يـــــاه ...كم..كنت ظالماً...يـــــا (.........)؟؟؟

السلام عليكم...

عبدالله بن فلاح الهاجري ...ونعم الرجل هذا الفتى...
اول ماتعرفت عليه كان ذلك من ثلاث سنوات تقريباً..كان احساسي الاول(الظالم)واقولها للمرة الاولى حتى وان زعل علي.. بأنه شخص (مغرور)..و..و..

وفي الاسبوع الاول من معرفتي به ..عمل موقفاً لايفعله الا الرجال..فعرفت...انني كنت مخطئاً..بل ظالماً!!!..
الرجل جوهر..وليس ..مظهر...
وقبل اسابيع سألني احد زملاء العمل عن واحد اسمه عبدالله الهاجري..فقلت بكل فخر..نعم..انه صديقي..قبل ان اعرف السالفه..فقال ان عبدالله كانت له فزعه مع احد الاخوه..في موضوع جداً كبير.مليء بالانسانيه..ولايفعل ذلك اي شخص...وعلمني بالسالفه..وطلب مني قصيده ليهديها لابو فلاح ...قلت غريبه ماعلمني ابو فلاح....انا انشهد انه النشمي....

ابو فلاح اعذرني ان قصر حرفي ..ترى والله ماقد كتبت بالمدح الاقصيده وحده بالوالد...

حييت يـاقـرمٍ..غـدا منبع الطـيب
.........................ريــف الضـعيف اللي لجا يـم بـيتـه

في فزعتك تبري الجروح المعـاضيب
..........................يابـن فــلاح..وكـل صـعبٍ وطـيـتــه

"ياراعي العشوى"..عوين المصاويب
..........................واللـي شكا من ضـيم وقـته حمـيتـه

عدّيت يالنشـمي...طويل المـراقيب
...........................وراس الـمعالي "يارفيقـي"رقـيتـه

انت الكـريم ونسل الاكـرام ياذيب
.......................... وانت العــديم وكل صيـتٍ خذيـتــه

ربعك "بني هاجر"..سحاب المجاديب
...........................قـحطـان سـاس..وجـدهـم مانسيـتـه

نسل"الحميدي"..عارفين المـواجيب
...........................حــريـبهم مايهتـني في مبـيـتــه

انتم هل الفزعه..بـوقت المطاليب
...........................بعـلمٍ لفى سمـعي..وعلـمٍ قريـتــه

تشـهد لهم ذيك السـيوف المحاديب
..........................والبـيـرق اللي فازعٍ...لانـخـيتــه

وتشهد لهم خيلٍ..مع الفطر الشـيب
............................ويشهد لهم درب الكرم..لامشـيتــه

عز القـريب...وعز نـاسٍ اجـانيـب
.........................وافي عهد...واللي وعدته....وفـيتـه

ياغـيث مايسـقي هماج المشــاريب
..........................غيثك قراح...وكل ضامي...سـقـيتــه

عـجزت ابوفي..مدحـكم بالمكـاتيب
..........................لوإن حرفي..عن قصوره....نـهـيتــه

كـلٍ جـمع مابين طيب....وعـذاريب
..........................الا انت يامن...عانق الغيم..صـيتـه

سـاسـك مـثل فعـلك ولاشـيٍ..يعـيب
........................والمدح..قصرٍ...في يمينك....بـنيـتـه

اللـي..نصـابيتك..ترى رايه مصيب
..........................بردت كبده...يوم...ليلك...سريتــه

هذبت نفسك..للعطــا..خير تهـذيب
.........................يسراك...ماتدري وش اللي ...عطيتــه

يبعدك ربــي عن هـموم ولـواهـيب
.........................ويبقـيـك للـي في ضـميـرك نـويتــه






اخوك///الفارس

صح الله لسانك يالفارس

وابو فلاح يستاهل ،

أخي الفارس

السلام عليكم ورحمة الله وبركاته وبعد:

بيض الله وجهك بياض يشع ويستشيع والشاعر ابو فلاح كفو وانت ماعليك زود يا طويل العمر والقصيدة ما شاء الله كلام ينقط عسل .

هلابك يالفارس شاعر وفارس للقصيدة

مثل ماقالوا _ انت تفعل وهو يستاهل _ عز الله ان الواثق يستاهل هالقصيدة من جد رجال وكفو ولا عليكم ولا على الربع اللي معنا زود.

وووووووووووواو رهيب يا الفارس

كتبت عن الواثق ووفيت وكفيت

والله ابو فلاح يستاهل

لا ’شلت يمناك انت مبدع يالفارس

سلمت وسلم غاليك

الفارس والله مدري وش اقولك ؟؟

اخوي الفارس بيض الله وجهك وصح الله لسانك ولي الفخر انه يقصد فيني رجل مثلك وشرواك لكن صدقني اني تفاجأت لما لقيت القصيده ولقيت الموضوع اللي تتكلم عنه...واسعدني اعترافك انك كنت تظن اني مغرور لانه يعني تبرئتي بشهاده من رجل مثلك من هذا الداء

اخوي الفارس...رغم ماتجمعنا من صداقة ثق انني لن اتي في يوم من الايام واقولك اني سويت والا فعلت....لان والدي اطال الله في عمره ربانا وعلمنا ان لانمجد انفسنا ونذكر افعالنا امام الناس فهو دائما مايوصيني انا واخوتي ان نترك الناس هي التي توصل مانفعله اليه من مراجل وكان ولازال يوصينا ان فعل الطيب في الطيبين واجب على كل رجل ولايعد جميلا ...وانه ليس من شيم الرجال عد افعالهم لانهم بذلك يزكون انفسهم....لذا اعذرني اخي الفارس لن تسمع مني انني فعلت او سويت.

ولكن اسمح لي ان اشكر صاحبك الذي كان سببا فيما فعلته معه في موقفه لانه كان سببا في كسبي لقولت نعم من الرجال اللي مثلك وشرواك ...فأنا دائما ابحث عن هذه الكلمه لاضيفهالما سبقها واجعلها في رصيدي لحين الحاجه...لاني اعلم ان الله اذا رزقني بأبناء لن اخلف لهم من بعدي ثروة من الاملاك والعقارات والقصور
لذا افضل ان اترك لهم من بعد موتي كلمة(ونعم) لان هذه الكلمة ربما تكون سببا في جلوسهم في صدر اي مجلس يذهبون اليه وان يقدرون بتقدير والدهم عند الناس...مع العلم انني اتمنى ان يأتون ابنائي اخير واطلق مني....فانا اريدهم ان يكسبون النعم بافعالهم لابافعالي.....اخوي الفارس الف الف الف شكر لك ولاعليك زود انت وجميع الاخوان المطاليق اللي معنا في منتديات النداوي.



تقبل تحياتي

اخوك الصغير/عبدالله بن فلاح الحميدي الهاجري

صــــــــــح لســــــــ1000000ــــانـــــك


يالــفـــــــــــــــــارس



وابـــــــو فــــــلاح يســـــتاهــــــل







لا هـــــنت وبيـــض الله وجــــهـــك على القــــصـــيده










تـــٌقــبل خالــــــص تحــــياتـــي




اخـــــــــوك/الأصيـــــــــــــــل

يستاهل ابو فلاح يستاهل





يا أخي وش نقول فيه وش نخلي

رجل بمعنى الكلمه ,,,,, وكفى


فهد الوايلي