مشهور الخيّال ومسابقة الجزيرة "جديد

[poet font="Simplified Arabic,14,black,normal,normal" bkcolor="" bkimage="http://nadawi.net/vb/images2/13.gif" border="none,2,gray" type=2 line=200% align=center use=sp char="" num="0,black"]
سقى الله روضة التنهات روضة كاسب الطالات =بسيلٍ في عروض العرق الأعلى بانت حدوده
مواريث السحاب اللي مقاديمه لها نوضات=يسامر بارقه طرّاف ليل ويكسر رعوده
عليه من الصخا سبار وشعوفه على المنحات=يلم اشناقه اليا طرفت ويبيح سدوده
تعزل من ربابه وانفهق لين البشاير جات=نفيضٍ كل ماعسكر عطا جوده وماجوده
مداهيل الزعيم اللي تصاغر عنده الهامات=فهد زند الوفا زنده ...وضد الضد باروده
الا جار الزمان وجاء لميزان الطغى ميلات=علينا درعه اضفى من شداد العز وبدوده
حكيمٍ ماتزعزعه الخطوب وحيلته حيلات=على الشده قدمه اثبت من السنجار وحيوده
ضرب لهل السياسة فلسفة تدرس بها الساسات =وعين الامتنان لخادم البيتين وجهوده
له الشور السديد وحنكة القايد وطيب الذات=وحنا في سبيل الله ...جند الدين وجنوده
علينا العهد بالطاعه وحنا اللي لنا عادات=مدابيس الوغى كان البرا لــزّم بمردوده
لنا العزه مع الحيين والرحمه مع الأموات=مكاسبنا ليا بارت يدين الظلم وعضوده
وطنا ماتهقواه الكبود اللي بها غلات=تجيله بالهيام وتنتحي بالهم ملهوده
كسانا خيره الوافي بعد كنا حفات عرات=وذرانا ذراه من الهجير وشمسه ونوده
نشرنا في شواهده الطويله سيد الرايات=وراية "لااله الا الله المعبود" محسوده
صعيدٍ فوقه القبله وتحته سيد السادات=عليه الشرك ناطا غاربه ونترّب خدوده
[/poet]

شايع العيافي " مشهور الخيّال "

صح والله لسانك يابو فارس ...


انا اشهد شهادة حق يسئلني عنها الله يوم الحساب انها اجمل من بعض القصايد اللي اخذت الجائزه ...


قصيده تتابعة فكرتها وجزالتها من اول بيت الى اخر بيت وترابط رائع جدا ومفرده قويه قويه الى ابعد حدود ..

ما فيها اي لوي او توقف او تحوير لاي كلمه سلسه للغايه جرس يطرب من لا يعرف الشعر فكيف بمن يعرف ويتذوق الشعر ...


اقول ابو فارس العلم بحر ...


اخوي بحر لك الف شكر والف تحيه على ما أهديته لنا وكلك ذوق ياوجه محلف ...


تقبل تحيات اخوك الصغير /// ابو مهدي

من أجمل القصائد التي قرأتها مؤخراً


لله درك يابوفارس شاعر كبير والله الكبير سبحانه


صح الله لسانك ولاهان رأسك أيها الشامخ




شكراً لإهتمامك ومتابعتك يا بو بندر ولاهنت



اخوك,

قصيدة لاتقل عن القصائد الفائزة

شكرا بحر
شكرا يا مشهور

الله الله يا شايع



ابداع ابداع ابداع



تراني الشاهد الثاني مع ابو مهدي




وان طلبت مزكيه واجد

















تقبل تحياتي




وشكراً بحر

شكرا يابحر000



مشهور الخيّال
صح السانك
ماتحتاج كلام قمة بجمالها يابو فارس
وقد فازت باعجاب متابعينك وجماهيرك0
دمت ودام ابداعك
تحياتي

شاعر الابداع مشهور الخيال
قصيدة تستحق الفوز
وتستاهل الاعجاب
سجل اعجابي
وصح لسانك مليار
مع جزيل الشكر يابحر

ابوفارس بيض الله وجهك

وصح لسانك مليون ياستاذ الشعر

قصيده جزله من شاعر جزل

تستحق المركز الاوّل بدون منازع شهادة حق يابوفارس

لله درك.

والشكرلك ياخوي بحر لو ان العلم بحر..

سلطان....

[poet font="Simplified Arabic,14,white,normal,normal" bkcolor="orangered" bkimage="" border="double,2,darkred" type=0 line=200% align=center use=sp char="" num="0,black"]
كان تشهد يا حكيمٍ بالشهاده=و الله اني حالفٍ حلف اليميني
ما تقول الا الصحيح بلا زياده=و اشهد انك جايب الحق المبيني
[/poet]

اخوي الغالي بحر

بيض الله وجهك على اتحافنا بهذه الدره الثمينه و الغاليه من شاعرنا الكبير ابو فارس

صح الله لسانك و بيض الله وجهك يا مشهور و الله يجعلك من ذا وزود

تحياتي لا عدمتك

اخوك ابو فهد