الوفاء

أخواني أعضاء هذا المنتدي المبارك: السلام عليكم ورحمة الله وبركاته

أعتذر عن التأخير الخارج عن إرادتي في المشاركه معكم في هذا المنتدى الشامخ بوجودكم أيها الأعزاء ووجود القائمين عليه , وأحب أن أشارك معكم بهذه القصيده التي أتمنى أن تحوز على رضاكم..


أخوكم,
حمد بن فطيس المري


[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
هرج القفى في القفى ماهو بعاداتي = أقدًم النصح والنيّه إيلاهيّه
يامقبلات الليالي للوفاء هاتي = مابه خيارات والأقدار حتميّه
تكبر علي قد كبر العزم شرهاتي = ما أعرف أجامل وأعيش أحلام ورديّه
ماقلت يا سيّدي يا سيد ساداتي = للي تهندم ولبس شماغ مكويّه
لي بصمةٍ واضحة بإسمي وبإثباتي = معجب بشكله وشك إن الملا زيّه
ولانيب للغرم عنده ذابحٍ شاتي = ولا أبني البيت بحصيّه علي حصيّه
أبني بجلمود صخرٍ في الهواء العاتي = ثابت وله ظل ويذرّي وله فيّه
يا ماخذ العلم ما تدري بغاياتي = والرجل من دون غايه لعنبو حيّه
إن ما عطيت الوفاء من جزل مداتي = طبع المواجيب حيّ وشمسها حيّه
ياما وياما نطرت المقبل الأتي = وأقبل وجاني وحيّ العام يا حيّه
من له بأوجّه مشاريهي ومشكاتي = وش عاد بأقول دام المشكله هيّه
مانيب أحب أتكلم بس عن ذاتي = أعرف وأقدر وأجازي وأنجح الكيّه
لأجل الوفاء عارضٍ مالي وخبراتي = وتجنيب الأصحاب لي ما غيّر النيّه
إن ما نفعته بفعلي وإقتراحاتي = ماهو مشافيه وصف أعشاب بريّه
وإن قصّرت بندقي من دون هقواتي = الخلف من رميها ماهو من يديّه
وأشّين من الحمل من فوق إحتمالاتي = جبر القصايد علي الأفكار جبريّه
ولا أشّين من القول كون مطاول سكاتي = يامبدي اللوم عفواً والمعذريّه
مدري عن العلم والعلم بمحاذاتي = قريب وبعيد لاهاذي ولا ذيّه
دلو الذباذب عجز ينزل ولا ياتي = قام يتدلي ولا روحه ولا جيّه
ولسان حاله يقول أسمى إعتباراتي = هذيك ليّه وذي ليّه وذي ليّه
زرعي عجز ما طلع من غير مشهاتي = وشلون يطلع مادامه واقفٍ ريّه
مادام منته بكوكب يوقظ سباتي =بأدمدم الجم بيدي وأهدم الطيّه
قلته وأنا اللي كثيراتٍ مجالاتي = من يبغي الطيب ما يحتاج قطيّه[/poem]

؛
:


صح لسانكـ، منـّـا ليوم الدين ..
مرور للإستزاده ..
بيض الله وجهك والهنت على اتحافنا ..
تحيتي وتقديري،


.

حمد بن فطيس


صح لسانك

لين ترضى


قصيده جزله من شاعر جزل اينما كان مبدع وجزل



سجل اعجابي بهذه الدره



اخوك

محمد الدهيمي


لاهنت وصح بدنك مليووووووون


حمد