمّل في مواجيبه ويوفي=ولا من دون ضيفه صك بابه
وانا اشهد ساقها منّا ومنّا=بسلم المرجله شقّى ركابه
ووافين المبادي يعرفونه=هذاك السيف ابو حد ونصابه
والى جات الشدايد ما تهاون=ولا خيّب هقاوي من هقابه
يعّجبك في كلامه لا تكلم=ثقيل ومتزن راع اللبابه
حكيمٍ يعطي المحقوق حقه=يعدل الميل والنايف رقابه
قليله كثر وكفوفه صخيّه=على المحتاج كالغيث وسحابه
كريم وظفروافعاله نوادر=قوي العزم .. ويفك النشابه
سديد الراي وعلومه تخلّد=على وجه الزمن وابلا غرابه
سوات السيل للقاع الهشيمه=وسوات النور يضوي كل غابه
وسوات الظل في شمس القوايل=وسوات الشهد مبداه وخطابه
هذاك ابوي محمود المساعي=يعسف الكايده وقت الطلابه
يعلمّني وانا عادي صغيّر=لأنه جرّب الوقت وشقابه
خذى من الوقت عبرات وتجارب=وعرف مضمونها بأول شبابه
ووصاني وانا اخذت الوصيه=بوسط الذهن منحوته كتابه
صلاتك ثم صلاتك ثم صلاتك=وبر الوالدين اكبر مثابه
وجارك لا تفرط في حقوقه=ترى له حق والطيّب سعابه
وحبلك لا تقصّر به ومده=ولو الموت قدمك لا تهابه
وخلك واصلن بين الجماعه=وبين الربع واخيار القرابه
ولا تقصر يمينك دون شفك=ولا يغريك مخيال السرابه
وسج الرجل فـ وساع الفيافي=ولا تغزي رجل ما ينغزابه
واخذ من كل وردات القرايا=من السهل ومن الرجم وهضابه
وحط بكل وادي وكل ديره=ورودن تشفي الجرح وصوابه
ووصاني برفيقي وابن عمي=ولو انه مشى درب المعابه
ترى ما عاب صاحبك ابعيبك=وعلمّه الطريق ويقتدابه
وخلك مسنده واطلق حجاجه=ويبقى ذرب وافعاله ذرابه
ترى الرجال لامن طاب خلقه=يصير احلى من الحالي شرابه
وصديقٍ ما يسر ولا يضرك=يجي ويروح ما حيٍ درابه
نحشمه لجل شايبه وعضيده=ومع الوافين ما نحسب حسابه
لأنه (نقص) والناقص يحرّض=خذاه السيل عنا وانتحابه
وترى ذيب المشارف ما توّنا=فطين وصيدته في راس نابه
تنام الناس وعيونه سهيره=رقيب ولا على راسه رقابه
ولكن الثعل يا وش تعشى=ذبابه والله يعز الذبابه
وهذاك الحر ابو مخلاب مدمي=يروم العز والعز انتشابه
وشوف البوم في صوته يلالي=ومنزاله على سور الخرابه
كذلك البشر فيها وفيها=وانا وضحت لك وجه التشابه
بليد القلب ما يفهم كلامي=وفهيم العقل مضموني سطابه
صحيح الوقت مشوار ومكالف=وبه ميله ولفه وانقلابه
لكن الرجل يعرف وش حصيله=حصيلن وافيٍ والا هبابه
ويعرف من يخاوي من يخلي=ولا تغويه جرّات الربابه
ليا غاب الخوي وقت الشدايد=نسد اللازمه لحظة غيابه
وهذا حق والطيّب يعرفه=وسؤالي مفسرن معنى جوابه
وهذا كل ما عندي واقوله=سلام لمن تبع نهج الصحابه
وصلاة الله على الهادي محمد=عدد ما لاح براق السحابه
وســـــــلامتكم
..
[/poet]
[/align]
تعليق