Tweet
قصيده في الشيخ /سلطان بن منيس بن شكبان الشهراني
من الارشيف(ذبحناكم بالارشيف
)[poet font="Simplified Arabic,14,darkblue,normal,normal" bkcolor="" bkimage="" border="none,2,gray" type=3 line=200% align=center use=sp char="" num="0,black"]
هجوسي درهمي بالسير وارقي شاهـق الـضلعان=ومع الدرب المـجـدد والمحدد حاولي تمشين
وغوصي في البحر وارقي النوايف واهبطي الوديان=لعلك بالذهب والماس واصـداف البحر تضوين
عسى الرحله سعيده وابتدي باسـم اللـه الرحمن=ولااوصيك في العليا وفي درب النـقا تكـفين
ياطيب المنهج اللي يرتـفع قـدره مـع الازمان= ويازين المنطق اللي يستحق القـدر والتـثمين
ترى غث المعـانـي بـايـره والا السمان سمان=على ذا النهج سـيري والله الله في الكلام الزين
نويـت اسطـر الابيـات واوزنها عـلى الميزان=بميزان الرجـال الـلي تقـنن هـرجها تقنين
واعطرها بريح المستكـى والعـود والـريحـان= واوشح بالزهر هنـدامـهـا وازينـه تـزيين
ابيها في جمال الشكـل مـثـل اللول والمرجان= وابيها في حـلاوة طـعـهما مثل العنب والتين
ولامنه استوى نضم البيـوت وكـل شـي زان= وصار البيت في سبكه وفـي حبكه يسر العين
خذيت العقد بيدي ثم قـدمـتـه لابـن شكبان=لمقدم ربعه اللي شيـخـهم وافي وهـم وافين
بني رامث منجضة الكوي سلطـانـهم سلـطان= لهم تاريخ يرفـع روسـهـم ومـدون تدوين
الا يا نعم بالقـايـد والا يـانـعـم بالفرسان=نعـوم مـا تبـاع وتشـترى لكن فعول ايمين
لابن شـكبان مـاضي تثبته الاصحاب والعدوان= ولايخفى على اللي بالمـغـازي والـسير دارين
وهم شيخان في الحـاضر وهم فيما مضى شيخان= تلوح امجادهـم باجدادهـم واحفادـهم وتبين
وهم ضمن العماد اللـي تـمـثل قاعدة شهران= قصر عمر الليال او زاد من عقب السنين اسنين
على درب الكرامه والمـعـزه سـاروا الجـدان= وخالفهم على درب مشـوه اسـلافهم ماشين
ومن يجـحد فعـول الطـيبـين مكابر غلطان= ولاينكر مواقيف الكـرام الا قـلـيل الـدين
يقـوم البـنـي لامـا ثبـتوا من تحته السيسان= ولاتصمد بوجه الـريـح دار ساسها من طين
عسى ربي يبارك في ظلال السـدره ام اغـصان= وعسى الله يـرحم اللي مات ويطول بقا الحيين
ومعا موعد حلول العيد الاول حل عيـد ثـاني= بعيد الفطر وبـدار الامـاره عيـدنـا عيدين
وزاد النفس بهجه يوم شيد مـركـز الضـفران= يرفرف بيرقه بالعز مـع ميـلاد عـام الـفين
عسى ربي يقـوم حضـه وينـفـع بـه الاعيان= ويشمل خيره القـاصي من اهل الحي والادنين
تحت راية فـهد حـل السـعد واستكمل البنيان= وعم الخير في عهد المـلوك اللـي لنـا والين
اقدم صـادق التـبريك لرجـال تسـد الشان= نقدرهم وهم والشـاهـد الله عنـدنا غالـين
اقدمـهـا وانـا مـن لابـة تـوفي قضا الديان= بني واهب كما صم الجبال او مثل سور الصين
تثور بوجه طلاب الحـرايـب ثـورة الـبركان= ويمطر غيمهـم جـود وكرامه والعرب مسنين
وحن وانتوا على طول المسافات اقصرى واخوان= نسير بدرب واحد مـا يـعـود دربنـا درين
هذا قـولي وفكـري والعرب معهم فكر ولسان= ويابخت اللي يعيش بوجه واحد ما مـعه وجهين
عسى الـقول اكتـمل مـافيه لازود ولانقصان=وحقق كل الاهداف الـعزاز الساميات امـين
ولك مني تحـايـا ريحـها مـن ريحـة البستان= وتسلم وتحيا وتدوم ياحـامل لـوا الـرمـثين
محبكم/بن معجب
[/poet]
تعليق