لـــبـــــــيــــــه

[poet font="Simplified Arabic,14,white,normal,normal" bkcolor="" bkimage="http://nadawi.com/diwan-alnadawi/images/bg67.jpg" border="groove,5,teal" type=2 line=200% align=center use=sp char="" num="0,black"]
تبيحنى للبعد ياجرحي ولا تشعر بخوف=وابعد ومرساك الضلوع العوج والجسم النحيل

تطوف بي سود الليالي وانت في قلبي تطوف= واعرف مسار هجوسك اللى ماتكل ولا تميل

أشوف وجه الموت واذكر يوم ودّعت الكفوف= على رجا رحمتك ياربي وانا عابر سبيل

تضرب بصدري وحشة الايام والفرقا دفوف= والليل قفّا فجره النازح وليله بالف ليل

ماحدن يرد الموت عنى لو تحامت لى صفوف= لا دمعتن تشره على خدى ولا صوت وعويل

في رحمة اللي منشى اعظامى قبل لاسمع واشوف= آقف على بابه ويغريني من الرحمة دليل

أذل من ذنبي وترميني بعيدات الحتوف= واستغفر الله من خطايا العمر والصبر القليل

ماذكر وجيه الناس لو تمسى حدر جفنى وقوف= نبراتهم كذب وملامحهم سراب يستحيل

الا انت يا وجه الغلا والخير يالصدر العطوف= لبيه يايمة صدى صوتك ويالوجه الجميل

اجيك ماحسب خطوة اقدامى كما الطفل الشغوف= والقى يدينك دفوة الايمان والظل الظليل

ضاقت بي الدنيا ولاسوى بي الوقت معروف= واتعبت نفسى لين ملّتنى ولا بالحيل حيل

لا تنشدين الجرح يايمة وجمرة مايروف= مثلي اليامن قيل له وش فيك عبراته تسيل


اسكت ولو ان السكوت احيان مايبرى الشفوف= وانزف كلامي في فمى جرح ومسافات ورحيل

تبقى مراقيب السهر دربي عسى الجرح مخلوف= مامعك ياليل التعب راحة ولا عنّك بديل


[/poet]

شاعرتي

أبعاد التركي

لن أقول هنا قرأت فقط

بل قرأت وتأثرت

حزن تملك قلبي هنا

هذا لأنك تكتبين بصدق الأحساس وتلامسين وجدان المتلقي مباشرة

دمت رائعة
دمت متألقة

دمت بالف خير

ابدعتي يابعاد التركي وربي

صح السانك

تقديري

ظبيالجنوب