الاساور

السلام عليكم ورحمة الله وبركاته

بعد الغياب


الله من قلبٍ همومه تداور =هذي صدير وذيك ورّاد بالدور

هم ٍ على قلبي خيوله تغاور =في كل ضلعٍ حطت أعلام وسبور

عليه حربٍ من جميع المحاور =الله يعيضه جنةٍ كلها حور

مدري يكف الحرب والا يناور =لو كان في الحالين مرغم ومجبور

وراسٍ على الشدات ماهو يشاور=ايشير لامن شير ماينتظر شور

عنده على صكات الايام باور=تقدح صعاطير الظفر منه وتثور


ونفسٍ تشوم عْن الردى والمعاور=ولاهي تفتش للردا كل مصرور

وعيون عن غرّة قصيرٍ مجاور = كنها عن الجيران لاعرّضت عور

ورجلٍ على وضح النقا لو تزاور=تدخل مع البيبان ماتشقح السور

خمسٍ حوتني كاحتواء الاساور=وانا بها مغرم وعاشق ومغرور