خسارة فيه اسم أبوه وحمايله

يقول من فكر ونقى مثايله......…………….....يختار من زين المعاني جزايله

يشيم عن هرج يعيفونه العرب………………يختار من جزله ويترك هزايله

يشكي عنى نفس صعيب مرامها…………….هيمانةٍ درب المراجل تخايله

ماهي ترضى بالهوينا والردى………………تمشي دروب العز لو كان طايله

لو كان قالوا دون مصر معوشه……………..مهيب ترضى دون عزٍ بدايله

فكرت أنا فالناس قاصي وداني……………..لقيت كل معجباته ……فعايله

مافيهم أحدٍ يعترف انه الردي………………عنده جميع الناس تعرف فضايله

بعض العيال اليا نشا من بدايته……………..لو كان ساسه طيب تكثر خمايله

ترك الصلاة ومعصية والدينه……………...هذي مع اسنانه بداية نفايله

يجيك في وجهه سواد المعاصي……………إليا حلق دقنه وربى جدايله

مايستمع من جاه مهدٍ نصيحه……………..ربعه وهله والكل منهم يحايله

ثم عقبها له مع هل السو رفقه…………….يعدهم من بد خلقه ….دلايله

جنب دروب ماشيتها جدوده……………..واختار درب فيه الانذال ضايله

ممشاه مع ناس تعينه على الردى…………تطفي سنا ضوه وتكثر رذايله

هذا صحيب في يمينه زقارته……………وهذاك وجهه مظلم من عمايله

يجمعهم ابليس بعصاه ويحوشهم…………يسري بهم ليلة وحزّةْ..قوايله

في مجلس الدخان والخمر غيرها………..تلقى الحبوب أنواع ذي حبايله

من طاح فيها صار مثل البهايم ..……….يقضي نهاره نوم صبح وقايله

مهوب يم الناس لو كان تنصحه………...عقله غدا ما عاد تنفع عذايله

يلعب مع الورعان تضحك بعقله……….معهم تقول وريع هذا غزايله

ياالله دخيلك يالولي من ردى الحظ………خسارة فيه اسم ابوه وحمايله

أقـول أنا قـولٍ وأنا خـابر انّــه………….إما رفع ولاّ نقص ميزان قايله

وصلاة ربي عد ماهل وأمطر………….واعداد ما اصبح منه وديان سايله

على نبي بيّن الخير والشر ……………مهمــا فـعـلـنـا مـا لحـقـنا جـمايلـه






و ســــلا مـــــتــكــم و تـعـيـشـــون


(((عبدالله بن سلطان الحضبي السبيعي)))

والله والنعم يالفهد كل موضوع تكتبه يتم اختيارة بعناية دقيقه جدا جدا
وهذا واضح من خلال اختيارك لقصيدة الشاعر عبدالله بن سلطان الحضبي السبيعي ,

تحيا وتدوم انشا الله لنا نجم من نجوم المنتدى كما عهدناك.

____________________________________________________________ ______

تسلم اخوي الفهد على القصيده الرائعه ,, جميله و بها موعضه و نصح ,,,
سلمت اناااااملك و تسلم مليون على القصيده,, و ننتظر المزيد ...
تحياتي لك ,,

سهم المنايا والنعم بحالك

ذوق المعاني سلمك الله وابشر.