مرحوم ياللي تفعل الطيب يمناه

هذه القصيده قلتها في جدي فدغوش بن جزا رحمة الله عليه والذي توفي بداية هذا العام 1423


[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
الــدمـع هــلّ ولـلـه الـيـوم مـشـكاه=
مـاغـير ربــي واحـد(ن)بشتكي لـه
دمـع(ن)تحدّر فوق الاوجان مجراه=
هــمّـال فــجّـر مـحـجرالعين سـيـله
وش عـاديـنـفع دمـعـنـا لـوذرفـنـاه=
الــدمــع مـايـرجـع خـلـيـل لـخـلـيله
الـنوم مـن عـقب ابلج الوجه عفناه=
كـــن الـعـيـون يـــذرّ فـيـهـا مـلـيله
مـن يـوم راس الـعود غـاب ودفنّاه=
غــاب الـكرم والـطيب حـدر الـنثيله
الله يــارجــم(ن)فــقـدنـا فـــيــايــاه=
الـنـايـف الــلـي فـوقـنـا لــه ظـلـيله
نـورالـعيون الـلـي بـكت حـرّ فـرقاه=
راع الــوفـا شــيّـال حــمـل الـثـقيله
ريـف(ن)لربعه ذخرهم عز من جاه=
لاعــــوّدت روس الــمـعـزه ذلـيـلـه
مـاوقّـعـت بــيـن الـقـرابـات شـلـفاه=
حـــلاّل روس الـمـعضلات الـجـليله
مـرحـوم يـاللي تـفعل الـطيب يـمناه=
جــزل الـعـطا مـايـعطي الا الـجزيله
يـعـطي لـيـا شــحّ الـزمـان بـعطاياه=
لاقـصّـرت يـمـنى الـشحيح الـبخيله
كم مجلس(ن)له في حياته حضرناه=
نـنهل مـن عـلوم الشرف والفضيله
فـي مجلس(ن)كل الرجاجيل تنصاه=
مـاصك بابه دون ضيف(ن)يجي له
وان شــب نــاره فـالـمناره وجـيناه=
الــبـن يـسـكـب والـسـوالف عـلـيله
وكم راس كبش(ن)في محله كليناه=
امــاعــشـا ضــيــفـان والا مـثـيـلـه
ولاتـجـي فــي طـيـب(ن)الا وتـلـقاه=
دايــم لـفـعل الـطـيب يـومـي شـليله
والـيـوم راح ولابـقـى غـيـر ذكـراه=
الـطـيـب يـبـقى والـفـعول الـجـميله
ودّع مـكـانـه بــيـن ربــعـه وخــلاّه=
خـــــلاّ مـكـان(ن)مـايـسدّه بــديـلـه
يـامـال فـرقـا الـعـين راح وفـقـدناه=
الــمـوت حــق ولافــي الـيـد حـيـله
لاوالله الا راح واقـــفــت مــطــايـاه=
اقـفـت بــه الـدنـيا سـريع(ن)رحيله
مـافـيـه مـخـلـوق(ن)مخلّد بـدنـيـاه=
الــعـمـر يـفـنـى والـلـيـالي طـويـلـه
يـبـكـيه مـحـرابـه ويـبـكي مـصـلاّه=
وسـجـادتـه تـبـكيه فــي كــل لـيـله
ويـبـكيه لـيـل(ن)لابقى ثـلـثه احـياه=
ويـبـكيه تـسبيح الـضحى واتـهليله
ويـبـكيه جـار(ن)بـالعسرمـاتناساه=
ويـبكيه مـن وقـت القسى يلتجي له
عــزي لـمـن يـبـكيه مـثـلي وعـزاه=
كـل(ن)بـكـى مــوتـه فـقـيدة قـبـيله
نـبكي رفـيع الـقدر مـعدوم الاشـباه=
مــاجـن بـمـثـله نـاقـضات الـجـديله
جـعل الـسحاب ان مرّ قبره نثرماه=
يـمـطر عـلـيه الـيـوم نــوّ الـمـخيله
ويالله عـسـاهـا لـجـنّـة الـخـلـد يالله=
عـظام(ن) مـن اول للمساجد تشيله
يـشهد لـه اذانـه ويشهد من اوحاه=
شـهـادة(ن)يـزود فـيـهـا حـصـيـله
فـي جـنة الـفردوس يـنزل ومـثواه=
بـاذن الـولي مـعط الـعطايا الـجزيله





__________________


[/poet]

صح لسااانك يافاااايز


ورحم الله فقيدكم 0 واسكنه فسيح جناته


ومن كانت هذه صفاته فبشره باذن الله بنعيم اخيّر من الدنيا ومافيها


وعزالله ان اللي مثله فقيده على قبيلته وعلى اهل الطيب كافه


لاهنت يافايز على هالقصيده اللي جت من مشاعر صادقه بعيده كل البعد

عن ما يشوبها سوى الصدق والحزن على الطيب واهله


دمت ودام ابداعك ورحم الله الفقيد رحمة واسعه


تحياتي لك

رحمه الله الفقيد واسكنه الجنه

وصح الله السانك اخي وننتظر منك كل ماهو جديدد
ولاهنت

الله يرحم فقيدكم يافايز


ويتغمده برحمته


وصح لسانك ولا عدمناك

تحياتي

الله يرحمه برحمته ,,

ويسكنه الجنه ,,

صح لسانك ولاهنت

اخوك

بو عرب

الغالي/ابو عبيد

جزاك الله خير

والله لايهينك على المرور

لاعدمناك

اخوك/فايز الشدّادي

الغالي/علي مبارك

جزاك الله خير

شاكر مرورك


اخوك / فايز الشدّادي

الغالي/ناصر الاحمري

جزاك الله خير

وصح بدنك لاعدمتك


اخوك/ فايز الشدّادي

الله يرحم فقيدكم يافايز


ويتغمده برحمته


وصح لسانك ولا عدمناك

تحياتي

الغالي/سعود العازمي

جزاك الله خير

وصح بدنك

ومرورك اسعدني


اخوك/ فايز الشدّادي

[c]... عزيزي فايز الشدادي ...[/c]
[poet font="Simplified Arabic,16,indigo,normal,normal" bkcolor="" bkimage="" border="none,2,gray" type=3 line=200% align=center use=sp char="" num="0,black"]
الله يرحمه .. برحمته ..ويسكنه الجنه
وصح لسانك على هذه القصيده ....
جعلك حي وباقي ... ودمت سالم.[/poet]
[c] تحياتي للجميع .............
[gl]السلسبيل[/gl] [/c]

وان شب ناره فالمناره وجيناه ii

البن يسكب والسوالف iiعليله
وكم راس كبش(ن)في محله iiكليناه ii







الله يرحم فقيدكم يافايز


ويتغمده برحمته


وصح لسانك ولاخلا ولاعدم يالسناااافي





تحيااتي لك .......نااايف بن عيفااان

الاخ العزيز فايز الشدادي

رحم الله فقيدكم واسكنه فسيح جناته وعظم الله اجركم

قصيده رائعه ومؤثره صح الله لسانك فيها الجزاله والاصاله

لك خالص تحياتي

اخوك صالح الحربي

اخوي / فايز


صح لسانك ولاهنت


ورحم الله جدك واسكنه فسيح جناته


والبقا في راسك


القصيده لاشك وافيه من وافي


تحياتي لك


فالح


,,,,,,,,,,