ونحيرها مثل البزر عقب سنتيـن

من اختياري عسى يحوز على اعجابكم ولا حظوا التوصيف العجيب فيها(راي شخصي)
وهي للشاعــــر========> الدحـــــام السبيعــــي <========


يا فريج شب النار لا جوك عانيـن
قهو الطروش وما بغى الله يجـي به

وبالك تقهوي الزين و تخلي الشين
إحذار تراها يا السنافــي مصيبـه

ولا تقول أعور ولا له حذا عيـن
وإن كملت صبيت له من سريبــه

كم سلةٍ جوهر وهي غلفها شيــن
ويلا ضربت إبها تقص الضريبــه

وكم سلةٍ بيضا وتلعــج بحدّيــن
وإن حل تقطيع اللحـم ما تثيبــه

تراي راعي البن والكيف من حيـن
سوالفي عنـد النشامــا غريبــه

اقصد على الحكــام والذم بعديـن
للــي وراده ما يـورّد قليبـــه

يا شوق مركوز النهد كامـل الزين
اللي نهوده مثل بيض الربيبــه

ولاّ كمـا التفــاح و لاّ الرمامين
اللي كــذا لونه فلا عاد صيبــه

ملى المبّرد بن والهيــل تسعيـن
جاب الحطب والما وتمرٍ وطيبــه

وقالت لي أنت حضيري يا مسكين
ومن دوّر العيشه عسى الله يثيبــه

أثر الحضر بالقول مهُم بسهليـن
يا زين قول الحضر عجله و جيبـه

قلت اقربي واوحي قصيد المحبيـن
ذكرت من مثلك هروجه عجيبــه

حضريةٍ في وسط قصرٍ من الطين
لعابــةٍ عجّابــةٍ لي حبيبــه

ضحكــت بغرٍ كنهن الرماميـن
وأشافيــن مثل البريسـم لبيبـه

ونحيرها مثل البزر عقب سنتيـن
والعنـق عنق غزّيلٍ في عشيبــه

يا زين طيب النفس بين المحبيـن
ويا حلو قضب محقبــه و اتحبيبه

هواي مضنوني مع اللي مقيميــن
اللي يشد ويرتحل وش نبــي بـه

صلوا على المختار سيـد المحبين
عد الرمـال وعـد ما يوّطـي بـه

سنايدي يا شقران

هذي القصيدة التي تبرد الجاش جعلني والله ما اعدمك

جعل المنايا تعداك فديت خشمك

اختيــــــــــــــــار جميــــــــل سلمت اناملك

الــــــــواثــــــــــقـــــــــــه

الف شكر ... شكرا لتواصلك واهتمامك ....



تحيــــــــــاتي لك وللجميـــــــع


اخوك

شقران

صح الله لسانك والسااااااانه


واختيار طيب من وجه طيب .

واحسدك على ذوووووقك .


اخوووك خالد

اختيار جميل وموفق..شكرا ايها الرائع..

اختيار رائع
الرائع لايختار الا الروعة
شكراً لذائقتك الجميلة

الاخ خالد الهاجري صح بدنك وهذا من ذوقك يالغالى

الاخت عروب الشكر لك على مشاركتك

الاخ محمد بن حوقان الف شكر لتواصلك وكلماتك الطيبه


عذرا للجميع للتاخير في الرد ...... اسعدنى ان القصيده وجدت لها مكان من وقتكم

تحياتى للجميع

شقران