ســعد وفـريـــال

[poet font="Simplified Arabic,14,black,bold ,normal" bkcolor="" bkimage="" border="none,2,gray" type=2 line=200% align=center use=ex char="" num="0,black"]

الله يخـيـب رجـــا الجــوال = خيــــب رجـــــاي بـفـواتيــــره
ماعاد خلى في بوكي ريـال = وطـــا رصيــــدي بـجنـــزيــره
ادفع دراهم واشيل إيصــال = وانا احســب اني على خيـــــره
واقــول كـــلـــم يـا رجـــال = حــالك عــــلى الله تـدبــــيــــره
اقض اللوازم بـلا مرســـال = ومـن مـوقـعـــك كـــلـم الديــــره
انشـد عـن الاهـل والاحوال = واخــــذ الخـبــــر وبحــذافيــــره
عن كل شيٍ طـرى فـالبــال = وخثرق ليـا صـرت في حيـــــره
سـوالف وبسط واستهـبــال = في الليــل ،، والصبح تصفيـــره
ولا الرسـايـل لهـا منــــوال = فــي كـــل حــــزه لـهــا سـيــــره
اللغــاز واشـعـار واستنزال = حـتى النـكـــت جــاتــك مغيــــره
والى هنـا والحـمـول ثقــال = وحـــالي نــــوى الله تغـيــــيـــره
كلـمت مـره على صــــلال = ابـو فــهـــــد ،،،طيـب الجيــــره
وسـمعت صوتٍ تـقل شلال = ويشــقـــق القـــلــــب تعبــيــــره
واثر سعـد طـاح في فريـال = اخــطــــا الرقــــم الله يجيـــــــره
قـالت هلا ،، كنـهـا مـــوال = قـلـــت ارحبـــي انــتـي منيــــره؟
قـالت مُنيــره بنـت الخــال = تقـــول فــي هـرجهــــا غيــــــره!
واستطردت : آه حالي حال = دايــــم يحـسـبــــونــي صغيــــره
قلت اخو صيته ، محدٍ قـال = والزيــــن انـتــــــي نـوافيـــــــره
حسـت بنشـوه .. وانا دجـال = والصــــدق اقـطــــع ازاريــــــره
قلت انا اسمي شادي طـــلال = ولا سعــــــد ... يـاغـــلا عيـــــره
وصارت سوالف وشد حبـال = ونــــوخ لـهــا قــلـبــــي بعيــــــره
وواعـدتـهـا الصبح بأتصــال = ونـامـــت بقــلـبـــي واســـاريـــره
واصبحت وجـوالي استقـبـال = فجـأه كــذا ،،،، انقــطــع سيـــــره
وامسيت اشيـله بدون ارسـال = مــــاغـــــار اقــلــبـــــه واديـــــره
ماعـــاد لي حيـــلــةٍ واحتـــال = تـقــــــل عـلـى الوجــه تغبيــــــره
الله يخــيـب رجــا الجــــــوال = خيـــب رجــــــاي بــفـــواتيـــــره
[/poet]

وســلامتــكم

[poet font="Simplified Arabic,14,darkred,bold ,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
الاخ الشاعر سعد بن شامان...

صح الله لساانك مليوون..

قصيده رائعه....

جزله....والله يعينك على جوالك وعلى فواتيره........

سجل اعجابي ولك مني كل الود..
[/poet]

الاخ .....سعد بن شامان



صح الله السانك

على هالقصيده

والله لا يهينك

والله يعينك على تسديد فاتورتك وفاتورتك محاكيك


تقبل تحياتي:

الأخ سعد بن شامان

صح لسانك

أبيات دمها خفيف

الله يسعد أوقاتك

تقبل تحياتي

سعد بن شامان

جميل ان نكتب ونرسم البسمه على الوجوه
ورغم ابتسامات من قراها لاننكر جمال صياغتها
وتصويرها وروح الدعابه التي سكنت فيها
وصح لسانك

محسن آل زريع

شكرا لك ،، وحياك الله ، والله يعين على شركه الاتصالات



صح بدنك

سعد بن شامان


لايهمك خذ جوالي عساه افداك

بس تراه استقبال اتسدد فواتيره

قصيدة ذهبت فيها الى ماهو ابعد


من ماتبدو عليه !!!!!


تغليفه رائعة

تحياتي .. اخوك ... مدغم ابوشيبه

الله يوسع صدرك ياسعد

انستنا بهالفكاهيه العذبه

صح لسانك ولك تحياتي

اخوك

فالح

,,,,,,

اخي الغالي

سعد بن شامان



صح لسانك على

هذ القصيده



وتقبل تحياتي

سعد بن شامان




صح لسااااااااااانك


والله يعينك على الفواتير

قص سوى وفك حالك





لاهنت على القصيدة الرائعة






تحياتي

احمـد الماشع


الله يعين الجميع على الفواتير .. وابشر باللي يسدد فاتورتك بس بعد مايسدد فاتورته

=====> مافيه امل


صح بدنك يالغالي

الأخ المحترم سعد يامرحبا فيك وياهلا في منتدى النداوي


وصح السانك على هذي القصيده الجميله


تحياتي لك

الاخ سعود


صح بدنك يالغــالي


وسعيد بمرورك الكريم يالغالي






تحياتي

[c]... سعد ... عندنا وعندك خير ...[/c]
[poet font="Simplified Arabic,16,blue,Bold,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
الأخ العزيز سعد بن شومان .... صح لسانك ...
قصيده بسيطه .. فكاهيه .. مرحه ... وجميله
ولكنها تعني غير ما نراه ... بيض الله وجهك
ولا هنت ... الحال من بعضه يا الغالي ...
لا عدمتك .... ودمت سالم يا القرم.
[/poet]
[c] تحياتي للجميع .............
[gl]السلسبيل[/gl] [/c]

دارين

حياك الله في متصفحي ،،، ورايك يسعدني ويشرفني ،، ويدفعني الى الامام



صح بدنك ولا هنت








تحياتي