Tweet
[poet font="Simplified Arabic,5,darkred,bold,italic" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
تحنّن خافقي رغم السنين = وعاودني من الذكري حنين
حنينٍ جاوبه طيفك وجاني = وله فزيت .. وأنتي تعذلين ؟
وهذا طبعك الي ما تغير = ولو ماهوب ودك تظلمين
وانا طبعي أداري واتحمل = لأجل عهدي لذيك النجمتين
تلامع بالشقاوه والنباهه = ويكسف نورها صافي الجبين
حشى لله ماشفت بحياتي = مثل سحرٍ في لمع المقلتين
ولو أنسى مبأنسى ريح عرفك = خليط العود معه الياسمين
وكم كنتي لعيني مثل رمشي= وصرتي اليوم بعد الفرقدين
ومادام ان طيفك أقرب من عيوني = سوى عندي رحلتي او تجين
عليم الله بعدك يالعذوله = هجرت الولف وأنكرت الخدين
أكابد غصةٍ في الحلق مرّه = وأنفّسها بترجيع الونين
وهذي حالتي حتي دهاني = عظيم الكرب يالله يا معين
وهيض هاجسي كبر المصيبه = وغنيته على اللحن الحزين
انا في حلم ولا في حقيقه ؟ = على بغداد غارالمجرمين !!
انا في حلم ولا في حقيقه ؟ = جيوش الغرب جوها حاقدين !!
انا في حلم ولا في حقيقه ؟ = جيوش الظلم والحقد الدفين !!
صحيت وقمت أفكر فالحقايق = جيوش إرهاب وإلا محررين؟
وأنا ؟ مانيب ..انا.. شيخٍ عراقي = يا "نون" ويا "ألف" يقفاه "سين"
وهاذا مابقى من جسم بنتي = أشيله ياعرب كانه عجين
وهذي أختها تبكي صويبه = ومغيرالله لي "ركن مكين "
وأنا ؟ مانيب .. انا .. قرمٍ عراقي = أسيرٍ ذلني العلج اللعين
وجانا بوش جزارٍ صليبي = وطب الحوش وإختار السمين
عقد عزمه وماعنّه وعنّا = وبعدنا دوركم يا غافلين
وأنا ؟ مانيب .. انا.. طفلٍ عراقي = أريد أصرخ وصوتي ما يعين
ودم أمي على وجهي تنثر = يخالط دمها دمعٍ سخين
وجنبي هامة اختي فجروها = قنابل بوش خلتها طحين
علي بغداد فلتبكي البواكي = ويبكي الشيخ من ذلٍ مهين
وعلى بغداد فلتبكي البواكي = ويبكي القرم مكتوف اليدين
وعلى بغداد فلتبكي البواكي = ويبكي الطفل والعالم عمين
عساها للعمى عين تصدد = وعسى للنار قلبٍ ما يلين
ولو ضاعت فلا والله نقدر = نعوض فقدها لو بعد حين
ولو ضاعت فلا والله نقدر = نرد الدم والعرض الثمين
ولو ضاعت فلا والله تقدر = ترجعها اماني الحالمين
نعم بغداد هي رمز الحضاره = حضاره من عصور الغابرين
حضاره من عصور الجاهليه = وسموها بلاد الرافدين
اذا هانت تهون اليعربيه = يدنسها الغزاه الغاصبين
نعم بغداد هي دارالخلافه = "بنوالعباس" نعم الحاكمين
بنوها ونشروا فيها المعارف = وكانت نور بين العالمين
فكم شيخٍ بها عاش وتتلمذ = على شيوخٍ ثقاةٍ ماجدين
نعم بغداد منها كم تجهز = جيوشٍ تنشرالحق المبين
وياكثر الجيوش الي غزتها = وكانت حلم كل المعتدين
ولاحدن منّهم حصل مراده = وكانت درعنا الضافي الحصين
ولكن مرت أيامٍ عصيبه = وصرنا في الدول مستضعفين
مذاهب مع فرق وقلوب شتى = ومع الأحزاب صرنا مشتتين
على الاسلام قدّمنا العروبه = وضيّعنا سلوم الأولين
خذلنا الدين واخزينا العروبه = وصرنا في النهايه خايبين
وطلع جيل الذكور الي نساها = تمرجل والرجال منعمين
فلا تفرق عن الناقه فحلها = طبايعهم سوى متشابهين
مواشي مثل ما قالوا تسمّن = تحت رحمة اله العالمين
ضعيف العزم يا مبرد عضوده = مغير لسان حلافٍ مهين
وعاش الحر مكسورٍ جناحه = يموت بحسرته ماله عوين
زمانٍ منتكس وأهله حيارى = الا يالله زينها تزين
ولكن رغم بؤسك يا جريحه = فنور الحق أوشك أن يبين
ورغم البعث وإرهابه وظلمه = وترويع الشعوب الآمنين
ورغم البطش من وقعة " حلبجه" = مرور بمذبحة "بوش" اللعين
ورغم القتل والقصف وجحيمه = وتشريد الجياع النازحين
فلانقبل من الظالم دعاية = "حياةٍ حرةٍ من غير دين" ؟
وهذا عهدنا يالله فإشهد = لحد الموت حنا صامدين
لحـــــــــــــــد المـــــــــوت حنــــــا صامديـــــــن
[/poet]
تعليق