[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=3 line=200% align=center use=ex length=0 char="" num="0,black" filter=" glow(color=purple,strength=5)"]
تواجهنا مشـى عجل وأنا وقفت أنادي له
ذهولي شل خطواتي ولا وضّح لي أسبابه
أبشـكي له من أشـــواقي ومعها قلة الحيلة
وأبوصف له عذاباتي وأفاديها برضا أهدابه
أبي يوقف يجـاوب نزفي الحـاير وياوي له
تكاثر فيني اللحظة وأنا عمري يتســـلّى به
أشــوفه أبعد من الحلم وأقرب من تفاصيله
وأشـــوفه حاضرٍ يملك عليّ الكــون بغيابه
مراســيلي بكل الصد تصدمها مراسـيله
تطيربشـــوقها والحب ويقفل دونها بابه
أنا وردي وهوى نبضي عذابـه في محاصيله
جنى من صادق الإحساس صنوف أوهام كذابة
أنـا اللي أكـتم الآهات في لاهي مواويله
وأنا اللي أعلن الإفلاس أنا ماني من أحبابه
أنــا زود الثواني المهدرة في يومـه وليله
عطش بأنهاري العذبة وأنا يرويني اسرابه
أنا اللي باذلٍ روحي وضاعت في مجاهيله
أدوّرها بشغاف القلب ويبعدها عن اعتابه
أنا اللي شاغلٍ نفسي شاقدّم له وش أعطي له
وأنــا اللي لي تواجهنـا يحيّرني وش أبدا به
[/poet]
...........................قهر يزيد
[/align]
تعليق