ياللي تقول ان الفقر عيب رجال

ياللي تقول ان الفقر عيب رجال*** هرجك ترا ماطاح راسي وهزه

وان كان بعض الناس يفخر بالاموال*** حنا افتخرنا بالوفا والمعزه

صحيح فقران رفيعين منزال*** ****وكلن يسابق للعلم من يرزه

ومن طبعنا نكرم ولو مابه ريال ***وتلقا المراجل عندنا كل حزه

ايلا لفانا الضيف له فال وعقال ***ويلقا مع الترحيب طيب وفزه

يوم ان بعض الناس تاجر ولاطال**** من العلوم الطايله كبر رزه

قال المراجل نسفة شماغ وعقال******* ماهمه الا قولة فلان رزه

وحنا لك الله نبذل المال والحال *****ورجالنا كل غدا الطيب رمزه

مهما تقول ان الفقر عيب رجال******* فقير حال مغتني بالمعزه
======================================================

وسلامتكم القصيده ل هادي بن خرصان ال مخلص العجمي
واوردتها لاعجابي بموضوعها وهي تعبير عن واقع نشوفه
ولكم تحياتي
اخوكم شقران

وان كان بعض الناس يفخر بالاموال*** حنا افتخرنا بالوفا والمعزه

صح لسانك ولسان الشاعر
وذكرتني بيت للشاعر /محمد السياري (رحمه الله ) يمتدح قبيلةاحد اصدقاه ,,يقول:-
تفخر كثير الناس بلباس وهدوم
..............وهم فاخرهم دلاال وصياني

ويعطيك العافيه اخوي شقران
وتقبل تحياتي

[تم تعديل الموضوع من قبل العاشق المحروم بتاريخ 01-21-2001 الساعة 01:08 PM]

الله يعافيك يالغالي وبارك الله فيك والقصيده اوردتها لانها دقت على الوتر الحساس ياكم طيب يخللا على طارف المجلس وياكم ردي كثير مال لامن جا فزوا له ----
لاتبيح سدي
الله يرحم ابوزيد الامير محمد الاحمد السديري يقول في احدى قصايده

دنيا بغفلتها ركض كل ختال***** وكم خير بالغدر توكل لحومه
الخبث له بايع و شاري و نقال**** والطيب ارخص مالقى من يسومه
وديك الدجاج معلق فيه خلخال***** حطو مفاتيح الذهب في بهومه

تحياتي لكل طيب

جهد مضني , ومشرف يا شقران, التقدير والعرفان مني ومن باقي اخواني,اعرف ان البحث عن عيون الشعر اولا يريد ذائقه شعريه خاصه ,ويريد رجل تعود على سماع ومجالست فطاحلة الشعر أو لنقول صرافين هذا النوع منه0شكرا ولاتتوقف عن مساهماتك الجميله0

مشهور

شقران بيض الله وجهك

وشكرا لك على الاختيار الف شكر


اخوك/عبدالله الهاجري

الاخت الواثقه

مشكوره وصح الله لسان شاعرها

الغالي مشهور

ماتعبت الا لثقتي في وجود من يقدر الشعر الجيد وياليت عندي جهاز يكتب عربي كان شفتوا اكثر

ووجهك مايشين

الغالي ابوفلاح والله اني ودي ارد على كل موضوع في هالمنتدي من محبتي
لللجميع وتواضعهم وطيب مشاعر وحسن اسلوبهم

صح لساااااااااتك وتسلم على الابداااااااااااع

[الكويتيه العنيده]

صح لسانك ويسلم راسك

مساء الخير
********

الاخ العزيز الشاعر / شقران


الف تحيه لك على هذى القصيده الرائعه ....

وان كان بعض الناس يفخر بالاموال*** حنا افتخرنا بالوفا والمعزه

انا اشهد والله جبتها في محلها يا ولد الاجواد

بارك الله فيك وتسلم على القصيد الطيب

تحياتى والى اللقاء

--الاخ الغالي ابوصقر صح بدنك وبدن قايلها الشاعر هادي بن خرصان



--الاخت العزيزه الكويتيه العنيده صح بدنك

وتقبلوا تحياتي

اخوكم واخو كل طيب شقران

ياللي تقول ان الفقر عيب رجال

بسم الله الرحمن الرحيم
الاخ العزيز شقران//تحية طيبه واحترام


وصح الله ابدانك ولايشتاق لمعرفة ازحول الرجال الا السنافى شرواك

والا الردى يكرم القارئ منه لانه ردى معروف انه فى كل حال من الاحوال لايسر ولاايظر ولاكن الشرهة على من يقوم بتقديرة من اجل المال ايحسب انه ابينفعه لواحتاجه مايدرى انه ماهوب نافعه الله ايكرم الجميع مثل لبن الحمارة اللى الجحشها
وكما قال فيه الشاعر



تر مردة لوتشبرق للفشايل// مثل رس ينقطع تالى جذيبه
وان بدالك لازم مامن صمايل// ظاع حكى فى الفهانى لاعديبه

ملاحظة لكلمة الفهانى// لانه قديجهلها بعض القراء الفهانى تعنى وقت الرخاوالراحة

واماقصيدة ابن خرصان فصح الله السانك والسانه ونعم الاختيار لهذه القصيدة وبيض اله وجهك واللة ان اعلومك كله طيبه ياشقران
والاخ ابن خرصان لااعرفه هذيك المعرفه ولكن ان صادفته والله ان اوصله سلامك وفى الختام للك ولكلى قارء تحياتى وتمنياتى للجميع بالتوفيق

شكرا شقران

ياللي تقول ان الفقر عيب رجال*** هرجك ترا ماطاح راسي وهزه

***********
تسلم والله يا شقران وصح لسانك .... عزالله انك وصفت ووفيت وكفيت .. لك مني كل الاعجاب ... ومثل هالقصايد نبي ونطرب لها .. القصايد اللي تذكرنا ببقاء عزة النفس عند أهل الجزيرة .. الرجال رجال ما تقاس بالمال

******************
أخوك الصغير جداً / فتى الأفلاج
**************************
توي جديد وهقوتي تعذروني ..... لاني خبير ولا بعد صرت راوي
*****************************************************

الاخ كونكورد -- سلامي والله عليك وعلى كل طيب ماقلت الا الصحيح يالغالي وهاذي النوعيه من القصايد تطربني والله يافيه قصيدة لمشعل عوض العتيبي اني ماامل من سماعها لو اسمعها مية مره ولاهيب طويله وقصايد واجد منها كثير في هالمنتدي لقيتها . بيض الله وجهك وما قصرت مهوب وعساك سالم

ملاحظه:- سيارة البشر عجيبه ماتفك لي الجهاز ابي فيها وارهمه في موتري ترهيم لا ولو يكون فيه رساله تقول للردي انقلع لامن ركب وياك ازين وازين ....
=======================================================

الاخ فتى الافلاج هلا وغلا بك وباهل الافلاج كلهم ولا نتعب الا ندور رضاكم ورضى الى لهم في الشعر صوله وجوله ومثل ماقلت لاخوي الكونكورد هاذي النوعيه الى تخش مزاجي والحمد امنالهن واجد والاخوان هنا من دون مدح ويعلم الله مانيب امدح الا من يستحق فيهم مستوى عالي مهوب بس فس الشعر وفي التواضع وخفة النفس ... تتعب وانت توصفهم هذا وانا توني جايهم

تخياتي لكم ولكل طيب

اخوكم شقران