Tweet
[poet font="Simplified Arabic,14,black,normal,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
الشعر وش خانته لو خان تعبيره= عن شرح وضع العراق الحرج وأخباره
اللي على كل موجه صار له سيره= وعلى القنوات حطوه أغنية شاره
دارٍ سعوا قادته دايم لتدميره = ذاله ثلاثيـن عام وماطفت ناره
سعوا لرجعيته حكام شـريره= شلـة طواغيت ظلامه وجباره
بالنار هي والحديد الحكم في الديره= والخردل الشعب كم رشـوه ببخـاره
الشعب مايمتلك مقدار قطميره= عانا من الذل قبل الغرب وحصـاره
عز الدواء والامن والخبز والميره= والقائد الفذ يتبجح بسيجاره
كان العراق العظيم تعيش مـن خيره= بلدان وشعوب تعنى له وتختاره
مركز حضاره وله قدره وتأثيره = به للخليفه مقر ومرجع أمصاره
خيرات أراضيه فيه نخيل مع غيره= تطرح ثمرها ويسقيها من انهاره
دجله على أرضه يطوح له مجاريره = يفيض شوق وعطا ويترجم أشعاره
وفراته العذب بيح كل أساريره=على ثراه إنتهى والخير مدراره
واليوم عرضه لغزوه بإسـم حريره = من دون نهب المصالح حطـوا ستاره
وأهدافهم ينهبون النفط مـن بيره = ويحسـنون إقتصاديات منهاره
أهدافهم كسرته ماهوب تعميره = بأم القنابل تدق الغاره والغاره
وكروز يثبت نجاح أبحاث تطويره = وفي اليوم يطلع عليه ألفين طياره
صبوا غضبهم عليه ولا لقى جيره = في البر والبحر جاه جيوش جراره
وعنان واقف من أمر الحرب في حيره = وكل الدول بين حلم وعلم محتاره
والعرب عاشوا بذل وماتت الغيره = أطيبهم اللي شجب وأعلن عن إنكاره
تخاذلوا عـن عربهـم يالله الخـيره = ولا أدري متى الذل يجلى عنهم غباره
لكن ياشعب العراق ويامغاويره = الحل من عندكم بيديكم الطاره
ثوروا على الطاغيه قوموا بتعزيره = ماينسكت عن مثل صـدام وأنصاره
عصابةٍ سببوا للدار تأخـيره = لاخير فيهـم ولا عـز أحدهم داره
ثم أعمروا داركم وابقوا نواطيره = ما يعمر الحاره الا ساكن الحاره
أحيوا بلدكم وقوموا يامشاهـيره = قودوا سفينة عراق العز وإعماره
ومن النزاع إحذروا لابد تطهيره = ترى الفتن للبلد والشعب دماره
الوضع ما يحتمل صبره وتبريره = صبرٍ على المر كم ذقتوا من أمراره
ومنا لكم ياإخوة الاسلام تبشيره = دم العرب من وفاء والجار مع جاره
إخوان والاخو له حقه وتقديره = والله يجنب وطنا الحرب وأخطاره
[/poet]
وسلامتك
عبدالله العتيبي ( البادي )
الشعر وش خانته لو خان تعبيره= عن شرح وضع العراق الحرج وأخباره
اللي على كل موجه صار له سيره= وعلى القنوات حطوه أغنية شاره
دارٍ سعوا قادته دايم لتدميره = ذاله ثلاثيـن عام وماطفت ناره
سعوا لرجعيته حكام شـريره= شلـة طواغيت ظلامه وجباره
بالنار هي والحديد الحكم في الديره= والخردل الشعب كم رشـوه ببخـاره
الشعب مايمتلك مقدار قطميره= عانا من الذل قبل الغرب وحصـاره
عز الدواء والامن والخبز والميره= والقائد الفذ يتبجح بسيجاره
كان العراق العظيم تعيش مـن خيره= بلدان وشعوب تعنى له وتختاره
مركز حضاره وله قدره وتأثيره = به للخليفه مقر ومرجع أمصاره
خيرات أراضيه فيه نخيل مع غيره= تطرح ثمرها ويسقيها من انهاره
دجله على أرضه يطوح له مجاريره = يفيض شوق وعطا ويترجم أشعاره
وفراته العذب بيح كل أساريره=على ثراه إنتهى والخير مدراره
واليوم عرضه لغزوه بإسـم حريره = من دون نهب المصالح حطـوا ستاره
وأهدافهم ينهبون النفط مـن بيره = ويحسـنون إقتصاديات منهاره
أهدافهم كسرته ماهوب تعميره = بأم القنابل تدق الغاره والغاره
وكروز يثبت نجاح أبحاث تطويره = وفي اليوم يطلع عليه ألفين طياره
صبوا غضبهم عليه ولا لقى جيره = في البر والبحر جاه جيوش جراره
وعنان واقف من أمر الحرب في حيره = وكل الدول بين حلم وعلم محتاره
والعرب عاشوا بذل وماتت الغيره = أطيبهم اللي شجب وأعلن عن إنكاره
تخاذلوا عـن عربهـم يالله الخـيره = ولا أدري متى الذل يجلى عنهم غباره
لكن ياشعب العراق ويامغاويره = الحل من عندكم بيديكم الطاره
ثوروا على الطاغيه قوموا بتعزيره = ماينسكت عن مثل صـدام وأنصاره
عصابةٍ سببوا للدار تأخـيره = لاخير فيهـم ولا عـز أحدهم داره
ثم أعمروا داركم وابقوا نواطيره = ما يعمر الحاره الا ساكن الحاره
أحيوا بلدكم وقوموا يامشاهـيره = قودوا سفينة عراق العز وإعماره
ومن النزاع إحذروا لابد تطهيره = ترى الفتن للبلد والشعب دماره
الوضع ما يحتمل صبره وتبريره = صبرٍ على المر كم ذقتوا من أمراره
ومنا لكم ياإخوة الاسلام تبشيره = دم العرب من وفاء والجار مع جاره
إخوان والاخو له حقه وتقديره = والله يجنب وطنا الحرب وأخطاره
[/poet]
وسلامتك
عبدالله العتيبي ( البادي )
تعليق