Tweet
إهدا لصاحب السمو الملكي الأمير / عبدالعزيز بن سعود بن محمد آل سعود .
[poet font="Simplified Arabic,14,darkblue,normal,normal" bkcolor="" bkimage="" border="groove,5,darkblue" type=2 line=200% align=center use=sp char="" num="0,black"]
(( شاعر آل سعود ))
سيدي من وين فيك أبدا القصايد=وانت شاعر والقصايد بك تباها
شاعر آل سعود وإن جت للشهايد=تشهد آل سعود والعالم معاها
يوم قلّدك الفهد أغلى القلايد=كلمةٍٍ من ماسمع فيها قراها
الوليده مايجيب إلا الولايد=والرجال الله فرقها عن نساها
وأنت ابوك سعود حلال الشدايد=راعي الطولات كفه ماثناها
فيك من طيبه ومن فعله عوايد=والمكارم الله اللي لك عطاها
للحبايب ليّن ولآعداك كايد=فيك من برد السنين ومن لظاها
شوق من مجدولها مثل الوقايد=شمس صبحٍٍ تفهق الليل بسناها
كنك الحر اللذي لاهِد صايد=صيدتك من مخلبك مااحدٍ خذاها
يابوراشد يابعد كل البدايد=القصايد جت تهادى من رضاها
ياسند منهو بلاربع وسنايد=فزعتك يامير تسبق من بغاها
ياالفريد اللي لك افعولٍ فرايد=والعلوم الغانمه لك منتهاها
أنت مزبان القريب وكل نايد=ومن زبن بك أعتلى عيطا ورقاها
وسلامتكم
[/poet]
تعليق