الاخوة الاعزاءمساكم الله بالخيراليكم هذة القصيدة عسى ان تحوز على
اعجابكم000
لادق في وسط الضمايرهواجيس*****اونست كن النار وسط الضماير
قامت تصافق قلت عوذا من ابليس******هذي خواطر بال والاسعاير
عودت ادور للقلم والقراطيس**********ودي ابيح ماتكن السراير
هات القلم عجل تراها محابيس********بساع يانواف واحذر تخاير
تراك من ربعن تحوش النواميس********حمايت التالي ليا ثار ثاير
من لابتن للضيف ماتذبح التيس*********ذباحت الحايل وهذاه ساير
جدك مضرا يسفة الخبل والهيس******* وابوك ماخاوا من الناس باير
ولاقط سج الرجل وسط الغطاليس*****يمشي على وضح النقا والبصاير
انصحك يانواف كب الدنافيس******اضعاف النفوس اللي تجر الجراير
اللي من اعلوم المراجل مفاليس*******اترك مجالسهم وسوق البشاير
خاو الرجال امجودين المتاريس********مناقع العراف نسل الحراير
اللي ليا شانت علاك التضاريس******تاقف معك وقفةتشوق النضاير
اتعب وراهم والفعل للقرانيس*****وادمح خطا الاصحاب لو دمك فاير
ترى النشاما للنشاما مراويس*******لادرهمت بقعاء وجات العزاير
وخلك كما الصندوق واصبر كما العيس***والطاعة اتنومسك يوم الحشاير
افهم كلامي زين ياترثة ادبيس*********قدام عينك لا تهل العباير
اخوكم /ابونواف محمدسالم المسعودي
[/poet]
تعليق