الليل وسهيل اليماني والجدي

طلبت من داخل وخارج المنتدى

وانا كلي لكم

الاهداء : للجميع

[poet font="Simplified Arabic,14,white,normal,normal" bkcolor="darkred" bkimage="" border="none,2,gray" type=0 line=200% align=center use=sp char="" num="0,black"]
يالله دخيلك من رداة الحظ .. واسألك الهدا=الهم عيّا ينتهي والليل ليل(ن) سرمدي
هذا .. ولاتعلمُ نفس(ن) ماللذي تكسبُ غدا=ان كان هذا حاضري فالله يستر من غدي
والجمله اللي من عناصرها الخبر والمبتدا=افكارها ما أدّت المعنى بترتيب ابجدي
والفكر والحكمه والاستشعار تجدها لدا=ذوي العقول المبصره ماهم ذوي الصوت الشدي
والصاحب اللي مانسيته لو تعدّى واعتدا=يشهد عليّ الليل .. وسهيل اليماني .. والجدي
ياصاحبي ياللي غدا وانا احسب انه ما غدا=ياكيف تنسى موعدي .. ياكيف تنسى موعدي
همي .. وشوقي .. وانتظاري .. وصْلوا لآخر مدا=لا يابعد همي .. وشوقي .. وانتظاري .. وبعدي
لو ماهويتك والغلا والشوق نهجه مقتدا=ماصرت ليّه غاية مرادي وغاية مقصدي
لكن جهودي للأسف بعد التعب ضاعت سُدا=راحت مع ادراج الرياح وصرت باقي مفردي
وان عنّ لي طاريك والتعذيب والهم ابتدا=حلفت ماخضع له وانادي رحمتك ياسيدي
وان زادت همومي تغنّيت الهجيني والحدا=وقلت اركعي لي ياجزيلات المعاني واسجدي
وان ضاقت الدنيا عليّ لاتحسب ان مالي جدا=ياعنك والله ماتضيق الا على الخبل الردي
بس اعتزي بسبيع والغلبا مطوّعة العدا=عز الله اني بحتزم وابشر بعزي وسعدي
ربعي هل الطولات يوم ان الردي ساسه ردا=ريف الضعيف وجارنا وكعام خشم المعتدي
وان لاح برّاق الهدى في عتمة الليل وبدا=فكّر بعقلك واعرف انك يوم لازم تهتدي
مثّلت دور الوافي المخلص وأتقنت الأدا=دور البطوله من نصيبك وانت فيلمك كوميدي
صوتي بعين الاعتبار اخذه وابسمع له صدا=لا تاخذ الدعوى ضحك ومزوح وبساط احمدي
لو ادري اني لو بنادي لك مالبيت الندا=ما والله ارجي (ب)انّ اخوك يصير خال(ن) لولدي
امّا حياة(ن) بالمعزه او ممات الشهدا=وانا شهيد التضحيات وثوب الاخلاص ارتدي
شفني تذكرتك وانا بين الحويه والهدا=مع كل نسمة شوق (ف)الدرب العتيم الجرهدي
ياحبي اللي كان .. يالماضي .. ويا كبش الفدا=فدا .. فدا .. سوء التفاهم بس لاتصبح فدي
متى على الله تضحك الدنيا ونحيا سعدا=ونقول للشمس اشرقي .. ونقول للسحب ارعدي
ان زانت الدنيا ليالي العمر عدّي بالهدا=وان قامت الدنيا يادنيا الدون قومي واقعدي
ياصاحبي طال الجفا والناس عذّال حسدا=ماتترك الرجال في حاله ولو كان اجودي
وينك بعد ماجفّت الاوراق ياقطر الندا=وينك وانا اتوجد على الازهار والغصن الندي
عندي كلام بخاطري بخفيه كله .. ماعدا=كلمه .. وابي منك السموحه لان ماهو في يدي
ياصاحبي ماوالله انسى صاحبي .. بدا .. بدا=يشهد عليّ الليل .. وسهيل اليماني .. والجدي



[/poet]

نايف الناقول

ياخي والله ان كنك قاصدها في تبي تحرجني كيف ارد عليك

ولكن الله يجمل فيك ويعينني على اعطاءك ماتستحق

القصيدة يكفيك يابو محمد اني كل ماظاق خاطري قلتلك سمعنيها

اما الشاعر فهو بلا شك القادم بقوه ونا لاملك غير افساح المجال لشاعريته
المطلقه حتى لو مايبرز هويته اهم شي يروح ويفكنا من شره

تحياتي لك ..رفيق دربك ..مدغم ابوشيبه

وينك بعد ماجفّت الاوراق ياقطر الندا
وينك وانا اتوجد على الازهار والغصن الندي


الله عليك يا نايف


أبدعت والله


صح لسانك وقلبك


ويعطيك العافيه


لك فائق اعجابي


أخوك \ بدر المشاعر

اررررررررررررحب يابو محمد...

صح الله لسااااااااانك....

والله انك مبدع وكلمة مبدع قليلة في حقك بعد...

لله درك على هذا الابدااااع ولهذه الجزالة


انتبهوا لهذا الاسم جيداااااا...

اسم سوف يسحب البسااااط من تحت الكثيييييييييير...


دمت سالما ودام لنا ابداعك...

تقبل خاااالص تحيااااااااااااااتي

اخــــــــــــوك / الأصيــــــــــــــــــــــــــــل

الرفيق الوفي للابداع الشاعر نايف الناقول

اينما يحل تجد الابداع
ابو محمد والله مادري وش اقول امام هذه الشامخه
ولكن اللي اقدر اقول صح لساااااااااااااانك مليووووون
ووفقك الله يابو محمد


تقبل تحياتي
........................ شبيب

الشاعر


المبدع


نايف الناقول




صح الله لسانك

بيض الله وجهك
لاهنت
ودعتك الله

وان عنّ لي طاريك والتعذيب والهم ابتدا حلفت ماخضع له وانادي رحمتك iiياسيدي
وان زادت همومي تغنّيت الهجيني والحدا وقلت اركعي لي ياجزيلات المعاني iiواسجدي
وان ضاقت الدنيا عليّ لاتحسب ان مالي iiجدا ياعنك والله ماتضيق الا على الخبل iiالردي
بس اعتزي بسبيع والغلبا مطوّعة iiالعدا عز الله اني بحتزم وابشر بعزي iiوسعدي
ربعي هل الطولات يوم ان الردي ساسه iiردا ريف الضعيف وجارنا وكعام خشم iiالمعتدي



كفو ياصبي سبيع ..

عز الله أنك ما أنت بهيّن يا نايف ..

لك تحياتي وصح لسانك ،،

عبدالله الصبيح

نايف النا قول


صح السانك قصيده قمه والله بدون مجامله والاحلا منها قافيتها وبحرها


ابدعت وتفننت

[poet font="Simplified Arabic,14,black,normal,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
لو ادري اني لو بنادي لك مالبيت الندا=ما والله ارجي بإنّ اخوك يصير خالٍ لولدي

[/poet]



سلامي عليك يا نايف





شاعر ولا تحتاج شاهدتي



صح لسانك مليون ولا يكفون



تحياتي

بس اعتزي بسبيع والغلبا مطوّعة iiالعدا
...... عز الله اني بحتزم وابشر بعزي iiوسعدي

كفو والله كفو


قريتها عند ابو خالد وعجبتني والله


صح السانك يانايف واهنيك على هذا الجمال وعلى الفكر الناجح

كفو يانايف ونعم فيك وفي سبيع


صح السانك ولاهنت


قصيده رائعه


لك تحياتي

كفو يانايف ونعم فيك وفي سبيع
صح السانك ولاهنت
والله انها في القمه
تحفه فنيه
لا اجد ما اقول لكي يوفيها حقها
لك كل الحب والتقدير والأعجاب
انتظر حظورك الطاغي دائما

اخوك المعجب احمد

ونعم ونعم تقول وتطول


قصيده رائعه من شاعر رائع


صح الله السانك ولا هنت يا نايف


تقبل تحياتي

..

الاستاذ الشاعر




نايف الناقول







صح لسانك وسلم بنانك يالغالي




قصيده رائعه من شاعر رائع






اجمل تحيه لك

[poet font="Simplified Arabic,14,darkred,bold ,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
الاخ الشاعر نايف الناقول...........

صح الله لساانك مليوووون...وسلم الله قلبك..

جزله...

واافيه...

من وفااك وجزالتك..

سجل اعجابي ولك مني كل الود..
[/poet]