very important

الحمدلله انا عندي من القصايد الكثير , ومن فضل ربي ان الكيف يتناغم مع الكم , واذا فيه شئ احرص عليه هو عيون متابعي هذا ا,,, ولو انه مايملا عيون شعار هذا المنتدى الا الشء الكايد



خلال اليومين الماضيين لاحظت وفود كم غير بسيط من القصايد الجزله(الحره) وهذا ما شجعني على ايراد هذه القصيده


اشره على اصحاب القلوب المصاليح000 اللي تجرعها السموم الذحيحه


تجبر على لاما الوجيه المكالــــيح000 غبر النواصي مشغلين القــريحه


النفس قفر نبته الــورد والشيح 000 سلالها شوف الـوجيه القبيحه


يابو محمـــــد لاتعد المـــدابيح000 ان كان لك قلب يضم النصيحه


دربك ورى العـاقه بعيد المشاويح000 تصبح لعـيلات الروابع منيحه


فليا بدا لازمك لـــو وقتك شحيح000شوفـك يقديك الفجوج الفسيحه


خل الردي ياقف من الذل ويطــيح000 وانهض على صم العظام الصحيحه


وش لك ورى سـود الكلاب النوابيح000 من قارب الحذاف عجل مطيــحه


الحـر يقفي لو دعته الملاويـــــح 000 في شف تلعـات الخشوم المشيحه


فيلا ومرك الله على هــــبة الريح000ياما حلا جمعا الوجيه الفليحه


ربع على الرفقه حـــراص مناصيح000بلاسم تشفي القلوب الجــــريحه


مجالس تـــزهى الرجال الطحاطيح000ادنى كرمها للمـــــسير ذبيحه


اليا اقبل الطرقي بعيد المساريح000تقطع خواه شمام وتهــــب ريحـه


ضو بها الرسلان كـــــنه سوابيح000تقرظ لهـــا سمر يغــاغي فحيحه


وسوالف تجلى الهمــوم الزحــازيح000طرايف حره وهـــــرجه فصيحه


سوالف ما لطمــــــوها المشافيح000تقنى مماليك العقول الرجــيحه


تامر بمعروف يغـــــــر السلاتيح000وتنهى عن المنكر خسيس الشريحه


هـــذي غناة مـــدورين المرابيح000ياللي تجرعة السمـوم الذحيحه



(مشهور)





[

[تم تعديل الموضوع من قبل مشهور الخيّال بتاريخ 05-07-2001 الساعة 07:40 AM]

الشاعر مشهور الخيّال

شاعر متمكن اذا رأيت موضوعه وجب علي حط الرحال ، كل قصيدة تقول لأختها أنا أجزل منك ،،

أخي مشهور: تهنئة خاصة مني لك على اختيار القوافي التي قليل من الشعراء مايبدع عليها ، وهذا يدل على الثقة بالنفس ،

صح لسانك يامشهور ،

اخوي و شاعرنا مشهور الخيال,, تسلم طال عمرك لا هنت على القصيده الرائعه و نتمنئ انا نرى المزيد,,

تحياتي لك.

صح لسانك بابن خيال على ها الابيات

اخوك الغازي

صح لسانك ايهاااا المبدع ونتمنى المزيد

جعلني والله ما أبكيك

الحـر يقفي لو دعته الملاويـــــح 000 في شف تلعـات الخشوم المشيحه

فيلا ومرك الله على هــــبة الريح000ياما حلا جمعا الوجيه الفليحه

ربع على الرفقه حـــراص مناصيح000بلاسم تشفي القلوب الجــــريحه

ومجالس تـــزهى الرجال الطحاطيح000ادنى كرمها للمـــــسير ذبيحه

لعنبوا بليسك والله أنك تملا العين غصب...
صح لسااااااااااانك ...وسلم لي على أهل تن.1 ؟؟

تسلم والله
أوخيك ولد عبس

[زايد القلادي]

ابداع يامشهور

الحقيقة وشنقول ابداع والله يامشهور الله يديمك ويخليك لنا

اليا اقبل الطرقي بعيد المساريح

........................تقطع خــــواه شمـام وتهب ريحه

وسوالف تجلى الهمــوم الزحــازيح

...........................طرايف حره وهـــــرجه فصيحه

سوالف ما لطمــــــوها المشافيح

........................تقنى مماليك العقول الرجــيحه

تامر بمعروف يغـــــــر السلاتيح

........................وتنهى عن المنكر خبيث الشريحه

هـــذي غناة مـــدورين المرابيح

.........................ياللي تجرعة السمـوم الذحيحه






صح لسانك وتسلم يالغالي .

[تم تعديل الموضوع من قبل الفهد بتاريخ 01-15-2001 الساعة 02:07 AM]

الأخوان

المتجول00

ابو صقر00

ذوق المعاني00

الغازي00

الفهد00

والله اذا فيه شئ قدمته وحاز على اعجابكم فانا اعتبر نفسي من اكبر المحظوظين لأن اختلاف الأذواق دائما ما تسبب لي مشكله, لأنه كما يعلم الجميع لكل مقام مقال, والملقي الذكي دائما وابدا يتاكدمن نوعية المتلقي ختى يتمكن من انتقاء القصيده المناسبه,
شكرا للجميع

ولد عبس الله لايحرمني منك ولكن وش دراك ب(p.s#10)والله ياللي علمك ماعنده سد, الله يدفع البلا العلم في بطنه حلول0

على كل ياولد عبس انت ومثالك من الرجاجيل راس مال عندي.


شكرا مره اخرى للجميع(مشهور)

كفو....والله...يامشهور

احسنت...ماشاء الله عليك...بالغزل..وبالفخر..وبعلوم الرجال..الطيبه..ماهي غريبه عليك..وانت من ناس "النعم" حازوهابافعالهم..وطيب اقوالهم..
انا متابع لما تكتب ..لكن يمكن هذه المره الاولى التي اعلق على قصيده لك..لانك ببساطة اكبر..من..ان تحتاج لتعليقي...
ولكن هذه القصيده فيها من الكلام الطيب..ومن ريحة الهيل...والمطر..ماجعلني اتوقف غصب...وفعلا انت دائما تملا العين...


اخوك///الفارس

القلادي حبيبي

والله اني نسيت ارد عليك ويعلم الله وش معزتك عندي, المنسي غيرك ياعم,

ولو انك من يوم جاك بحر الله يرضالي عليك ماعاد سمعت له طاري.

شكرا جزيلا يا اغلى قلادي

(مشهور)

من شدة اعجابي بقصيدة الخيال مشهور ما رديت عليها !!

اخوي الغالي/مشهور الخيال.......والله من شدة اعجابي بهالقصيده اني طبعتها عندي واحتفظت فيها....واعتبرت هذا هو اجمل رد اقدر ارده عليك يامشهور.....تعرف رايي فيك وحبي واعجابي لكل ماتكتب

صــــــــــــــــــــــ(الله لسانك)ــــــــــــــــــــــح

مـــــــــــلــــــــــ(1000000)ــــــيـــــــــــــــون



اخوك الصغير/عبدالله بن فلاح الهاجري

هلاهلاهلاهلاهلاهلاهلاهلاههلاهلا اخوي مشهووووووور وغلااااااا

رهيب والله رهيب

والمعنى في قلب الشاعر زي مايقولون

سلمت يمناك وصح لسانك

في انتظار جديدك

الفارس00 مرحبا ياعم يكفي اني اقول (القلوب شواهد)ولا عليك زود ولاعلىربعك0اخجلتني طال عمرك بهذا الأطراء الغالي على قلبي0


الواثق00 يابو فلاح خل القصيده عنك وقلي وين مغيب هاليومين,على كل رفيق خالك ازعج الناس يسئل عنك0


الواثقه شكرا جزيلا , بس مو هادا اتفاقنا, ما قلنا ما فيه نداوي الا بعد الأختبارات, اشبك كدا ,,,, لالالالالا نبغى نحتفل فيكي وانتي مخذه الأول على الحجاز كله, بالتوفيق انشاء الله0

اخوي مشهور الخيال

يا اخي انك بحر يتدفق شعرا ..

منصفا بذلك نفسك ..

منصفا شعرك ..

منصفا مشاعرنــــــــــا....،

تحياتي ..،

[تم تعديل الموضوع من قبل النايفه السهلي بتاريخ 01-16-2001 الساعة 01:33 AM]