حمد السحيمي(النداوي)

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
بسم الله المعبود علام الأسرار=اللي عليه موكلين الهقـــاوي

ربٍ لزلات المخــــاليق غفار=محيي هشيمٍ من ضماها سنــاوي

القاف ما ياخذ من الحرف مقدار=حتى أعسفه عسفة بعير اللحاوي

والينه وآخذ مع الطرق معبار=لوهو معزبني بجـــــو خــلاوي

واجملـــه بعيون زاكين الأشوار=ويلج باسماع الشواعير داوي

حق علي والشعر في مدح الأحرار=البسه غتره وبشت حســـاوي

انت السحيمي وافي القدر والكار=حر على كبد السحاب متساوي

ريف الغريب اللي على الدار محتار=هداج والهداج عد رهاوي

حمد الا كثرت على الضيق الأعذار=لازعزعوا عند اللزوم العزاوي

حمد وسايل عنه شبابت النار=اللي مع الأقصين واللي دناوي

رفيقي الصادق وميعادي البار=يفداه منهو فابن عمه يراوي

يوم اذكره واطالع يمين ويسار=كني من دروب الرجاجيل غاوي

ضلع على روس الأطاويل سنجار=وريف لخلانه من اغلى المناوي

ولاهي غريبه مدح وافين الأشبار=من ربع بن هادي زبون الجلاوي

آلاد ساحـــم عزوة تكرم الجار=حريبهم يونس على الكبد لاوي

هذا وانا ماقلتها زيف وظهار=الناس تنظر والمكان متساوي

ولاني من اللي فالمجاليس ثرثار=والزور ماله في ضميري عراوي

مسلم وسامع علم لاكــن ماصار=ولاله على بيض النوايا حراوي

قلت ابتعد عن قصة النار والغار=البدو بدو وراعي الشاه شاوي
[/poet]

والله صدقت ... خالي النداوي يستاهل اكثر

صح لسانك وسلمت يمناك

كفيت ووفيت

في انتظار جديدك

يستاهل الطيب فاعل الطيب

صح لسانك يا مشهور

وكفوا واللة النداوى " من صبيان السحمة " واللة وانعم

بيض الله وجهك يامشهور وصح الله لسانك الف

والخال النداوي يستاهل الطيب ويستاهل المدح من غير قصور في الحاضرين...والمدح يصبح له قيمة ومعني عندما ياتي من رجل وشاعر كبير يدعى مشهور الخيال له من علو الهامه مايجعله يصافح الجدي وهو متكئ على يمين الشداد.


تحياتي لك

اخوك الصغير/عبدالله الهاجري

كفو

يا السحيمي

وصح لسان


شايع

صح لسانك مليارررررر ولاهنت يامشهور
وابو ثامر كفو ويستاهل القصيدة
والمدح في هله يابو فارس ....
وتقبل خالص التقدير والاحترام
انت والنداوي حمد السحيمي ..!!

ابو فارس في نهج مختلف عن ما عهدناه في قصايده ...نعم لابو فارس اسلوب معين ولكنه تمرد عليه في هذه القصيده..الرائعه...رائعه بك لماتحمل الكلمه من معنى

وابو ثامر والله يستاهل والمدح في هله يليق

صح السانك مره اخرى يالعيافي

..

يستاهل يستاهل يستاهل يستاهل بوثامر المدح



يستاهل كساب المراجل والله والنعم فيه وفي ربعه وفيكم جميعا




مشهور الخيال صح لسانك



والشهاده مني في شاعر مثلك تعتبر مجروحه



لك من الطيب اطيبه

صح الساااانك يامشهور



ويستاااهل النداوي الاول





ايقول ويطول وينول







لاهنت على الرائعة يامشهور الخيال

كفو والله ابو ثامر ويستاهل اشهد انك صدقت يامشهور رجل يلفت الانتباه ويستحق الثناء كفو والله ياابو ثامر
وبيض الله وجهك يامشهور والقصيدة ذهبت لمن يستحقها فعلا بكل ماتحمل هذه الكلمة من معنى

يستاهل ابو ثامر

اهلا وكفوا لذلك

وانت بيض الله وجهك

يامشهور

تحياتي

الاخ مشهور الخيال


بيض الله وجهك على هالرائعه


و السحيمي يستاهل


صح الله السانك ولا هنت


اسلم وسلّم

الاخ الشاعر مشهور الخيّال
صح لسانك مليوووووووووون وبيض الله وجهك
ومليون نعم بابو ثامر اقسم بالله انه كفو ويستاهل المدح و التقدير والوقار



لك جزيل الشكر يا ناصر الهاجري على ردك الذي جعلنا نطلع على هذه القصيدة الوافية
الله يعطيك الف عافية

الاخ الشاعر مشهور الخيّال

صح لساااانك

ولاهنت

جزله يا ابوفارس

تسلم يمينك

ونعم بابو ثامر

كفو والله يالعيافي



تحياتي