يا سَهْيّف الذرعان ما نيب مرجــوج

القصيده ل بندر بن سرور
يا سَهْيّف الذرعان ما نيب مرجــوج

رجتـنـي الدنيــا بغدرٍ وحيلــه

يا بنت لولا اللي على تاسع الفــوج

تركــت نجـد وعزوةٍ بالقبيلــه

لا شك حادينـي على نجد هيــدوج

مسقي الفيافـي لين يدرج مسيلــه

تركي ليا من البــلاوي غدن عـوج

حملــه عتيبــه كلها ما تشيلــه

يرسي كما مينا البواخـر على الموج

ومنيـن ما صــك البحر ترتكي له

ما دام تركـي حــي ما ودي آدوج

وإن غاب غبت من الرجوم الطويله

هلااااااااا اخوي شقران ...

سلمت وسلم غاليك

اختيـــــــار جميل

اختك

سلمت يمينك

ورحمك الله يا بندر بن سرور

اختيار جيد يا شقران

[بدوي]

صح لسان قايلها - زأنت ما قصرت

بس يا شقران وانا خوك ترا فيه ملاحظات على بعض ابيات القصيده
احب اوضحها لك :-

البيت هذا فيه بعض الأخطاء - والصحيح هو :-
تركي ليا من البــلاوي غدن عوج
.............................حملــه عتيبــه كلها ما تشيلــه

والصحيـــــح هـــــــو :-

تركي ليامن الليالي غدن عــوج
............................حمل عتيبة كلها ماتشيلـــــــــه

برضوه في البيت التالي :- ملاحظه

يرسي كما ميناالبواخـر على الموج
...............................ومنيـن ما صـك البحر ترتكي له

والصحيح هـــــــــــو :-

ترسي كما ترسي البواخر على الموج
...............................ومن حيث ماهب الهوا ترتكيلــه


هذا للمعلومه فقط ليس الا

لكن وأنا خوك والله ما قصرت

اختي الواثقه

هلا وغلا وتسلمين ويسلم غاليك

سهم المنايا

هلا وغلا والله يفكنا وياك والجميع من سهوم المنايا
تحياتي لك

بدوي

شكرا للتصحيح والمعذره للخطاء الغير مقصود وانا اوردت القصيده لااسباب كثيره ومنها محبتى للرجال الى علومهم طيبه والمدح يزهاهم مثل الشيخ تركي بن ربيعان الله يرحمه واموات المسلمين احب انا الطيب ولومالي به علاقه تحياتي لك وللجميع

الاختيار جزء من العقل

صح السان الشاعر الرائع بندر بن سرور

وتسلم على اختيارك الجميل

هلا والله و غلا اخوي شقران عندي ملاحظه القصيده كثير اسمعها و انا اعرف و جاااري ولد تركي العتيبي (عيااال فيحان العتيبي) و اسامعها كثير منهم بس يقولونها في البيت الاول موب سهيف (سخيف) الظعيفه العصلا.... يقصد البنت الصغيره يوم فتحت له الباااب,, والله اعلم بتاكد منهم مره ثانيه

تحيااااتي لك ,,

[تم تعديل الموضوع من قبل ذوق المعاني بتاريخ 01-18-2001 الساعة 08:50 AM]

[fahad]

فيما اشار اليه –ذوق المعاني من ان بداية القصيدة.. سخيف .. هي اشارة صحيحة، ولضبطها على الوجه الصحيح يكون هكذا:
يا صخيّف الذرعان ماني بمرجوج000رجّتني الدنيا بغدرٍ وحيلة
والشئ الصخيف هو الصغير، وفيه اشارة من الشاعر لحداثة سن الفتاة وصفة من صفات انوثتها
والله أعلم

الاخوان ذوق المعاني وفهد اشكركم لااهتمامكم وتصحيحكم وتحياتي لكم واذا كنتم متابعين لقصيد بندر لابد من يوم اجيب لكم قصيده له ماني متوكد من كلماتها قالها وهو في الامارات الي ذكر فيها جبل حفيت .... واذا هي عندكم وعند احد من الاخوان يتكرم بنشرها مشكورا

سلمتم ودمتم يالغاليين

اخوكم شقران

شقران بعد حي انت رائع اين ماجدك لذلك رحت للرشيف حقك ولقيت اختيارك وذوقك الي الكل يتذوقه وكل رجل يحب شعربندربن سروررحمة الله عليه