معاد تنفع.......؟

[بدوي]

بسم الله الرحمن الرحيم

هذه القصيده لست انا قائلها ولكن من كثر اعجابي الشديد بمضمون ابياتها دفعني الشوق لها لكتابتها لكم _ والقصيده قيلت في كل شخص مغتر بدنياه :- الله يكفينا الشر .

ان كان تضحك معجبك كثر دنـياك
...........................ولها بقلبك صار حبٍ كبـــــيري
أذكر الليا قفيت عنا وشلــناك
...........................ولقيت مثواك الأكيد الأخيــــري
ولا عاد تنفع يا رصيد تركــناك
...........................في البنك ولا في ملف المديــري
ولا عاد تنفع يا محلٍ بنيـــناك
...........................ذيك المجالس والكنب والسريـري
ولا عاد تنفع يا محلٍ فرشنـــاك
...........................بالزل ولا بالذهب والحريــــري
ولا عاد تنفع يا رفيقٍ ذكرنــاك
...........................عن الشفاعة صار حبلك قصيـــري
ولا عاد تنفع يا حبيبٍ عطــيناك
...........................ذيك المحبة في الزمان القصيري
ولا عاد تنفع يا طريقٍ مشيــناك
...........................من كل خطوة منك شرٍ شريـــــري
ولا عاد تسمح يا ضعيف ظلمنــاك
...........................الا بعفوٍ من السميع البصيـــري
لكن ياشين منول حقرنـــــــاك
...........................منتة بشيء وفي نظرنا حقـــيري
اليوم في حاجة ابن آدم لقيناك
...........................لقمة ضحى عند الضعيف الفقيـري


وسلامت الجميع

مسيك بالخير يابدوي

ماشا الله إسم وقصيدة من روح التراث ومن البيئة البدوية قصيدة جدا رائعة وعبرة لمن يعتبر ،، ونصيحة فعلا لكل قاريء سلمت يمينك وصح لسان قائلها.

هلا بريحة البداوة والبر هلا بريحة الرجال الطيبين ونعم والله يابدوي القصيدة طيبة جدا ولها روح لاهنت يالسنافي .

اخيك / المدهر

[بدوي]

هذا قليل مع ان فيه ناس اكيد اطيب مني في المنتدى هذا

وسلمت يا سهم المنايا انت والمدهر .

أخوكم : البدوي - الطائف

صح لسااانك ولساان شااعرهااا ,,,,

قصيده طيبه ومن اختياار رجاال طيب وواافي ,,,

الله لا يهينك وتقبل تحيااتي ,,,,

اخوك ابو الاصاله