آخر الأنتاج .... ( التضحية ) .....

في ليلتن غدرا ظلام وانا انتظر وقت الوعد .... تكوّنت دهم السحب وصوت الرعد له زلزله
صبّ المطر بالما الغزير والجسم بارد يرتعد .... يبغى الدفا وين الدفا يبغى مكانن يدهله

بغيت أعوّد ماقدرت ودي أعوّد وابتعد .... لكن رفض قلبي وقال الخوف ماني باقبله

اضرب على درب الخطر والموت وش عقبه بعد .... امّا تعيش أو لا تعيش متلاك جمّه تنهله

وقعت من طولي غصب كنت أحسب أني مستعد .... حملّت نفسي طاقتن لاجل الوعد ما همّله

صحيت اطالع في السما واناظر في نجمة سعد .... ثم امتلات عيني دموع هذا خطا واتحمله

ضحيت لاجلك في الهوى ياقاسية واسمك دعد .... ياغاليه حبيتها واليوم ماتسوى انمله

أنشاءالله تعجبكم

تقبلوا تحياتي

العابر

صح لسانك اخوي العابر وهلا وغلا

آسف في تأخري بالرد

أخوي شقران :-

صح الله بدنك وبيض الله وجهك وتسلم يالغاالي


الأخت الواثقة

أشكرك على هذا الرد الكبير اللي ما أستحقه وخاصة من واحده واثقة وصح الله بدنك .... وأبشري بالجديد


تقبلوا تحياتي

العابر

صح لساااااااانك